Sanrio Gift Gate 推廣 - Pekkle 陶瓷杯

呢個 Pekkle 陶瓷杯無論係用色同埋質感上都好好，只係個造型偏偏用上我唔係太喜歡嘅『負片效果』，如果唔係用咗『負片效果』，我唸我對呢個杯嘅評價會更高！

呢個並唔係美版系列之一，只係 Gift Gate 自己出產嘅港版，不過都算係唔錯嫁喇！所以個價錢亦都比其他美版貨平，只係 $79.9，會員折實後都只係 $68。

如果有 fans 打算用呢隻杯就要小心，因為印喺杯上面嘅 Pekkle 應該好易花、好易甩色，所以唸住用嘅 fans 就要有定心理準備喇！

Sanrio Gift Gate 推廣 - Pekkle 毛巾

其實呢條毛巾都幾靚嘅，不過個 size 就怪怪地囉，比方巾大條，但係又比面巾細，當手巾仔咁用又略嫌大條咗少少，當係汗巾／面巾咁用咩？又好似細咗少少咁喎... 所以，如果可以將個 size 變為長方形嘅洗面巾，咁就更加實用囉...

曝光過度，搞到個藍色怪怪地，實物嘅藍色係比較深色，靚過睇相嘅...

正價 $85.9，會員折實係 $73

Sanrio Gift Gate 推廣 - Pekkle 手錶

呢款手錶，喺呢一批美版 Pekkle 新貨之中，我覺得性價比只係僅僅次於魚仔毛毯嘅一項，既實用，又美觀... 而且靚得嚟又唔會太過 cute，就算係成年人戴住出街，都唔會覺得太過突兀...

正價 $183.5，會員折實價 $156 一隻手錶，仲要係拎正 Sanrio license 嘅手錶喎，去邊度搵呀？

Sanrio Gift Gate 推廣 - Pekkle 公仔

對上一次買 Pekkle 公仔，已經唔記得咗係幾耐之前嘅事喇，因為一向我都覺得要做立體 Pekkle 做得靚、做得可愛，並唔係一件易事，就算係日本貨都未必次次做得好...

今次我就覺得呢個『美版』立體 Pekkle 公仔，算係少有做得比較細緻嘅，所以，我都好例外地買咗落嚟，原價係 $172.9，會員折實 $147...

Sanrio Gift Gate 推廣 - Pekkle 公仔頭可摺疊環保袋

呢個環保袋相當之貴，如果唔係『俾面』Pekkle、想拎個限量版 A4 plastic folder、再加上 fb Pekkle fans 話呢啲係限量美版貨，我唸我未必會買囉...

唔知呢個環保袋貴喺邊度，又唔夠大個，質地又好似好薄身咁，可能最貴就係 Pekkle 個公仔頭...比起之前 Ellon 喺 7-11 寄賣嗰款貴太多喇，嗰款環保袋賣 $79，呢個要 $194.5，我有 Gift Gate 會員，折實後都仲要成 $165.3...

 

Sanrio Gift Gate 推廣 - 限量非賣品 Pekkle A4 plastic folder

Pekkle 今年真係好叻仔，繼7月佢生日時，Gift Gate 推出限量非賣品Pekkle貼紙之後，又再獻新猶。推廣詳情係只要大家尋日起到 Gift Gate 各分店購物滿淨價$300，當中包括最少一件Pekkle產品，即可獲贈Ahiru no Pekkle 限量非賣品A4 plastic folder一個。個folder實在太靚喇！

7-11 八寶鴨迎中秋 2018 系列 - Pekkle 桌上置物盒

7-11 八寶鴨迎中秋 2018 系列第七鴨，係價值 $99 嘅 Pekkle 桌上置物盒...

好多年前，Sanrio 日貨都推出過一款粉藍色嘅 Pekkle 三格櫃桶仔，不過好後悔當年只係買咗一個，仲拎咗嚟用添，雖然呢個櫃桶仔仍然『健在』，不過難免都會有啲折舊同埋花咗，可惜已經買唔番，所以雖然呢個置物盒同當年日版個櫃桶仔，無論係造型上，抑或係實用性上都係冇得比，但係都仍然要買番一個嚟儲，以免自己將來又再後悔一次...


 

7-11 八寶鴨迎中秋 2018 系列 - Pekkle 三層食物盒

7-11 八寶鴨迎中秋 2018 系列第六鴨，係價值 $99 嘅 Pekkle 三層食物盒...

唔帶飯嘅我都忍唔住要買呀！啲顏色又靚、設計又靚、又實用，點可以唔買呀？


 

7-11 八寶鴨迎中秋 2018 系列 - Pekkle 拖鞋

7-11 八寶鴨迎中秋 2018 系列第五鴨，係價值 $99 嘅 Pekkle 拖鞋... Pekkle 拖鞋我已經『餓』咗太耐喇，等咗好多年，等到頸都長埋，仲未見有新款 Pekkle 拖鞋推出，之前買落嘅存貨，都已經一早比我著到爛哂... 依家喺屋企冇 Pekkle 拖鞋著，真係有少少『遺憾』嫁，初初唸住 7-11 呢個『八寶鴨』系列有拖鞋，預咗會入番幾對『睇門口』，以備將來不時之需... 點知睇到實物之後，先發現原來係毛毛拖，即刻大打折扣，只係買咗一對用嚟儲... 始終以香港咁嘅氣候環境，有冇需要著毛毛拖鞋呀？

其實呢款拖鞋無論係個款式，抑或係個顏色都好啱我，不過可惜係毛毛拖啦，真係頂唔住喎，點著呀？如果換上布或毛巾質地，我唸我會起碼買定半打『睇門口』囉...

7-11 八寶鴨迎中秋 2018 系列 - Pekkle 公仔連頸繩

7-11 八寶鴨迎中秋 2018 系列第四鴨，係價值 $89 嘅 Pekkle 公仔連頸繩...

一如既往，要做立體 Pekkle 做得像真又得意，係『高難度動作』，十次都未必有一次係成功，就連日本貨都唔例外，而且個公仔越細個，就越難做得靚，所以呢個公仔係喺完全冇『意外驚喜』之下，做得一貫嘅『醜樣』... 原本都唸住唔買，不過當我見到條靚靚頸繩之後，又忍唔到唔買喇...

搵咗好多間 7-11、比較咗好多個公仔，好難先可以搵到一個冇『車』到 Pekkle 變歪咀鴨嘅公仔...

7-11 八寶鴨迎中秋 2018 系列 - Pekkle 証件套連伸縮扣

7-11 八寶鴨迎中秋 2018 系列第三鴨，係價值 $79 嘅 Pekkle 証件套連伸縮扣...

呢個比較普通，而且個人唔係太喜歡將 Pekkle 做成『負片效果』嘅設計，不過大大個嘅魚仔伸縮扣實在太過『吸晴』喇！所以都係忍唔住手買咗..

7-11 八寶鴨迎中秋 2018 系列 - Pekkle 吸水陶瓷杯墊

7-11 八寶鴨迎中秋 2018 系列之第二鴨，係價值 $39 嘅 Pekkle 吸水陶瓷杯墊。

最初拎上手時，感覺好有『份量』，以為呢個杯墊係依家好流行嘅珪藻土吸水物料，但係當拆開個包裝睇下，又似係啲普通嘅水松木，但係佢又比一般水松木杯墊重手，可能係因為杯墊面係陶瓷造卦？總之四個字就可以形容哂 ----『又平又靚』！

7-11 八寶鴨迎中秋 2018 系列 - Pekkle 海棉貼紙

上星期日香港受超強颱風『山竹』吹襲，好好地一日假期就咁就冇咗喇... 不過就係因為百無聊賴喺屋企發呆，先見到會長喪 Vi 出咗新 post，通知大家 7-11 又會推出一系列 Pekkle 產品，搞到就算當時打緊十號風球，都有即刻落街『尋鴨』嘅衝動... 好彩最終都係理智戰勝咗魔鬼，不過喺打完風之後嘅第一個工作天，雖然遲咗超過半小時先番到公司，個心仍然係急不及待想快啲放 lunch，咁就可以去 7-11 尋鴨，好可惜，搵咗好多間 7-11 都冇貨〔唔知係咪要守規則等到 19/9/2018 先可以公開發售〕，結果都用咗好幾日時間，先可以搜購到呢個系列嘅 Pekkle 產品...

Pekkle 今年好叻仔，又再一次『見報』喇~~

Pekkle 2018 新款薄身碎銀包 (Manis)

Ellon (Manis) 設計一個 pattern，再分階段推出唔同嘅產品，夠哂慳水慳力啦！不過，既然係 Pekkle，價錢又唔係貴，無理由唔支持呃？

草莓雜誌 - 2018 年 10 月號〔第 608 期〕

今期草莓雜誌嘅贈品係一個膠袋仔，唔大唔細咁，其實都唔知要嚟仲乜，冇『風琴位』又裝唔得多嘢，塑膠又易氧化、易爛... 不過，既然有 Pekkle 份，都要盡力而為，支持一下嘅！

今期係以萬聖節做主題，Sanrio 將會推出一系列萬聖節精品，可惜冇 Pekkle 啦！

Sanrio characters A4 多層文件套

呢個 Sanrio characters A4 多層文件套係 Ellon 嘅出品，其實都已經推出咗好一段時間，不過我見專門店 Manis 售價係 $19，而其他 Pekkle fans 喺執笠倉買就只係需要 $15，所以一路都忍住手唔買，終於都比我喺執笠倉遇到呢個 folder 喇！仲唔拿拿聲買咩？

其實呢款設計同本 A4 單行簿嘅設計差唔多，即係又係設計一個 pattern，分階段咁推出唔同嘅產品。

Sanrio characters A4 單行簿

好多 Pekkle fans 之前都喺執笠倉尋到寶，買到 Pekkle 嘅產品，我呢個後知後覺嘅 Pekkle 鐵粉，終於都可以分一杯羹，喺執笠倉尋到『鴨寶』喇！

Ellon 出品，所以同之前推出嘅 Sanrio characters 三層膠 folders 一樣，一味大堆頭，所有卡通人物都堆哂一齊，而且兩者嘅卡通人物造型都係差唔多... 不過呢個淺紫藍色嘅封面，又幾靚嘅...

正面

Pekkle 1997 年日本製飯碗

收到絕版 Pekkle 禮物，超開心~

淺藍色嘅包裝盒，經過咗二十一年時間嘅洗禮，已經有啲『歲月痕跡』，係比較殘同埋泛黃囉...

2019 Pekkle 年曆產品

眨下眼又一年喇，未到九月，Sanrio 已經推出多款 2019 年嘅年曆精品／用品。

 

好彩 Pekkle 今年仍然係『榜上有名』，佔一席位。

 

〔一〕座枱月曆

 

Pekkle 音樂盒連月餅

全靠會長喪 Vi 提前一日出 facebook post 通知，我先可以好順利咁喺今日就買到兩個 Pekkle 音樂盒連月餅，因為我都見到好多 Pekkle facebook fans 話行咗好多間 7-11，店員都堅持要等到 6/9/2018 正式發售日先會開箱賣，咁啱我去嗰間 7-11 又已經 show 哂現貨出嚟，仲唔拿拿聲買嘅話，我驚會好似上一次『Pekkle 三寶』咁，好多間 7-11 一早就已經賣哂呀！