千色店換購 -- Pekkle 飛行棋

上次 Citistore 會員積分換購 Pekkle 多款旅行用品，無論係千色店 App，抑或係職員都聲稱，呢個系列嘅精品『有排換』，喼套都仲要話遲啲先番貨，再加上又撞正一田購物優惠日，喺唔想自己太辛苦、太頻撲嘅情況之下，我好『理所當然』咁唸住等多幾日先去千色店換，結果係點，相信好多 Pekkle fans 都知啦... 其實我都只不過係遲咗幾日先去，一星期以內嘅事，竟然所有 Pekkle 精品都搶購一空，其餘公仔都仲有貨，唯獨 Pekkle 冇哂... @@

由於受咗呢一次咁沉重嘅教訓，基於同一個錯誤唔可以連犯兩次嘅『原則』之下，今次真係不敢怠慢，拿拿聲星期五收工就即刻要去千色店買野換 Pekkle 飛行棋.... 終於都比我換到喇！