草莓雜誌 - 2018 年 9 月號〔第 607 期〕

最近冇家人去日本旅行，又冇相熟嘅精品店留貨，所以今期贈品雖然有 Pekkle，但係我都冇辦法買得到一本有 Pekkle 贈品嘅草莓雜誌。

由於今期草莓雜誌係以 2018 Sanrio 最受歡迎卡通人物大賞嘅賽果為主題，拎到香港區冠軍嘅 Pekkle，冇理由內頁會冇介紹卦？所以，就算買唔到有 Pekkle 贈品嘅草莓雜誌，我都要求其買一本睇下內頁會有幾多篇幅報導 Pekkle 先得！




就係呢款贈品喇，有 Summer Pekkle 份嫁，可惜買唔到喇...



2018 Sanrio 最受歡迎卡通人物大賞第一至第一百位。



排第二十四位嘅 Pekkle。



唔識睇日文，呢個又唔知係咩榜嚟...



呢個榜 Pekkle 係排第十九位。






雖然唔識睇日文，不過『看圖識字』再加上有少少中文字，可以理解得到，編者應該話 Pekkle 喺排名榜上有所進步，仲提到 Pekkle 勇奪香港區第一位嘅殊榮。



『新貨速遞』



久違了嘅 Pekkle 日系精品！拎咗香港區第一名嘅 Pekkle 終於都吐氣揚眉喇，起碼日本 Sanrio 都肯幫 Pekkle 推出幾款新產品。