Pekkle 保溫套連朱古力餅乾條

另外一樣喺 7-11 搵到嘅 Pekkle 精品，就係保溫套連朱古力餅乾條...

我相信所謂嘅保溫套，即係用嚟裝暖包嗰類嘅套，不過又未免大個咗少少囉... 而啲朱古力餅乾條，其實就類似係 yan yan 杯咁，一格放朱古力醬，一格裝餅乾條，既可以沾朱古力醬食，亦可以原味就咁食。

Pekkle 玻璃杯連曲奇

正，7-11 又有 Pekkle 精品買喇！

唔知係咪覺得我地呢班 Pekkle fans 嘅錢好易賺呢？7-11 最近都 keep 住有推出 Pekkle 嘅精品，又靚又獨家，真係好難忍得手囉...

玻璃 mug 價值 $40，手工都尚算係精緻，仲包埋兩片獨立包裝嘅曲奇，值得買！
 

Sanrio Thanks Party 2017 系列 - 有耳杯

Sanrio Thanks Party 2017 系列有耳瓦杯，同一個系列，pattern 就梗係一樣嫁喇...

Sanrio Thanks Party 2017 系列 - Memo pad

另外一款嘅 Sanrio Thanks Party 2017 系列產品，係一本小小嘅 memo pad。

Sanrio Thanks Party 2017 系列 - 方巾

呢個係 Sanrio Thanks Party 2017 系列嘅精品，全日本製。其實都唔係咩最新出品，因為之前已經喺 FB 見到有 Pekkle fans 上過 post，不過唸住自己都冇乜機會買到，所以冇上心，估唔到家人由日本帶番嚟比我做手信喎！

只係一條小方巾咁嘅 size，不過好難得既係有 Pekkle，亦都係正宗 Made in Japan 嘅產品。

草莓雜誌 - 2018 年 1 月號

唔知係咪心理作用，最近發現，喺香港越嚟越嚟難買到贈品有 Pekkle 嘅草莓雜誌，好彩咁啱又有家人去日本，所以先可以帶到呢期嘅草莓雜誌比我咋...

Pekkle 尼龍船襪

去咗千色 Citistore 童樂聖誕大特賣，無意中發現咗呢對唔知算係尼龍抑或係纖維質地嘅 Pekkle 船襪，又係板仔造型...

今次呢對 Pekkle 船襪，用咗好少會喺 Pekkle 身上出現嘅橙色，有少少睇唔慣添...

2017 千色 Citistore 童樂聖誕大特賣

2017 千色 Citistore 童樂聖誕大特賣將於 7/12/2017 - 27/12/2017 舉行，尋日屋企信箱收到呢份宣傳單張，第一時間梗係『找亮點』，睇下搵唔搵到 Pekkle 啦！

2017 一田購物優惠日 - Pekkle boxer

今日係一田購物優惠日嘅最後一日，原本第一日去買套冬季長袖睡衣時，都想買埋呢條 boxer，點知位 sales 姐姐話未有得賣住，我唔知當時佢嘅意思係未番貨？抑或 boxer 仲未公開發售呢？結果我第三日就去咗荃灣一田，點知賣哂，跟住第四日再去大埔，都一樣係買唔到... 估唔到最後一日番到嚟沙田反而又比我買到...

呢個款式就係同今次 eshop 預售嘅冬季長袖睡衣同一系列，未收到 eshop 嘅貨，睇到呢條 boxer，都大概知道個 pattern 係咩樣。 

2017 一田購物優惠日 - Pekkle 冬季長袖睡衣

一年兩度嘅一田購物優惠日今日正式開始喇！優惠期由 23/11/2017 - 27/11/2017，為期五日。

2017 年一田購物優惠日 - 網上預購

由於今次係我第一次上一田嘅 eshop 預訂一田購物優惠日嘅限定貨品，所以一路都唔知開賣時間，結果試到深夜三點幾，都仲係未有得賣，只好放棄。今朝一早起床，第一時間唔係去洗面、刷牙，而係去 eshop 睇下開始發售未，點知都仲係未得，跟住就一邊梳洗、一邊測試，番到黎 office，eshop 嘅版面依然只係出現『COMING SOON 即將發售』幾隻大字...

Pekkle 港版零錢包

久違了嘅港版 Pekkle 精品！

如果我冇記錯，除咗每年雜錦款式嘅賀年產品之外，Pekkle 已經有好多年冇推出過『個人』港版精品喇！望穿秋水，終於都等到 Manis 幫 Pekkle 推出新款精品，今次係尼龍質地零錢包 ($49)，雖然設計上同埋用料上冇乜特別，不過可以有全新嘅港版 Pekkle 精品，真係已經好難得嫁喇，唔敢再有咩奢求... 😁


 

日本手信

上個月，家人又去遊日，本來想叫佢幫我搵上一期嘅草莓雜誌〔因為上期贈品又有 Pekkle 呀〕，點知連日本都賣哂，一本都冇剩，反而帶咗呢個新款嘅草莓雜誌 binder...

之前都有出過其他有 Pekkle 份嘅草莓雜誌 binder，由於呢個 binder 係專用嚟放草莓雜誌，所以寧舍大個，難於收藏...

http://www.pekkle.hk/2015/04/blog-post_6.html

 

Kiosk 2017 年新款 Pekkle 絲質睡衣

Pekkle 最新款嘅睡衣，可以以『破格』去形容，雖然都係 Kiosk 嘅出品，不過無論係用料同埋顏色方面，就同以往推出嘅 Pekkle 棉質睡衣好唔同... 

Pekkle 吊飾

2017 年新款 Pekkle 吊飾，雖然呢個吊飾係中國製，但係個造型幾 cute，貫徹咗一般唔識叫 Pekkle 個名嘅人，對 Pekkle 嘅一種匿稱.... 『大 pat 鴨』是也！😝

日本 Sanrio Puroland 鏡仔

會場限定精品，我地呢啲普通小市民，唔通次次去日本都要入場咩？慳番入場費唔洗比，呢啲錢抵比征服賺嘅...

堅係日本製，標價 650 日圓，唔洗飛日本、唔洗比入場費，$78 就買到。

日本製果然係唔同啲，做得好細緻，連個鏡仔嘅吊飾，都係一個全身嘅 Pekkle 公仔。

Pekkle 日本製仿螢光系列精品

征服世界代購部嘅日本貨，呢啲並唔係一般大百貨公司專櫃可以買到嘅貨品，我估都係要得識得門路先知可以喺邊度買到，所以就算自己親身飛去日本，都未可以買得到，呢啲錢係抵比征服賺嘅...

呢啲精品應該係唔識得發光嘅，不過個設計就有啲似可以發光嘅物料，所以，我姑且稱呼佢為『仿螢光』啦！呢個仿螢光系列嘅精品，有好多唔同嘅 Sanrio characters，估唔到連 Pekkle 都有份囉，仲要係 Made in Japan 添喎...

貼紙 ($35 一張)
 

2018 年 Pekkle 年曆產品

眨下眼，話咁快又一年喇！依家已經好少推出 Pekkle 精品嘅 Gift Gate，好彩都一如以往，仍然有幫 Pekkle 推出咗立體座枱月曆、迷你小掛曆同埋 Date Book 三款 2018 年嘅年曆產品。咁即係話，2018 年嘅每一個工作天，我仍然可以有 Pekkle 陪住工作喇！

 

立體座枱月曆

 

Pekkle 布質 mini charms

Pekkle 布質 mini charms，價錢唔貴，手工精美，連包裝嗰張底紙，都印滿咗 Pekkle 公仔....

日本製品，果然係寧舍唔同...

 

Our Sanrio Times - 澳門展覽會〔精品／紀念品篇〕

今次呢個展覽都推出咗好多精品，仲要分兩期推出。好彩嘅係第一期入場嘅觀眾，都可以預訂第二期推出嘅精品。有部份精品係買現貨，有部份就要預訂等佢送運過嚟香港。前幾日已經收到啲貨，所以可以一次過 po 哂上黎！

相套

Sanrio characters 貼紙

最近推出嘅 Sanrio characters 包裝貼紙，正宗日本原裝入口，都有好幾款，見到其中一款有 Pekkle，都真係有啲意外。

一包一共有 45 張小貼紙，只賣 $29.9 一包，雖然係 Made in China，但都算係原裝日本入口，好抵買呀。

Our Sanrio Times - 澳門展覽會

相信大部份 Sanrio fans 都知道呢個 "Our Sanrio Times" 活動／展覽會嘅『盛事』嫁啦？今次以 "Our Sanrio Times" 為活動主題，所以有好多好經典、好耐冇見過嘅卡通人物都會現身，當中唔少得嘅，梗係有我至愛嘅 Pekkle 啦！

展覽地點為澳門新濠影匯，展覽日期為 2017 年 7 月 28 日至 2017 年 9 月 3 日。

Sanrio characters 2014 年日版貼紙

又一款日本版 Sanrio characters 貼紙...

Pekkle 頸鍊

意外驚喜 - Pekkle 頸鍊

好精緻嘅包裝...

Uji 2017 年款 Pekkle 雪狐絨被

Uji 又推出全新款 Pekkle 被喇！Pekkle fans 真係用得著咁多被咩？照計被呢啲都算係耐用品，唔會冚一季就要報銷卦？香港嘅天氣又唔係特別凍，其實我唔洗冚被瞓覺嘅日子，係多過要冚被... 所以，我屋企嘅 Pekkle 被，包括開咗同仲未開封嘅，相信再冚多三世人，應該都仲未冚得哂... 😣

就算買嚟儲，都要有咁多地方擺先得，一張被嘅『體積』，點都唔可以同啲小飾物、小擺設相比... 依家咁多人連屋都冇得住，我冇理由撥間房比啲被『住』卦？我又未至於咁富貴囉... 所以，今次我真係好忍得手，並冇買到呢款被... 不過，我都唔排除如果將來有大減價時，我會『趁低吸納』囉... 但係目前為止，都仲未見到個『迫切性』要即刻入貨，反正仲有大把被排住隊要冚呀！

2017 年日本 Sanrio 最受歡迎卡通人物選舉系列精品 - 鎖匙牌

今年日本 Sanrio 最受歡迎卡通人物選舉系列推出嘅 Pekkle 精品唔算係好多， 鎖匙牌係其中之一樣，呢個鎖匙牌比我想像中仲要大個，咁大個嘅鎖匙牌仲可唔可以算係一樣實用嘅物品呢？體積比一大抽鎖匙仲要大...

2017 年 8 月 17 日第 612 期 U-Magazine 特別版 - Our Sanrio Times 兩用毛巾

雖然只係得好細個嘅 Pekkle，不過都好搶眼，而且咁難得有 Pekkle 份喎，點可以唔買呀？😁

Sanrio 小鐵盒連貼紙及糖果

最近 Pekkle fans 係咪疲於奔命呢？五月份，7-eleven 先啱啱推出完 "Sanrio Family 幸運小鐵盒系列"，當時大家為咗儲齊八款心情閃卡，睇怕都用咗好多心機同埋時間...

http://www.pekkle.hk/2017/05/sanrio-family-pekkle.html

時隔兩個月左右，7-eleven 又推出另外一款 Sanrio 小鐵盒連貼紙及糖果喇，今次又有 Pekkle 份。好彩，今次唔係好似上次咁，盒內會有唔同嘅精品，要大家花時間去集齊一套。所以，今次我只係買咗五盒就『收手』，冇再去搵，留番啲機會比其他 Pekkle fans...

太空人造型嘅 Pekkle - 盒面

日本手信 - 劈價 Pekkle T-shirt

日本百貨公司意外收穫 - Pekkle T-shirt 大割引，半價發售，好抵買！😆

日本手信 - 富士銀行 Pekkle 塑膠貯金箱

最後收到嘅日本手信，今次又係喺古物店尋寶尋番嚟... 無言感激... 💝

一套四件...

Pekkle remote shutter

之前已經知道有 Pekkle fans 喺 Log-on 買到呢款 Pekkle remote shutter... 不過 Pekkle fans 嘅勢力不容忽視，眨下眼已經掃清光... 都疊埋心水唸住買唔到，點知又意外地收到呢份禮物，睇嚟我同 Pekkle 都仲係好有『緣份』... 💕

其實我呢啲『科技白痴』，根本都唔識得用呢個 remote shutter，所以應該都唔會用，只係純粹作為收藏...😝


 

2017 年 Sanrio Characters Ranking 大賞結果

2017 年 Sanrio Characters Ranking 大賞結果今日已經公佈咗喇！今年共有 4,399,291 票，比上年嘅總票數 7,775,240 票少咗差不多一半呀... 明明我呢個從來都唔去投票嘅人，為咗 Pekkle，雖然明知係黑箱作業，都『貢獻』咗唔少票數嫁喎！又會差咗咁多嘅？😥

最關心嘅梗係 Pekkle 嘅名次啦！雖然比上年進步咗，由舊年嘅第 39 位，躍升至今年嘅第 34 位。不過成績仍然都係有啲強差人意囉... 排名咁後，唔洗旨意 Sanrio 會幫 Pekkle 推出新產品啦... 😞

Pekkle boxer

喺上星期嘅一田購物優惠日，唯一嘅收穫...

Fantasy Theatre 系列 - 船襪

又係全靠『廣佈線眼』嘅谷友，我先買到呢對船襪咋...😎

喺出哂名賣平嘢嘅 759 買，仲要照價再八折，對比之前喺 Gift Gate、征服買嘅 Pekkle 襪，呢對真係抵到爛呀！所以，雖然我唔會著呢啲船襪，不過咁抵，唔買都對唔住自己、對唔住 Pekkle 啦！

Sanrio Family 幸運小鐵盒系列 - Pekkle

由於我本身冇 FB 戶口，有時網上有關 Pekkle 嘅最新消息，都要靠朋友轉述先會知，就喺 17/5/2017 嘅早上，朋友通知我，話 7-11 有呢盒小鐵盒 Pekkle 曲奇賣。當日，我同朋友已經四出搜羅，行咗兩個區、共十幾廿十間 7-11，就只可以搵到呢六盒 Pekkle 曲奇，真係好難買呀！明明睇到 7-11『有新嘢』張宣傳海報，寫明新產品嘅推廣日期係 17/5 - 30/5 嫁嘛，有乜理由咁快就掃清... 😣

 

草莓雜誌 - 2017 年 6 月號

今期草莓雜誌嘅贈品冇 Pekkle，不過封面嘅 Pekkle 好大隻、好 sharp 醒，而內頁都有少少介紹 Pekkle，所以又要買喇.... 😜

2017 年 Sanrio Characters Ranking

一年一度『史上最黑箱作業』嘅日本 Sanrio 卡通人物選舉又嚟喇！今次嘅投票日期為 5 月10 日至 6 月 11 日。一如以往，每人每日只可以投票一次，相信大家有咁多年經驗，應該都知道點樣可以『投多幾次』... 😉

Uji Pekkle 板仔造型 918 針絲般綿床品系列

Uji 最新推出嘅 Pekkle 床品系列，一見到 Pekkle 嘅板仔造型，就覺得 Pekkle 真係『型、英、帥、靚、正』！😆

雖然我之前已經買咗好多 Pekkle 床品，但係今次 Pekkle 呢個造型非常之創新、獨特，忍唔住手唔買囉！不過我發覺喺唔同地方買嘅價錢都可以相差好遠下，所以有心想買嘅朋友，不妨細心格下價先好買喇！

床品都算係屬於耐用品，之前買落嘅款式都仲未用得哂，所以呢套床品都係唸住買嚟儲，唔打算用。亦都因為咁，都費時拆開嚟影，費時影完之後摺唔番咁好樣，就好難收藏...

單人冷氣被

草莓雜誌 - 2017 年 5 月號

今期草莓贈品又有 Pekkle 份喇！😄

最近好似多咗有 Pekkle 嘅贈品，雖然都係同其他卡通人物一齊嘅雜錦款式，但係都已經好滿足嫁喇，起碼証明日本 Sanrio 總公司未曾忘記 Pekkle 呢位卡通人物呃嘛！😉

草莓雜誌 - 2017 年 4 月號

咁啱家人由日本番港，將最新推出嘅草莓雜誌四月號親手由日本帶回港，睇怕今次我應該快過征服世界番貨喇卦？哈哈~~

Pekkle 短襪

第一次見到呢對最新推出嘅短襪時，係喺征服世界嘅 facebook，但係又唔想專程出去，所以遲遲都未買。好彩後來比我發現到，原來 Sanrio Gift Gate 都有得買，又可以用會員折扣價去買，計落仲平過喺征服世界買添...

唔單只對襪嘅價錢平咗、慳番車錢同埋時間，仲可以儲埋 Sanrio Gift Gate 會員嘅購物積分添，一舉三得，正呀！

草莓雜誌 - 2017 年 3 月號

今期草莓雜誌嘅贈品，又有 Pekkle 份喇... 當然，都仲係雜錦公仔款，Pekkle 應該都冇乜機會可以獨挑大樑坐正嫁喇，所以，有雜錦款嘅贈品，都總好過乜都冇啦！

草莓雜誌卡通人物紙啤牌

呢樣都算係呢次征服世界之行最意外嘅收穫...

如果我冇理解錯，呢張『大卡紙』已經係 1996 年草莓雜誌嘅出品，唔知道點解會到今時今日先喺征服世界發現？仲要好抵買添喎...

張『大卡紙』嘅正面。 一共有 54 格唔同造型嘅卡通人物，沿住虛線位逐格剪下，就湊成一副 52 張紙啤牌，再加多兩隻『小丑 Joker』牌。


 

Pekkle - Sanrio Puroland 會場限定吊飾、襟章、萬用夾三合一

Pekkle『多用途』精品，集吊飾／匙扣／襟章及萬用夾於一身，仲要係 Sanrio Puroland 會場限定貨，簡直就係物超所值。

Pekkle 日版膠質貼紙

咁啱賣剩最後一張，整定係等緊我去，帶佢番屋企啦！=D

2015 年 Sanrio Puroland 會場限定 A4 文件套

學老闆嘅『口頭禪』 -- 征服世界，點會無嘢買？

依家得番港、九各一間征服世界，冇以前四、五間分店咁方便，所以都比以前去少咗... 不過可能就係因為咁，反而又會比我搵到啲『被遺忘』嘅精品...

2015 年出產 Sanrio Puroland 會場限定 A4 folder

 

Pekkle 日版 iPhone 插頭專用貼紙

喺征服世界無意中見到嘅 Pekkle 『新』產品〔其實應該都上架咗有一段日子喇... 〕

Gift Gate 2017 年賀年精品 - 立體擺設

唔知係唔係上年全新推出嘅立體擺設好受歡迎呢？Gift Gate 今年再接再厲，推出兩款立體擺設。

草莓雜誌 - 2017 年 2 月號

唔知仲乜最近咁好死，期期贈品都有 Pekkle 份，雖然都係啲雜錦公仔款，但係都已經好開心喇。因為好難得有 Pekkle，而且大部份贈品都係日本獨有或日本製，好珍貴嫁！^^

Fantasy Theatre 系列 - 膠紙

之前見人介紹呢款膠紙，雖然明知冇乜用，都係忍唔住買嚟滿足下自己...