Friday, September 30, 2011

颱風納沙

原本颱風納沙令我呢條懶蟲無啦啦多左一日假期,應該係一件高興既事,可惜因為呢個颱風既關係,又令我變成『雨遮屠夫』喇!



呢把遮,唔經唔覺已經跟左我差不多十年喇!佢既係我第一把擁有既正版 Pekkle 遮,應該亦都係 Pekkle 第一把正版遮!!



呢把遮係 2002 年出產,係我眾多把 Pekkle 遮既『元老級』。其實因為有番咁上下〝歷史〞既關係,把遮都已經比我用到好殘下,不過始終係第一把 Pekkle 遮,一路都唔捨得掉,亦都唔想令佢太過〝粗勞〞,所以已經將佢退役為後備遮,點知結果都係令佢〝壯烈犧牲〞左....



唉... 呢把已經係第二把因為颱風而令我失去既 Pekkle 遮喇!



因為颱風納沙,陪伴左我差不多十年既 Pekkle 遮,終於都完成左佢既『歷史任務』...


Thursday, September 29, 2011

Pekkle iPhone 4 case

超級靚仔既 Pekkle iPhone 4 case....


上星期六係 Gift Gate 一見到就二話不說買左,仲要係最後一個添!跟住睇番征服既網頁,知道 Pekkle 既 iPhone case 一推出,旋即售罄!新一批貨要到 10 月先有!好彩我一早買左姐...



Pekkle 三摺縮骨遮

對於我呢個『雨遮屠夫』黎講,Pekkle 出幾多款遮我都追得切,真係多 d 黎密 d 手....



雖然 Pekkle 既造型同衣著冇乜新意,不過今次用爆谷黎襯托 Pekkle,係前所未有既,都算叫做肯搞搞新意思啦!



Pekkle 閃粉海綿貼紙

海員造型、閃粉、海綿款式既貼紙。唔通呢期興 "親情"?最近 Pekkle 既 products 多左好多 Pekkle 家族既其他成員,唔只女朋友 Ruby,仲有好朋友 Boot 同情敵 Carl 等等... 成個家族,除左三條魚仔之外,我始終都只係鍾意 Pekkle 一個!



日本版 Sanrio 100 個卡通人物 memo pad

雖然我唔識日文,但係睇 10 月號草莓雜誌編輯欄時,估計日本會推出一款 Sanrio 100 名卡通人物既 memo pad,當時已經心唸香港會唔會有得買呢?點知上星期六,又真係比我係 Gift Gate 搵到喎!



隱隱約約睇到第一頁既 memo 紙,係唔係有 d 熟面口呢?無錯!就係 Pekkle 喇!第一頁就已經係 Pekkle!!



呢款 Pekkle 既造型好〝復古〞呀!起碼都係十幾廿年前既設計!!不過難得係日本貨,冇計喇!memo 紙上有兩行日文,唔知佢講乜呢?


全疊 memo pad 一共有 200 頁,100 款公仔,即係每款公仔都有兩張 memo 紙。



買到由日本空運既 memo pad 固之然開心啦,不過最開心既係,當我買兩疊 memo pad 時,見到原裝 memo pad 既紙盒,竟然都印有 Pekkle,我又膽粗粗咁問下個 sales 姐姐肯唔肯比我,點知佢又肯喎!就係咁,我連印有 Pekkle 既 memo pad 原裝盒都可以 keep 到喇!



Pekkle 檯燈

早幾日收到一份禮物.... 大大個紙盒,都有成 20 吋高,未拆之前,真係估唔到係乜....



再睇埋個盒上面寫住個唔知咩字 ---- 『鳥』『甲』..... 唔通係『鴨』?唔通係 Pekkle?將個字寫成咁,唔通有讀寫障礙?



嘩.... 真係 Pekkle 呀!我覺得最得意反而係個發泡膠盒,我影唔到果個效果,不過當我拎左盞 Pekkle 燈出黎之後,成個發泡膠盒係有 Pekkle 全身既〝形狀〞,好得意嫁!



呢盞燈同之前我買既輕觸式檯燈一樣,分別只在於燈座同埋開關掣...



Monday, September 19, 2011

日本 2011年 Sanrio 最受歡迎人物選舉結果

等到頸都長埋,終於都等到 9 月10號出版既草莓雜誌喇,點解咁緊張?因為今期就會揭曉日本 2011年 Sanrio 最受歡迎人物選舉既結果嘛!




睇下 Pekkle,又幾識得攝位喎...係正人氣大家姐 Hello Kitty 同 My Melody 既中間位置,如果以台慶排位論黎〝推算〞,Pekkle 應該都係來年備受力捧既一線尾、二線頭主角喇!




為左要令去年排名十六既 Pekkle可以升格,今年用左好多唔同既〝方法〞去投 Pekkle 一票,幾經努力之下,今年 Pekkle 既排名係....

草莓雜誌既第二頁,就印左今年頭十五位得獎既卡通人物...




Pekkle 都榜上有名喎!




睇下係排第幾先.... 中間圓圈位內既,就係頭十五位既〝得獎人〞.... 第十六位至第一百零五位既〝得獎人〞,就要好似去年既 Pekkle 一樣,得手指甲咁大粒既位置,仲要被放係圍住圓圈既〝大茄〞位上... Pekkle 好野!可以爭番口氣喇!




講黎講去,都仲未知 Pekkle 係排第幾位喎!就係拉車邊既第十五位,少幾票、跌多一名既話,就要同中間圓圈既〝主角位〞擦身而過喇!好彩咋!







唔識睇日文,不過看圖識字,似乎係頭十位既卡通人物,都會有紀念品推出... 睇住呢d 象徵身份、地位既紀念品,Pekkle,你要努力呀!要為將來能夠擠身頭十位既目標而奮鬥呀!




今期草莓雜誌既中間內頁,係卡通人物大哂冷!!




話得係大哂冷,梗係唔只 Pekkle 一個人出場啦!係全個家族都有份呀!失禮哂,其中有 d 我係連佢叫咩名都唔知,只係知道屬於 Pekkle 家族咋!













繼續睇草莓,又係因為唔識睇日文既關係,我估應該係 Sanrio 既 fans 寄入去編輯部同其他 fans 分享自己既珍藏,咁都比我搵到 Pekkle 喎!原來八、九十年代,草莓雜誌出過電話卡,而其中兩款電話卡仲印有 Pekkle 添呀!好珍貴呀!!