草莓雜誌 - 2019 年 2 月號〔第 612 期〕

2019 年 1月10日出版嘅草莓雜誌，今期嘅贈品係圓形細鏡一塊，雖然只有一款雜錦款先有 Pekkle，但係今期有一篇『專訪』內容好『勁』嫁，作為 Pekkle fans，尤其係香港區嘅 fans，就更加必定要買嚟儲嘅一期！














內容有雙頁介紹 Pekkle Cafe 呀！無論係裝修定係入面嘅食物，都有詳盡嘅介紹。明明 Pekkle Cafe 限定店只係營業至 28/2/2019，又會拖到去 2 月號嘅草莓雜誌先介紹？如果日本真係有 Pekkle fans 好想嚟香港嘅 Pekkle Cafe『朝聖』，時間都相當緊迫囉！







不過雜誌刊登嘅營業時間好似同實際有少少出入...

 

另外仲有雙頁介紹喺香港有 Sanrio characters 做主題嘅商場景點，可惜呢個冇 Pekkle 份。




另外香港區專賣精品，呢個有 Pekkle 呀！不過好多都係 Pekkle Cafe 限定店嘅精品。




底頁嘅 Pekkle 造型，帶住圍巾，好似 Pekkle Cafe 入面嘅 Pekkle。