Monday, December 31, 2012

草莓雜誌 - 2013 年 1 月號

一早知道今期草莓雜誌嘅贈品係賀卡,而其中一款雜錦賀卡係有 Pekkle 份,不過因為 Pekkle 實在細得可憐,所以都冇專登打電話去征服訂購,唸住番咗貨之後,都係隨緣睇下買唔買到...

番咗貨之後,行咗三間征服都賣哂雜錦嗰款草莓雜誌,都打定輸數買唔到... 點知無意之中,又比我係一間 Gift Gate 搵到喎,無心插柳之下,一個完全唔識日文嘅我,又因為一個小得可憐嘅 Pekkle 公仔而買咗本草莓雜誌...






今期贈品 - 賀卡,一共有五款,每款都有兩個設計,每個設計都有三張。即係話,買一本草莓雜誌就可以有六張賀卡。





兩款雜錦卡就係咁樣嘅 -





賀卡正面及背面設計





賀卡正面





Pekkle 實在太細個喇... 要用放大鏡先睇到咁滯...





成本草莓雜誌就只有兩處地方有 Pekkle 嘅出現...









又係要用放大鏡先睇得到嘅 Pekkle,仲要係背影添... 雖然係咁,但係又點逃得出我呢個 Pekkle fans 嘅『法眼』呢?






Tuesday, December 25, 2012

7-11 x Hello Kitty & Friends Sweet Delight 公仔 - 第三週戰績

全賴幸運之神眷顧,上個星期第一次換公仔就可以一次過抽中兩隻 Pekkle,連搶手貨嘅聖誕版,喺星期五黃昏時間,都仲可以比我一次過抽中一對!

所以我依家已經只儲印花,唔再換購,留番 d 彈藥到 16/1/2013〔星期三〕時再 "發力" 換購第二期,希望到時可以喺最短嘅時間之內,換齊一對『啫喱 Pekkle』同埋『朱古力 Pekkle』啦!

再一次多謝屋企人嘅全力支持,扣除上星期換購公仔時用咗嗰 80 個印花,依家『賬面盈餘』為 132 個!!


Sunday, December 23, 2012

No. 2 啫喱 Ahiru No Pekkle

終於都忍唔住要換公仔,就趁換聖誕版時一併換埋。一係就唔換,一係就一次過用咗 80 個印花換咗 2 個聖誕版同 3 個普通版!












懷住戰戰兢兢嘅心情去開嗰 3 個普通版,初時就算剪開咗個黑色膠袋,都仲係未睇到係邊個公仔,唯有將開口向下咁倒出嚟,第一眼就見到個橙紅色半球型『物體』... 係喇!係喇!仲唔係你?!啫喱 Pekkle?!即刻開心到大叫咗出嚟,仲笑咗出聲添... 一不離二,仲要開完一隻又一隻都係 Pekkle,真係開心到我癲,好彩當時係屋企,都係得我媽咪見到我咁失控嘅表現咋!









竟然有朋友同我講,佢事前係唔知道呢個公仔係可以用嚟儲物嘅,印象之中,7-11 嘅宣傳中好似有提及過嫁喎...









不過每款公仔可以儲物嘅容量都唔同,有 d 款式係比較大,而呢款 Pekkle 可儲物嘅地方就比較細少囉... 睇相大概可以知道,直徑就只可以容納到一個 Pekkle charms 咁上下...






每款公仔就好似 2010 年換購嘅 Crystal Charms 一樣,印咗嗰款公仔嘅全名同埋出產年份!






close up 睇清楚啦!






今次換公仔比上次換 Crystal Charms 時順利好多,一開始就已經換到兩個 Pekkle,我會將其中一個放喺屋企,而另外一個就會擺喺 office。依家開始,我亦暫停唔再換住,留番 d『彈藥』到下個月換第二期嘅『朱古力 Pekkle』喇!

7-11 x Hello Kitty & Friends Sweet Delight 聖誕特別版



因為聖誕特別版冇 Pekkle 份,所以我一路都冇打算換,就算一早番工見到好多間 7-11 都有人排隊換特別版,我都依然係冇比呢 d 『半群』影響到... 但當同事比咗對實物公仔我睇之後,就即刻心郁郁,因為都真係幾靚... 






聖誕版個盒比普通版個盒靚,好有節日氣氛!






聖誕版 Kerokerokeroppi




聖誕版 My Melody




因為幾款特別版都冇 Pekkle 份,所以之前都冇特別『研究』過 d 公仔,原來兩款公仔係可以好似火車卡咁扣住,唔知係唔係有其中一款公仔係火車頭嚟嘅呢?又唔知係唔係儲齊一套特別版之後,就可以砌成一架火車嘅呢?





將普通版同聖誕版嘅公仔拼埋一齊時,就會發覺好似大人國與小人國一樣,點解咁偏心嫁?我都好想 Pekkle 公仔大個 d 喎...


Tuesday, December 18, 2012

Pekkle 雙層保溫陶瓷杯連矽膠杯蓋







估唔到我好期待嘅 Pekkle 新產品咁快就推出咗喇!

個人覺得,呢個杯真係靚到唔識形容,無論係顏色同構圖都好吸引!連個紙托都靚過人,三面都印哂唔同造型嘅 Pekkle 嫁!讚!

正面,大頭 Pekkle。



側面一,經典『仆倒』造型嘅 Pekkle。




側面二,步操 Pekkle。




背面印咗個杯同埋『使用前注意事項』,包括使用前要先清潔、可放入洗碗碟機清洗,同埋將杯及杯蓋放入微波爐加熱時,杯蓋係唔可以緊蓋,要留位疏氣... 根據標籤上所講,呢個杯嘅『耐熱度』係由 -20 度去到 220 度,好勁呀!





都係睇吓個杯嘅『真身』先啦!"360 度環迴多面睇"...




呢個杯嘅主題係字母湯,個杯嘅體積並唔算大,只有約 4 - 5 吋高,但係淨容量竟然會有成 727oz. ?正常一罐大嘅金寶罐頭湯都只係大概 14oz. - 18oz.,視乎口味不同而有 d 出入... 但係 Pekkle 呢款字母湯竟然係有 727oz. 咁犀利喎!點飲呀?應該因為 727 係 Pekkle 嘅代號,所以先會用咗 727 呢個數字囉... 不過無從稽考...




疑似 Pekkle 過三關,勁 cute!




由於呢個杯扮係字母湯,屬於食品類,所以仲認真到有埋『營養標籤』添喎...




至於有咩營養呢?大家慢慢睇吓啦!

每 100g〔明明之前係計開"安士",依家又變咗"克"〕字母湯,就有 100% 愛、90% 喜悅、90% 和平、80% 希望、70% 關懷同埋 70% 自信... 加加埋埋就有成 500%,呢條數應該點計先啱呢?呢 d 湯飲完之後,豈不是變咗一個『完美』嘅人?!




最佳食用日期,又係 727 喎,但係... 係邊一年嘅 727 先啱呢?