![(sad)](http://l.yimg.com/op/blog/images/emoticon/2.gif)
一心唸住可以『先睹為快』,結果唯有要留番第二日先再去做『追車族』啦...
![(worried)](http://l.yimg.com/op/blog/images/emoticon/17.gif)
![](https://pekklehk.files.wordpress.com/2016/11/jctbs_pkwmsu3dvmmy2wbw.jpg)
![](https://pekklehk.files.wordpress.com/2016/11/ur8sm3vlx3v8sumvvrqmoa.jpg)
![](https://pekklehk.files.wordpress.com/2016/11/2pvdli7_x3juhqp-cthaeg.jpg)
![](https://pekklehk.files.wordpress.com/2016/11/uk7_80t2tjaa7pxrprqmcg.jpg)
整架宣傳車,裡裡外外搵勻哂,唔計 display 嘅公仔,就只可以搵到唯一一個 Pekkle 係車身,仲要貼正喺架車類似太平門嘅位置,結果就梗係搞到 Pekkle 杯啫喱冇咗一忽,變得唔完美囉!
![(crying)](http://l.yimg.com/op/blog/images/emoticon/20.gif)
![](https://pekklehk.files.wordpress.com/2016/11/mm2o73acudrjsqphmga-ta.jpg)
宣傳車內擺放咗一個大嘅玻璃飾櫃,對街嘅一面係放咗第一期換購嘅十二款公仔。
![](https://pekklehk.files.wordpress.com/2016/11/xz7q8exsbpht75ifrscskw.jpg)
![](https://pekklehk.files.wordpress.com/2016/11/6hlnegieqa4uip_jj0brvw.jpg)
而向車廂嘅一面,就係擺放咗第二期換購嘅公仔...
![](https://pekklehk.files.wordpress.com/2016/11/lvqvgimafzanuizhs-e3ma.jpg)
第一期換購公仔: Pekkle 啫喱
由於 Pekkle 擺放咗喺最側邊嘅下層位置,可憐嘅 Pekkle 比盞好強勁嘅射燈照住,我用嘅只係一部好 low-end 嘅『傻瓜機』,當我用 auto mode 時,因為街上唔夠光,但係射燈又太強,flash 就唔會閃,結果六隻 Pekkle 影出嚟就『黑忟忟』;但當用 flash forced on 嘅 mode,就會有 over 同埋反光嘅情況,兩害取其輕,結果就用咗有鎂光燈呢張。如果可以將 Pekkle 放喺中間位置嘅話,咁影出嚟嘅效果應該會靚好多囉!
![(waiting)](http://l.yimg.com/op/blog/images/emoticon/45.gif)
![](https://pekklehk.files.wordpress.com/2016/11/v-ekqedupncpaiirf7-1eg.jpg)
第二期換購公仔: Pekkle 朱古力
第二期嘅公仔就將 Pekkle 擺咗喺上格,不過都係最側邊嘅,又係用盞強勁嘅射燈照住咗 Pekkle,好彩嘅係車廂內有燈光,所以就算用咗鎂光燈,影出嚟 Pekkle 塊面係雖然都係有反光同埋有陰影嘅問題... 不過都總比向街一面嘅公仔影出嚟效果好少少...
![(rolling eyes)](http://l.yimg.com/op/blog/images/emoticon/29.gif)
![](https://pekklehk.files.wordpress.com/2016/11/2qliaintfuegdregjvkn-w.jpg)
放喺街上嘅 Hello Kitty 紙版公仔...
![](https://pekklehk.files.wordpress.com/2016/11/u1yeb0t_uv0gg4g8trmhlg.jpg)
放喺車廂內嘅 XO 紙版公仔。雖然我唔鍾意 XO,不過平心而論,我覺得呢個紙版 XO 靚過紙版 Hello Kitty 多多聲喎...
![(laughing)](http://l.yimg.com/op/blog/images/emoticon/21.gif)
![](https://pekklehk.files.wordpress.com/2016/11/1giccm7zg0uukpotiztzkq.jpg)
車廂內嘅擺設
![](https://pekklehk.files.wordpress.com/2016/11/buhlewd7fzvozhx-3g8c4g.jpg)
![](https://pekklehk.files.wordpress.com/2016/11/wdojxlbwr9fmflg_b-bgpq.jpg)
![](https://pekklehk.files.wordpress.com/2016/11/dwyimcvuse8io35syft4zq.jpg)
講真,如果係 Pekkle fans 嘅話,其實係唔須要對呢架宣傳車存有任何『幻想』,因為真係冇乜 Pekkle 可以影。不過如果『奢望』可以拎到 Pekkle 貼紙嘅話,我都仍然願意做『追車族』... 最衰在場三位工作人員問乜都唔知,所以我根本都唔知遲 d 會唔會有印咗 Pekkle 公仔嘅貼紙免費派發,所以我先話係『奢望』....
總之上星期六,在場嘅工作人員就話當日只會有 My Melody 同大口仔兩款公仔嘅貼紙派囉。
![](https://pekklehk.files.wordpress.com/2016/11/15ho5k51yfxwzqugtz7diw.jpg)
![](https://pekklehk.files.wordpress.com/2016/11/gvbpw-90crwlp3swhtdatg.jpg)
No comments:
Post a Comment