7-11 八寶鴨迎中秋 2018 系列 - Pekkle 拖鞋

7-11 八寶鴨迎中秋 2018 系列第五鴨，係價值 $99 嘅 Pekkle 拖鞋... Pekkle 拖鞋我已經『餓』咗太耐喇，等咗好多年，等到頸都長埋，仲未見有新款 Pekkle 拖鞋推出，之前買落嘅存貨，都已經一早比我著到爛哂... 依家喺屋企冇 Pekkle 拖鞋著，真係有少少『遺憾』嫁，初初唸住 7-11 呢個『八寶鴨』系列有拖鞋，預咗會入番幾對『睇門口』，以備將來不時之需... 點知睇到實物之後，先發現原來係毛毛拖，即刻大打折扣，只係買咗一對用嚟儲... 始終以香港咁嘅氣候環境，有冇需要著毛毛拖鞋呀？

其實呢款拖鞋無論係個款式，抑或係個顏色都好啱我，不過可惜係毛毛拖啦，真係頂唔住喎，點著呀？如果換上布或毛巾質地，我唸我會起碼買定半打『睇門口』囉...




呢款拖鞋個底部似乎係有防滑功能，正呀！真係唔怕長氣再講多一次，如果呢對並唔係一對毛毛拖，咁就簡直係一對完美嘅拖鞋呀！可惜...