Manis 2012 年聖誕、新年產品目錄

根據慣例，Sanrio Gift Gate 同 Manis 經常都會同時期推出新一季產品目錄，咁 Gift Gate 嘅 catalogue 剛剛推出咗，循例都輪到 Manis...

雖然 Manis 呢本 catalogue 同 Gift Gate 嗰本一樣，將已經推出咗市場嘅貨品翻炒再刊登，不過 Manis 就比較有『良心』，因為就算係翻炒嘅物品，都係 2012 年之內推出，斷唔會好似 Gift Gate 咁，將 2011 年已經推出咗嘅精品都印埋喺最新產品目錄入面。

以下呢頁嘅暖水袋同暖手包，都係今個月推出咗嘅貨品。

Pekkle 暖水袋





Pekkle 暖手包





呢頁就係全新貨色，好靚嫁！唔知幾時會推出呢？期待中...

Pekkle 雙層保溫陶瓷杯連矽膠杯蓋.... 好靚呀！深藍色，『字母湯』嘅設計... 望住個杯就不期然令我唸起 2012 年 Sanrio Gift Gate 嘅入會禮物，應該係相類似嘅款式，當時我話希望個杯有 Pekkle 份，估唔到會『夢想成真』喎.... 必買呀！！

Pekkle 矽膠杯蓋，呢款產品 Manis 之前都已經推出過好多其他公仔款，但係偏偏就冇 Pekkle 份，其實之前 Pekkle 都有過一款綠色矽膠杯蓋，不過當時係唔可以獨立買，要同個陶瓷杯一套咁買，而呢次唔單只可以分開買，仲係我至愛嘅藍色，所以買嘅機會都好大...

仲有就係今個月頭先買咗韓國製嘅多用途抺布。

最後就係賀年用品，Manis 已經有好多年冇推出 Pekkle 嘅賀年用品，過去都比 Sanrio Gift Gate 搶哂正版 Pekkle 賀年用品市場，今年終於都推出番... 雖然都只係得一款... 唔緊要，一步步嚟，總好過冇嘛...

Pekkle 『龍馬精神』大揮春

睇完 Gift Gate 嘅 catalogue 令我好失望，不過知道 Manis 會推出以上嘅 Pekkle 產品時，又即刻開心番哂喇~~

2012 年 Uji Pekkle 雪狐絨床品

趁住一田購物優惠日，Uji 推出咗新一款 Pekkle 雪狐絨套裝傾銷，因為本身已經有兩款 Pekkle 嘅雪狐絨被，所以當我喺宣傳單張上睇到時，都已經話咗唔會再買，不過喺公開發售當日〔即係一田購物優惠日嘅第二日〕，我都係忍唔去睇下個現貨，估唔到當時只係點零鐘，售貨員就話所有現貨已經賣哂，想買就要訂貨，一個月後有貨可取... 隔咗兩日，再去到大埔嘅一田『八』下，發覺一樣係沽清，今次個售貨員直情都冇 offer 話可以訂貨添.... 銷情唔係真係咁犀利呀？

之後睇到雜誌廣告，同期舉行嘅 Sogo Thankful Week，Uji 又推出咗同款嘅 Pekkle 雪狐絨雙層氈，一張雙層氈嘅價錢只係 $299，好吸引呀！




其實呢個 pattern 我真係好鍾意，加上價錢又唔貴，如果唔係因為屋企冇地方放，我唸我真係會即刻買咗落嚟！我真係忍得好辛苦先冇去買到，依家唸唸下都覺得有 d 後悔呀！

Happy Sanrio Winter 2012 Catalogue

最新一期嘅 Gift Gate catalogue 又出咗喇！一見到就拿拿聲拎咗一本，喺歸家途中已經急不及待一路行一路睇，點知每多揭一頁，就多一份失望囉！


唔知係唔係 Sanrio 見到我喺 blog 入面成日都提到佢地密密推出 Pekkle 新產品，次次都會搞到我流血不止... 所以今次呢本介紹新產品嘅 catalogue 入面，大部份 Pekkle 嘅產品都係翻炒之前嘅，包括 ---

三款家居拖鞋




抺手布、紙巾盒套及大、小保溫壺




五款手錶




聖誕系列鐳射貼紙



Pekkle 喺短期內冇新貨推出，確係可以幫我慳番唔少錢嘅，不過今年農曆年唔單只冇新款嘅利是封，就連揮春亦都只係得一款新嘅，咁咪冇得將 Pekkle 嘅賀年飾物貼滿屋企？好失落囉！

我反覆睇咗本 catalogue 三次，只係搵到呢款『通花揮春』係真正嘅新貨...




zoom 近 d 先...

見 Sanrio 都唔再投放資源去推出 Pekkle 產品，Pekkle 會唔會又再一次沉寂呢？好擔心喎！

我發覺自己都幾難服侍，出得多產品又鬧，冇新貨推出又唔開心...

草莓雜誌 - 2012 年 12 月號

10/11 就已經上網睇下今期草莓雜誌贈品係 d 乜，由於唔識睇日文嘅關係，一見到有 Pekkle 份，就有理冇理打電話去征服留貨先啦.... 

一路都估緊今期送嘅禮物究竟係 d 乜，等左幾日，終於都有貨到手，原來係一張 A3 size 嘅貼紙... 雖然係求其咗 d、唔夠精美，不過難得有 Pekkle 份都算數啦...





Pekkle 唔夠 Hello Kitty、Little Twin Stars、My Melody 呢 d 主角人氣盛，當然係冇可能自己一個霸哂成張 A3 size 嘅貼紙啦！不過『大雜會』之中，Pekkle 都有一張『單人相』同『大合照』嘅，算叫做有交代啦...

『單人相』

『大合照』

循例又要搵下成本草莓雜誌有咩地方會提到 Pekkle 啦！好可惜係冇嘅，只係有 d 以『路人甲』身份出現嘅情況...

2012 Sanrio Thanks Party，廣告一則，只有 Pekkle 嘅背部...



仲要企到去最低既位置...



Saniro 最新嘅 iPhone 5 case，當然冇 Pekkle 獨個兒嘅機套喇！只有兩款『大雜會』嘅機套，Pekkle 先可以叼下光...



第一款



呢款仲要係限量特別版，Pekkle 細到差 d 走漏眼...



最後一個出現 Pekkle 出現嘅地方係雜誌內其中一個叫 Strawberry Comics 嘅專欄...



好難得嘅 "手繪" Pekkle 喎，唔知係唔係原作者嘅 "手稿" 嚟呢.... 定其實都只係 CG？