Ahiru No Pekkle Cafe 非賣品襟章

由 30/11/2018 至 28/2/2019 短短呢三個月嘅期間限定 Pekkle Cafe，我去朝聖嘅次數都唔算得係密，再加上參加 Cafe『特備節目套餐』時又唔會有襟章送，所以我都唔係儲得到好多襟章，full set 就只有兩套...

不過最可惜都係差一個咖啡杯 Pekkle，我就可以儲齊多一套嫁喇，今日又已經係 Cafe 最後一日營業，已經再冇機會儲到喇... 真係有少少遺憾囉...

Ahiru No Pekkle Cafe - 精品篇 - 地氈

呢一樣野，係我今日喺 Pekkle Cafe 唯一一樣買走嘅精品，其實呢張地氈推出時都冇唸住買，因為知道一定唔會用，收藏又麻煩... 但係唔知係咪因為見好多人入嚟掃貨，羊群心理之下，結果我又買埋一份...

Pekkle Cafe... 再見喇~~

雖然我並唔係一位活躍嘅 Pekkle fans，但係鍾意咗 Pekkle 超過 25 年嘅我，其間並冇『見異思遷』，又或者好『博愛』咁同時間鍾意其他唔同嘅卡通人物，所以我仍然係會認為自己係一位 Pekkle 鐵粉。既然係鐵粉，全球首間 Pekkle Cafe，我又點會唔去朝聖呢？

正如我之前所講，我並唔係一位活躍嘅 Pekkle fans，所以我根本都唔知 1/12/2018 會有個開幕『特備』節目，當我知道嘅時候，已經係太遲喇！兩場見面簽名會一早已經爆滿，我唯有趁 Pekkle Cafe 30/11/2018 試業嗰日，就請假去先睹為快啦！眨下眼，呢間限定 Pekkle Cafe 終於都嚟到最後一日... 試業當日請假去，所以好頭好尾，到最後一日，我都一樣請假去 Cafe...

原本唸住今日係閒日，應該都唔洗訂檯，好彩朋友有先見之明，佢都係覺得訂咗檯會穩陣啲，其實今日午市並唔係好多客人，但係餐廳竟然係唔接受 walk-in 客，唔知係咪因為要準備之後兩場 farewell party，為免阻礙佢地嘅預備工作，所以我見到就算餐廳仲有起碼一半檯，仍然阻止 walk-in 客入座... 心唸好彩朋友一早訂咗檯，否則我就唔可以好『完美』咁，頭、尾兩日都支持到 Pekkle Cafe 喇！

當日有好多精品開始做傾銷，所以就算入唔到餐廳食飯嘅顧客，都會買啲精品離開，絕對唔會空手而回... 不過大部份精品，其實我之前已經買哂，所以今日主力反而係食，因為我想儘最後嘅努力，儲番多一套非賣品嘅襟章嚟留念...

Pekkle 迷你拉鍊袋吊飾

呢個係香港貨，其實都冇乜用，本來就唔想買，不過既然買開個『日本系列 Pekkle 精品』，就順敘買埋啦！最重要係又平又唔阻地方...


 

Pekkle 膠牌吊飾

同一個系列嘅日本 Sanrio 膠牌吊飾，好平、好抵，唔買對唔住 Pekkle 啦！haha...


 

Pekkle 絨毛公仔吊飾

Pekkle 絨毛公仔吊飾，正宗日本貨，所以就算冇乜用，都要買個支持下啦！


 

Pekkle "Tsum Tsum 堆疊式" 絨毛公仔

其實我麻麻地鍾意呢啲款式嘅 Pekkle 公仔，夾硬將可愛嘅 Pekkle 外形變成個一個柱狀，不過依家 "Tsum Tsum 堆疊式" 公仔太流行，見個價錢又唔係貴，所以都即管跟下風，買一隻儲下啦~


 

Pekkle 天使 BB 造型吊飾公仔

見到呢個 Pekkle 公仔，其實覺得有啲突兀，不過始終都係朋友一番心意，再加上係 Pekkle，就算個人覺得呢個 Pekkle 吊飾公仔好騎呢，都會照樣收藏！

第一眼望到，感覺似個甜筒...

山下菓子 x Roll'eat - Snack 'n' Go Eco Wrap 環保食物袋

山下菓子又出新產品喇，今期係呢個 eco wrap 環保食物袋。質地好靚嫁，滑『口都』『口都』，摸上手有冰涼嘅感覺...

『花盛花開、春節花祭』 - 最後召集

最後一個星期喇，自從一開始時一口氣換咗六隻碗，其中只得一個係 Pekkle 之後，我就冇再繼續換現貨，唸住儲埋啲印花，到最後限期先一次過換，睇下抽中 Pekkle 嘅機會係咪會大啲先...

呢批就係我最後儲到嘅印花，準備聽日拎去 7-11 登記換領...

Ahiru No Pekkle Cafe - 閒日篇 2

我覺得閒日，尤其係午飯時間，嚟 Pekkle Cafe 係最舒服嘅，人客都冇咁多，今日仲可以比我影到呢啲相，真係好似包咗場一樣呀！由 11月30 日試業開始，大大話話都嚟過七、八次，首次可以影到冇人嘅 Pekkle Cafe 全景，真係大滿足！就算係專登請假過嚟，都覺得好值得呀！

Pekkle 無線叉電器

呢個 Pekkle 無線叉電器好靚，係友人送嘅禮物... ^^


 

草莓雜誌 - 2019 年 3 月號〔第 613 期〕

雖然今期草莓雜誌內容冇上一期咁精彩，咁多 Pekkle，不過因為份贈品有 Pekkle，當然又要買啦！

Sanrio characters 嬰兒床品套裝

太古城 AEON 意外發現呢套 Sanrio characters 嬰兒床品套裝，Pekkle 都有份嫁~

Ahiru No Pekkle Cafe - 閒日篇 1

農曆新年之後，第一次到 Pekkle Cafe，原本唸住放農曆年假時去，但係原來佢地做飲食業嘅，都一樣係休紅日，所以結果拖到依家先嚟...

兩個人去午飯，只係叫咗一份咖喱飯，因為今日主要係想試佢地嘅甜品.. 

Ahiru No Pekkle Cafe - 精品篇 - Mini Pekkle Cafe

朋友喺 fb 發現，凡惠顧『Duck 意浪漫限定 2 人套餐』嘅顧客，都可以優先購買一套 Mini Pekkle Cafe，由於我係屬於第一批嘅顧客，當日仲未推出呢套 Mini Pekkle Cafe，所以當我知道之後，即刻打電話去 Pekkle Cafe 問可唔可補購，店員話曾惠顧呢款套餐嘅客人，只要出示番訂餐紀錄，係可以補購。為免被其他 fans 掃光，我都唔等到星期六放假，尋晚一放工就急不及待走出去 Pekkle Cafe，帶一套 Mini Cafe 番屋企啦！

Ahiru No Pekkle Cafe - 精品篇 - 門簾

打從 Cafe 2018 年 11 月 30 日試業當日，我踏入去呢間 Cafe 第一眼望到嘅，就係喺廚房門口嘅呢塊門簾，相信係經過一班熱情嘅鐵粉再三向 Cafe 反映，Cafe 終於都『順應民意』，推出咗呢款門簾喇！

有少少後悔當日只係買咗一張...

Ahiru No Pekkle Cafe - 精品篇 - 膠枱墊

每次去 Pekkle Cafe，都要拎走佢地張紙枱墊番去儲，為咗方便儲存，又要拎去文具店過膠，以防整皺。既然依家 Cafe 推出正式嘅膠枱墊，更易收藏，無理由唔買姐？


 

Ahiru No Pekkle Cafe - 精品篇 - 矽膠杯墊

都係喺同一個場合，即係『Duck 意浪漫限定 2 人套餐』時，見到嘅新產品，係矽膠杯墊，好靚呀，點忍得住手唔買呀？

Ahiru No Pekkle Cafe - 精品篇 - 膠飾物盒

因為參加咗『Duck 意浪漫限定 2 人套餐』嘅關係，喺店入面可以率先購買呢款原本只限套餐附送嘅飾物盒，我見實物真係幾靚，所以忍唔住，現場又買多一個，加埋套餐送嘅嗰一個，一共有兩個，好開心呀！

Ahiru No Pekkle Cafe - Duck 意浪漫限定二人套餐

為咗份『Duck 意浪漫限定二人套餐』所送嘅透明膠首飾盒，梗係要去食啦！

『花盛花開、春節花祭』

唔知係咪因為第一個已經開到 Pekkle 碗？抑或係同期實在有太多其他 Pekkle 產品推出而影響咗個購買意欲？抑或係所有特別版都冇 Pekkle 份？定抑或係七仔真係冇乜嘢好買，所以今次換購儲印花速度係以『龜速』進行...

依家我唸住只係齋儲，唔再換住，儲到最後時期，先一次過換... 個理念係，一次過換嘅數量越多，照計重複嘅機會應該比較細，咁抽得中 Pekkle 款嘅機會應該係會越高囉...

Pekkle 2019 年鬧鐘

終於都等到 Pekkle 推出新款嘅鬧鐘喇！