2019 年 Pekkle 賀年產品 - 全盒 / 攢盒

我從來都冇擁有過 Pekkle 嘅全盒，之前見過其他 Pekkle fans 有個黑／紅雙色嘅壽司盒時，已經好羨慕，今年 Sanrio 竟然為 Pekkle 推出全盒，梗係唸都唔洗唸就要買啦！^^

2019 年 Pekkle 賀年產品 - 利是封篇

今年連利是封都推出咗好多款式，我呢個唔洗派利是嘅人，都唔知買咁多款利是封仲乜？又冇用、又阻地方... 我真係『為鴨死、為鴨亡』... hahaha

2019 年 Pekkle 賀年產品 - 裝飾品篇

由於今年推出嘅賀年產品太多，冇辦法將每一款新產品都寫一篇 blog，唯有將所有賀年產品歸類為裝飾品篇同埋利是封篇啦！

Uji Pekkle 絲般綿床單

其實呢個 pattern 係唔錯，顏色亦都係我鍾意嘅，不過 Uji 呢個絲般綿系列，真係唔多啱我心水...

呢種質地摸上手確係好滑、好舒服，不過就正因為質地太滑，再加上係四邊『無縫』全橡筋包邊嘅關係，每次洗完之後，想齊齊整整咁摺番成一個正方形，真係相當有難度....而一向怕熱嘅我，瞓喺呢種質地嘅床品上面，未瞓著都已經出咗一身汗...

不過為咗支持 Pekkle，點都要買番一套支持下嘅！

Uji Pekkle 絲般綿薄被

Uji 又出新被喇.... 究竟一生人，可以同時間冚得到幾多張被呢？係佢地對自己公司出品冇信心，覺得啲被最多只可以冚一季就會爛呃？抑或係咩玩法呢？近呢幾年無論係冬天厚被、抑或係夏天薄被，加加埋埋都唔知推出咗幾多款，多到我都數唔清... 被又大張、又阻地方，唔冚，純粹用嚟做收藏品，我相信都唔係太多香港人可以騰得出咁多空間擺放卦？

其實我係支持出多啲床上用品嘅款式，不過只限床單、枕袋囉，至於被，並唔同床單，正常真係唔會換得太密，亦都冇咁容易洗爛、洗舊....

話雖如此，我仍然係因為想要個靚靚 Pekkle 袋，所以買咗呢張被...


 

2019 年 Pekkle 賀年產品

可能係因為 Pekkle 榮登 2018 年 Sanrio 最受歡迎卡通人物選舉香港區冠軍，連帶今年都推出咗好多不同款式嘅 Pekkle 賀年產品，真係買鴨都買窮呀！

Sanrio characters 抺手布

趁住農曆新年就嚟到，要幫屋企更換啲新嘅家庭用品，無意之中比我喺一田家品部見到呢條日本版嘅抺手布，雖然 Pekkle 只得好細個，不過都好過冇啦！之前香港 Sanrio 係曾經出過兩款 Pekkle 抺手布嘅，可惜已經用到殘哂、舊哂，又冇再推出新款，咪唯有雜錦款都頂住先啦！


 

『花盛花開、春節花祭』第三輪收穫

冇乜嘢好買嘅情況之下，呢個星期只係儲到三套碗嘅印花，可惜又係一個都唔中...


 

『花盛花開、春節花祭』第二輪收穫

唔知咩原因，總係覺得今期喺 7-11 買唔到嘢咁，唔似得以前咁，一知道有 Pekkle 精品換購，個個星期都可以擺啲『戰績』上嚟曬下...

今次我已經差不多日日收工，都入七仔行一轉，不過大多數都係空手而回，一係就夾硬買啲無謂嘢...

第二個星期都就快完結，好勉強先可以儲多兩套印花，換到兩個陶瓷碗，可惜今次再冇咁好彩，兩個都唔係 Pekkle...

草莓雜誌 - 2019 年 2 月號〔第 612 期〕

2019 年 1月10日出版嘅草莓雜誌，今期嘅贈品係圓形細鏡一塊，雖然只有一款雜錦款先有 Pekkle，但係今期有一篇『專訪』內容好『勁』嫁，作為 Pekkle fans，尤其係香港區嘅 fans，就更加必定要買嚟儲嘅一期！

Pekkle 迷你手提扇

朋友送嘅 Pekkle 禮物，『外表』重要過『內涵』！因為對比起一般正常 size 嘅芭蕉扇，呢把扇嘅風力未免係太弱喇！就住拎住對正塊面去吹，都感覺唔到有涼意... @@

雖然冇實際用途，不過都係朋友一番心意，所以就算並不實用，都一樣會好好收藏！^^

Sanrio characters 出奇蛋連吊飾及糖果

其實我就麻麻地鐘意『球形』嘅 Pekkle，因為搞到 Pekkle 五官錯哂位咁，好唔得意囉！不過，又係為咗印花，都係要買嫁喇！

因為係第一日開始發售，再加上我係番工之前就去七仔買，佢哋都仲未有時間將啲貨散上貨架，所以我都要等 7-11 嘅職員入倉拎出嚟先買到...

Pekkle 保溫瓶〔細〕

都已經唔記得咗自己曾經買過幾多款 Pekkle 保溫瓶，不過為咗 Pekkle、為咗七仔嘅印花，所以都冇唸咁多，照買啦！


 

『花盛花開、春節花祭』推廣活動正式開始

7-11 x Sanrio Characters『花雨、花語』2019 之『花盛花開、春節花祭』Sanrio characters 10 款花形陶瓷碗推廣活動今日正式開始！

番工之前，梗係第一時間要去七仔入下貨，儲印花，換 Pekkle 喇！

Pekkle 玻璃餐盒

曾經何時，我番工都有帶飯嘅習慣，不過講緊都已經係差不多十年前嘅事嚟喇！依家唔再帶飯番工，偏偏就推出兩款咁靚嘅 Pekkle 玻璃飯盒，雖然冇用，都一定要買嚟儲呀！

長方形

Sanrio characters 可直立式 memo pad

最近一、兩年，七仔好似多咗好多 Sanrio 嘅精品賣，係一批接一批咁推出，搞邊科呢？


 

Pekkle 屏幕清潔用品套裝

呢套屏幕清潔用品套裝，喺 Pekkle fans 之間，好似冇乜人提起過，唔知係咪『意外收穫』呢？

2018 年台灣製貝克鴨迷你清潔用品套裝...

Pekkle 絹布環保袋

仲有幾日，7-eleven 就會推出印花換 『花盛花開、春節花祭』Sanrio 十款卡通人物嘅花形陶瓷碗，當中有一款就係以黃色向日葵登場嘅 Pekkle，我知道應該為咗儲印花，等多幾日先買呢個環保袋，但係當我見到實物時，又忍唔到手唔買，驚遲啲會比其他 Pekkle fans 掃哂，所以就算仲未有印花派，都要買咗先！

Sanrio characters 2019 年和風貼紙

呢款和風貼紙雖然係香港貨，不過無論係設計，抑或係材料都別出心裁，係 Ellon 難得有誠意之作，唯一美中不足係只有雜錦款，如果全張貼紙都係 Pekkle，就更加完美喇！


 

Ahiru No Pekkle Cafe

自從 11月30 日喺 T.O.P. 開咗呢間 Pekkle Cafe 之後，間唔中都會令我有想去幫襯嘅衝動... 亦都係因為 Pekkle Cafe，我出旺角嘅次數，喺呢一、兩個月真係激增咗好多呀！今日，又忍唔住去咗幫襯喇！

可能已經開始運作咗一個多月，所有嘢都開始暢順，不過營業時間就有唔同...

11月30日嘅營業時間：















 

Sanrio characters 螢光貼紙

呢款貼紙並唔係新產品，係 2017 年嘅出品，不過之前未見過，今日無意之中行街時比我見到，注定要帶佢番屋企啦！


 

Pekkle 日本製密實袋

日本推出嘅密實袋，呢個系列都推出咗好多精品，例如杯、file、眼鏡布、眼鏡盒等等，不過我個人唔太喜歡呢款『生炸腮』嘅 Pekkle，所以只係揀咗呢個系列之中最平、最唔阻地方嘅產品嚟儲，算係叫做有買過、支持過啦！


 

Pekkle 行李帶〔附電子鎖及電子磅〕

其實之前已經出過三數款 Pekkle 嘅行李帶，但係我一款都冇買到，唔知點解偏偏就買咗最新推出呢款，可能貪佢呢款行李帶係『多功能性』卦〔其實我都唔會用，只係買嚟儲，有幾多功能又有咩關係呢？〕？