最後一批 7-11 Sanrio 50th Crystal Charms

最後換購既 7-11 Sanrio 50th Crystal Charms 終於都日前拎左，可惜既係最後呢 5 個吊飾之中，冇一個係 Pekkle...

雖然冇 Pekkle 份，不過係五個之中，只有兩個係重複，好過冇啦！

其實之前都已經有廿零個吊飾係賣左同比左 d 朋友，估唔到都仲剩番咁多，真唔敢想像係果短短三個月，究竟自己『進貢』左幾多比七仔....

Sanrio 50th Crystal Charms - 第十二週戰績

2 月 22 日，三條 2 既日子，就係 7-11 派發 Sanrio 50th Crystal Charms 印花既最後一日喇！係呢 12 個星期入面，我都已經計唔清自己究竟用左幾多錢去『參與』呢個推廣活動.... 只係覺得，係首兩個月既日子入面，日日夜夜進出唔同既 7-11，仲勤力過番工，番工都仲有錢賺，依家就反而送埋錢比佢地洗，就好似貼錢打工一樣....

有一樣野係我上一篇 blog 怪錯左佢地既，我以為 7-11 回收哂市面上既吊飾，再根據訂貨數量分發唔同既店舖，原來我係錯既..... 因為係剛過去既週末，我係好多間 7-11 都可以換到水晶吊飾，連一 d 之前問過話換哂既店舖，都再有新貨補充，咁我梗係唔執輸啦！話哂我都仲有成十幾個未換嫁嘛.... 所以係唔同既分店一共換左 14 個吊飾... 收穫如下：

都仲係有好多重覆呀！不過叫做好彩大部分都係第二階段既吊飾，起碼叫做有 d 新款望下啦.... 我好驚再抽到 Cherry Chum 呀！

一輪 "換吊飾" 行動過後，依家手頭上只係剩番四張印花卡未換，而其中呢三張印花卡呢.... 拎左出黎都有兩次喇，但係每次到『最後關頭』我都係收番.... 好唔捨得呀！ 不過，正所謂『賣仔莫摸頭』... 可能要拖到換領 "死線" 1/3/2011 時，我就會合埋雙眼、恨下心腸，換埋呢三張印花卡嫁喇....

Sanrio 50th Crystal Charms - 第十一週戰績

七、十一搞既 Sanrio 50th Crystal Charms 換購推廣已經進入倒數階段喇！只怪我當初太過老定，以為仲有大把存貨，所以拖到遲一遲都仲未去換，唸住趁週末行勻港九新界各地既七、十一換，以免太多重複..... 結果係點？咪處處都冇現貨囉，依家手上咪拎住過百個印花，睇黎都係要登記換購嫁喇！

係上個星期一、二，都仲有零星既七、十一有現貨，所以都換到 5 個吊飾....

除左 Pekkle 之外，我最想要既就係 TuxedoSam，因為佢係 Pekkle 未出世之前，我最愛既 Sanrio character，估唔到仲易抽過 Pekkle，一次過就抽中兩個，算有交代 lu....

其實 Pekkle 同 TuxedoSam 都有好多相似既地方，例如大家都係以藍、白為主色、大家係係肥肥矮矮、一隻係企鵝、一隻係鴨仔，大家都算係水、陸兩宜既 "兩棲動物"...  可想而知，咁多年以黎，我既 "口味" 都係冇乜大改變，幾咁 "專一"....   不過.... 當我將 Pekkle 同 TuxedoSam 既吊飾擺埋一齊既時候，橫睇掂睇都係覺得 Pekkle 得意好多喎.... 唔通我都係個 "貪新忘舊" 既人？

依家我已經擁有 5 個 Pekkle charms，算係超額完成！希望餘下落黎既 charms 會換到多 d 唔同既公仔，不過就算再換到既都係 Pekkle，我一樣唔會 mind 嫁.... 

我覺得其實仲有好多七、十一係有存貨剩，只係七、十一既總公司有計劃地回收所有派剩既吊飾，再根據各店既訂購數量，將吊飾平均分配比唔同既店舖，以提高成本效益.... 咁樣做法唔係唔好，起碼唔洗資源錯配、做成浪費，但係依家距離活動結束都仲有兩個星期，唔洗咁快回收呀？！訂貨又要 3 月先有，真係會令到我地一班顧客等到頸都長埋嫁嘛！如果我既估計係冇錯既話，好心就檢討下呢個做法啦！反正訂貨既人，都要一個月之後先可以拎，遲 d 回收都唔係問題姐....

Sanrio 50th Crystal Charms - 第十週戰績

眨下眼，七十一呢個 Sanrio 50th Crystal Charms 換購推廣已經去到第十週，仲有剩番唔夠廿一日既時間，就會圓滿結束。由於農曆新年特別版已經係一日之內火速換罄，所以係農曆年假期間，我只可以用餘下既印花，去換取普通版既吊飾。收穫如下：

估唔到 5 個吊飾之中，竟然仲有 2 個係第一階段既公仔，而且其中一個仲要係我之前抽到 N 咁多個既 Cherry Chums.... 唔通今年係兔年，所以連 Cherry Chums 都特別多？！

係唔係計錯數呢？又話抽左 5 個？點解張相得 4 個既？原因好簡單，因為剩番果個就係我既至愛 Pekkle 嘛！ 梗係要 "隆重其事"，比 d "單人相" 佢啦！呢個 Pekkle 仲要係 "高清無瑕" 版添！  對比起 d 不知名既騎呢公仔，我又唔 mind 抽多幾個都係 Pekkle 呀！

依家我一共就有 4 個 Pekkle crystal charms，包括：2 個以 15 個印花抽中，1 個係以 $128 買番黎，餘下既一個就係我哥買番黎送比我既！

睇黎，兔年新開始，我既運氣都唔錯喎！先有換三個中三款既農曆新年版吊飾，依家轉番換普通又即刻比我抽多左一隻 Pekkle！！希望呢 d 運氣可以繼續落去，全年都好好運、萬事都順順利利....

依家手頭上都仲有十一、二張貼滿印花既印花卡未換，希望可以再換到我想要既公仔吊飾喇！記住喇，換購行動已經接近尾聲，如果大家手上仲有印花既話就記得去換啦！唔係過左期冇得換既話，盞益哂七十一嫁咋！

Sanrio 50th Crystal Charms 農曆新年特別版

一早已經為左 2 月 2 日換農曆新年特別版呢日作出準備，當日比平常時間早左差不多一個鐘頭起床！8:00am 正式開始有得換，我 8:15am 到達左計劃之中既第一間七仔，不過個 sales 竟然同我講：已經換哂喇！

無野下化？只係過左 15 分鐘就已經換哂？！無天理呀！聽到有 sales 講，話有其他舖頭既客，7:00am 已經係舖外排隊等換購....

一聽到佢話冇哂貨，個心就即刻有 d 慌，不停係度唸：呢間係平時拍哂烏蠅既七仔都已經換哂，咁我早早 plan 定既第二、三間七仔，人流更多、又旺場，會唔會更加早就已經換哂呢？..... 唸唸下都係覺得唔對路，結果係兜路去左一間冇預先計劃既七仔，好好彩，真係換到呀！！

為免夜長夢多，先換 3 個吊飾！同小草一樣，一次過就齊哂 3 款.... 好開心呀！

原本唸住可以收工嫁喇.... 不過係同一時間，我又唸起要比兩粒 charms 比家姐，結果都係要再繼續換落去...

呢 d 就係 Sanrio 50th crystal charms 農曆新年版既戰績...

三隻 Charmmy Kitty....

同樣有 3 個既 My Melody....

仲有兩隻馬騮仔...

唔知點解，經過上次既聖誕版同今次既農曆新年版，我覺得好似抽中特別版仲易過抽普通版，照計款式數量少左，會重覆既機會應該係越高先岩，但係抽特別版又好似冇咁易抽極都相同咁喎.... 奇怪.....

為 2 月 2 日農曆新年特別版作出準備...

之前提過，當換購 Sanrio 50th Crystal Charms 活動第一階段完結之時，我就會暫停換領 charms，因為要留番 d 『彈藥』去換農曆新年特別版既 Charmmy Kitty... 眼見 2 月 2 日換購特別版既日子迫近，都係時候要整理一下 d 印花存貨，咁到時就唔洗 "拿" 手唔成勢咁啦....

原來暫停換 Crystal Charms 之後，唔經唔覺自己都儲落唔少印花....

最初只係 keep 係個盒仔度，冇乜特別理過佢地，結果都花左我成半個鐘既時間，先貼好哂落 d 印花卡上... 原來我一共有 290 個印花未用嫁！

唔好以為就只係得呢 290 個印花喎，因為我到依家都唔係好捨得用 Pekkle 既印花，所以 Pekkle 既貼紙我會儲起唔用，其實我都已經冇儲起哂全部，只係儲左八成左右，費時嘥料嘛....

呢個就係我儲住印花既盒仔喇... 將其他 Sanrio 公仔既印花貼哂上印花卡之後，呢個盒仔入面既，就只係有 Pekkle 既印花喇！！

數一數，原來 Pekkle 印花都有 74 個！！

計一計，現時我既印花存量一共有 364 個，仲未計之前我係第一階段換 charms 時所用既印花喎...   睇黎呢個 12 月同 1 月，我其實係幫緊 7-11 打工囉...

由於之前賣出 + 送左 d charms 比親戚好友，依家 Crystal Charms 既現貨就只剩下呢 33 個，仲有另外收埋左既 3 個 Pekkle charms....

趁年尾黎個 "小結算"，發覺自己其實都相當瘋狂下....