Friday, August 15, 2014

Pekkle 2014 年最新日版系列精品 - 5 吋公仔吊飾

呢個約 5 吋高嘅公仔吊飾,做得都算係幾精緻,不過以價而論,就比之前兩款公仔貴咗少少囉。呢款吊飾公仔,就只係多咗條鍊作吊飾之用,公仔嘅 size 又細咗,反而都係一樣係要賣百幾蚊,好似有 d 唔抵咁囉...

呢個公仔雖然細個 d,短手短腳,反而感覺上又好似仲更加 cute 咗...  =P

而最緊要就係唔似得之前嗰款 8 吋大公仔咁歪左咀嘛,呢個吊飾公仔好『四正』,毛茸茸,摸落又軟綿綿,好舒服嫁...  真係令我愛不惜手... ^_^



同一個系列嘅精品,所以依然係同一款嘅 product tag...
 



Pekkle 2014 年最新日版系列精品 - 7 吋公仔儲物袋

顧名思義,呢個公仔儲物袋嘅造型,係同尋日介紹嘅 8 吋公仔一樣款,分別在於呢個係有條拉鍊,可以儲物,多咗一個實際用途,不過 Pekkle 嘅外形比例就怪怪地咁囉...  鵝蛋形嘅 Pekkle,再加上 Pekkle 嘅咀、手手腳腳、衣飾全部都係被縫咗喺個袋面,冇咗個立體感覺,比人有買咗翻版嘅感覺...



全個 Pekkle 只係得頭頂幾條頭髮同埋條尾巴係『立體』造型...



咁嘅袋款,又冇肩帶,唔知個袋可以裝 d 乜,不過個袋係夾棉,所以摸落係好軟熟、好舒服嫁...



同一系列,所以連個 product tag 都係一樣嘅...




Thursday, August 14, 2014

Pekkle 2014 年最新日版系列精品 - 8 吋公仔

前幾日無意中喺 Gift Gate 發現 Pekkle 2014 年最新日版系列精品,其實之前喺征服世界嘅網站,都已經見過呢批精品出現喺『新貨介紹』,當時仲話可以接受預定添... 估唔到今次會比 Gift Gate 飲咗頭啖湯,快過征服世界番貨喎...咁難得,梗係要第一時間買啦!

呢個系列嘅精品,好似要將 Pekkle 變番個 BB 咁,用嘅料既舒服、又柔軟,而且用嘅顏色係以粉色為主,好柔和、好可愛呀...

呢個公仔個咀好似有少少歪咗咁,不過冇計啦,sales 姐姐話得番呢個,當你拎住呢個 Pekkle 公仔喺手時,真係會唔捨得放低佢嫁喎.... 所以,唯有好阿 Q 咁安慰自己,其實個個公仔應該都係咁上下,總有少少瑕疵嘅...


之前喺征服網站睇新貨介紹時,係未有實物嘅,只係得 d 草圖,而 d 草圖係將 Pekkle 畫到比呢張 product tag 上面印嘅 Pekkle 更加『圓潤』、更加『豐滿』.... 所以當日睇圖時,真係完全冇買嘅意欲,估唔到當有實物拎上手時,個感覺係咁正嫁!

 

今次呢個系列嘅精品 product tag,都好有心思咁印有『人物介紹』一欄〔其實我唔識日文,不過見到印咗 Pekkle 嘅生日日期,姑且當係人物介紹啦!=P〕...


仍然係中國製嘅日貨,依家要買到真正係 Made in Japan 嘅產品,已經唔係一件易事嚟喇!


Pekkle 2014 年最新日版系列精品 - 毛巾

唔識得點形容呢條毛巾嘅外型,可能咁樣嘅 size,就係呢條毛巾嘅賣點卦?

一向以嚟,都覺得 Pekkle 嘅產品出現喺平面設計之上,會比立體造型更像真、更可愛... 不過呢條毛巾就正正打破咗呢個『定律』... =P






Pekkle 2014 年浴巾

呢款浴巾買咗已經有一段時間,又係因為冇時間寫 blog,所以又要拖到依家先寫... =P

雖然呢款 Pekkle 浴巾並唔係正版貨,而且個設計概念,更加
係抄襲 Manis 較早之前推出嘅 Pekkle 產品系列...

http://www.pekkle.hk/2011/01/pekkle_12.html

但係呢款浴巾無論係 size 同埋手工,都做得實在太過精美,再加上我已經等 Pekkle 浴巾等到頸都長埋,所以都係忍唔住手要掃貨...




其實喺好耐之前,Pekkle 都曾經推出過老翻嘅浴巾,只怪當年自己
太過老定,以為可以長買長有,所以只係買咗兩條,用一條少一條之後,就梗係好後悔啦!


http://www.pekkle.hk/2008/02/pekkle.html

所以今次我唔理咁多,一口氣就買咗 7 條,個檔主仲好奇怪我仲乜一次過買咁多條同款嘅毛巾... 我當然冇理佢,唔單只冇覺得唔好意思,反而仲唸緊,會唔會買得太少呢?洗唔洗再去入多 d 貨呢?^_^

Pekkle 八達通卡套

望穿秋水,好唔容易先等到有正版 Pekkle 嘅精品推出,感激 Manis 冇將 Pekkle 忘記,仍然推出佢嘅產品,雖然只係一個小小嘅八達通卡套,但係唔理咁多,有買趁手喇... =D



Pekkle 終於都有衫換.... 印象之中,佢好似冇著過格仔衫出場~
唔知 Pekkle 幾時轉咗行做裝修呢?不過 d 色又襯得幾和諧、幾靚呃... ^_^



卡套底部,依然係 Pekkle 經典嘅 "仆倒 look".. 雖然個造型就有 d 過氣,不過我依然係咁鍾意喎... = )


Tuesday, August 12, 2014

Sanrio characters 日版 0.5mm 鉛芯筆

喺 Gift Gate 意外發現嘅一件日版新貨。




唔單只係『日本限定』,仲要係 "Made in Japan" 添!如假包換,真真正正嘅日本貨。




都係嗰句啦,依家 Pekkle 嘅產品都已經買少見少,仲要係日版貨就更加少啦!所以呢枝 0.5mm 鉛芯筆都一樣係要同 Sanrio characters 一同出現,好過冇啦....

三百六十度全方位筆桿『特寫』...







最後唔少得嘅梗係要再嚟一個 Pekkle 大頭啦!^_^



其實呢枝鉛芯筆同我舊年 7 月時買嘅雙色原子筆,應該係同一個系列,估唔到咁普通嘅款式,都要拖到一年先出到一款咁喎...

http://www.pekkle.hk/2013/07/sanrio-characters.html

Wednesday, August 6, 2014

Sanrio characters 日版保溫袋

買咗已經有個幾月嘅保溫袋,不過因為冇時間寫 blog,所以拖到今時今日先出到呢篇 blog...

呢個保溫袋同我喺五月時買嘅索袋係同一個系列,連包裝袋內嘅卡紙都係同款嘅...

http://www.pekkle.hk/2014/05/sanrio-characters.html

正如我之前所講,今時今日仲希望買到 Pekkle 嘅新貨,已經唔係一件易事,所以就算呢個袋嘅 Pekkle 唔算明顯,但係都忍唔住手要買... 因為實在係 "餓" 咗 Pekkle 好耐啦!


  而且呢個保溫袋都非常實用,仲有拉鍊添,size 雖然唔算大,不過用嚟帶飯盒嘅話,就啱啱好囉!



由於個袋有保溫嘅作用,所以個『內膽』同一般嘅保溫袋都冇乜分別。



同 5 月份買嘅索袋係同系列貨品,因為連個 product tag 都係一樣嘅!