Thursday, August 30, 2018

草莓雜誌 - 2018 年 9 月號〔第 607 期〕

最近冇家人去日本旅行,又冇相熟嘅精品店留貨,所以今期贈品雖然有 Pekkle,但係我都冇辦法買得到一本有 Pekkle 贈品嘅草莓雜誌。

由於今期草莓雜誌係以 2018 Sanrio 最受歡迎卡通人物大賞嘅賽果為主題,拎到香港區冠軍嘅 Pekkle,冇理由內頁會冇介紹卦?所以,就算買唔到有 Pekkle 贈品嘅草莓雜誌,我都要求其買一本睇下內頁會有幾多篇幅報導 Pekkle 先得!


Saturday, August 25, 2018

2018 年 Sanrio characters 日本版盒裝貼紙

以往日本都曾經推出過多次 Sanrio characters 雜錦貼紙,不過多數都係膠套包裝,今次推出嘅係膠盒裝,雖然個盒好細個,似乎都冇乜其他用途,但係膠盒面印有不同 Sanrio characters,真心覺得靚囉,仲要唔係貴喎,日版貼紙都只係 $35 一盒!

Pekkle 2018 新款厚身碎銀包 (Manis)

唔怕得罪講句,Ellon (即係 Manis) 嘅 designer 都幾懶散,同一個 pattern 分別推出咗水樽、眼鏡布、多用途袋,依家就輪到碎銀包... 其實以同一個 pattern 去推出一個系列本身係冇問題嘅,重點只係在於呢個系列唔係特別靚囉,如果唔係太耐冇乜 Pekkle 新貨,加上唔算貴,又唔係太阻地方嘅話,我未必會買齊囉〔水樽除外〕...

其實呢個碎銀包大小都幾適中,只係間格太少,如果可以多番一、兩格分層,咁就實用好多喇!所以,依家買番呢個包包番嚟,都係得個『儲』字囉。



Sunday, August 12, 2018

Sanrio Character Ranking 2018 - Pekkle 香港區冠軍紀念版公仔

Pekkle 得獎無耐,就知道 Sanrio 將會推出紀念版產品,一路都好期待將會推出啲咩產品,到知道係公仔時,個心都有少少沉咗落嚟,因為一向唔多喜歡儲公仔,到知道咗個訂價之後,更加有放棄訂購嘅念頭....



Saturday, August 11, 2018

2018 年日本限定版 Pekkle 公仔 - 怕醜仔系列

其實我好少會買 Pekkle 公仔,因為一向都覺得『立體版』Pekkle 公仔做出嚟個樣,同平面圖相比,總係有啲失真嘅感覺,有時做出嚟嘅公仔手工又參差,要睇下你好唔好運,先會買到一個『像真度』比較高嘅公仔。再者,公仔真係比較阻地方,以香港寸金呎土嘅環境之下,要買齊哂咁多款 Pekkle 公仔,對於我嚟講,又真係有啲困難囉...

既然係咁,點解我又會買呢款公仔呢?原因之一係因為咁啱做緊會員推廣,價錢好抵,再加上呢款面紅紅、有兩點胭脂仔嘅『怕醜仔』Pekkle,比起以前嘅 Pekkle 公仔,叫做有少少特別,所以就買咗落嚟喇...

左邊比較大嗰隻 Pekkle,原價 $115.9,會員折扣後大概係 $79;而右邊細細隻嘅 Pekkle,原價係 $72.9,會員折實價大概係 $50...


Sunday, August 5, 2018

ASOKO de Sanrio characters 系列 - 方巾

ASOKO de Sanrio characters 系列方巾,仍然係以白色為主調,雖然係有少少單調,不過呢個就正正係「Buggy圖案」嘅特色,夠哂型~


 

ASOKO de Sanrio characters 系列 - 野餐餐墊

呢款「Buggy圖案」系列嘅野餐餐墊,雖然冇乜用,但算係還咗自己多年嘅心願,因為好多年前 Pekkle 都曾經推出過餐墊,當時覺得冇乜用,又好似有啲貴,所以冇買到,依家要買番都唔係一件易事,就算有,可能都係天價,依家見到呢張咁平嘅餐墊,二話不說就要買,免得自己將來又會後悔啦!

裝住塊餐墊嘅袋仔,可以拎嚟當午餐袋用,一物二用,感覺又再抵啲~


 

ASOKO de Sanrio characters 系列 - 午餐袋

日本生活雜貨店 ASOKO 和 Sanrio 合作,於7月28日発売一系列嘅 Sanrio 用品,既實用,價錢又便宜,實在太吸引喇!可惜最近冇家人去日本,唔可以買哂我想買嘅所有貨品,但係好彩征服世界都有入貨,可以買到少少心水貨品,都已經好滿足嫁喇~

呢個聯乘計劃共推出咗兩個系列嘅貨品,一款名為「Ifuku Kazuhiko 圖案」,可惜呢個系列並冇 Pekkle。而另一款名為「Buggy 圖案」,呢款就有 Pekkle 喇!正~

質地有啲似係麻布,應該都幾襟用,美中不足係呢個「Buggy圖案」系列都係白色為主色,好易污糟囉!


 

Sanrio Characters Lonely 系列 - 索袋

日本限定 Sanrio Characters Lonely 系列索袋

第一款係 Lonely Pekkle 嘅黃色布索袋


Friday, August 3, 2018

Pekkle 2018 新款多用途盛物袋 (Manis)

上個月推出完同系列嘅水樽同眼鏡布,啱啱再出埋同款多用途盛物袋... 唔知又有幾多位 Pekkle fans 儲齊咗一套呢?😆