Friday, January 31, 2014

Pekkle 2014 年賀年用品

今年 Pekkle 嘅賀年用品只有兩款 -- 小揮春及利是封。兩樣產品都係  Manis 推出嘅,真係少得可憐呀!冇辦法買到最新嘅 Pekkle 賀年用品布置屋企,真係有 d 唔開心囉...







似乎 Pekkle 嘅熱潮真係開始減退,仲記得三、四年前開始,唔知係唔係因為龍頭 Vi 嘅關係,Pekkle 即刻 "起死回生",無論係邊一個季度,Gift Gate 同 Manis 都近乎瘋狂咁推出 Pekkle 嘅產品,差不多每一類產品都會有 Pekkle 份,當年真係買到我地呢班 Pekkle fans 差 D 流血不止咁滯... 但係由上年開始,Pekkle 嘅產品明顯係以倍數咁銳減... 其實我並唔係要求佢地大量生產 Pekkle products,只係唔想好似依家咁,少到令我每次拎起本新產品目錄時,搵極都搵唔到 Pekkle 咁失望呃~

究竟佢地可唔可以平均番少少?

7-11 Sanrio Hello Party Roadshow @ Causeway Bay MTR station

上一次 7-11 嘅 Hello Kitty & Friends Sweet Delight 系列,就安排咗架流動廣告車周街行去做推廣,今次 Hello Party 系列就擺咗呢個 roadshow counter 喺銅鑼灣地鐵站...








其實呢篇 blog 我想寫好耐,奈何工作實在係比較忙,所以拖咗個幾兩個月時間都無法完成...正好就趁住農曆新年呢幾日假期,『的』起心肝去完成埋呢個『工作』喇!

Pekkle & Ruby 冬季睡衣

雖然只係 A 貨,但係真心覺得 A 貨比真貨嘅睡衣,無論係設計上,抑或係剪裁上,都比較合我心意... 除此之外,A 貨嘅售價只係真貨兩成呢個因素,亦都相當吸引我啦!



Friday, January 17, 2014

7-11 x Sanrio Hello Party 2013 - 第六週戰績 (8/1/2014 - 14/1/2014)

有咗兩個天皇 Pekkle 喺手,就越嚟越無心機儲,所以印花同公仔亦都越嚟越少 lu...

Wednesday, January 8, 2014

7-11 x Sanrio Happy Party 2013 主題店

位於灣仔嘅 7-11 主題店,一如以往『打扮』得好『靚仔』,我又點會錯過呢?





















7-11 x Sanrio Hello Party 2013 - 第五週戰績 (1/1/2014 - 7/1/2014)


第五週成績 - 『天皇』在手,冇哂壓力,所以越嚟越懶.... 今個星期只係得 Little Twin Stars、Kerokerokeroppi 兩款公仔同埋 34 個印花....

7-11 x Sanrio Hello Party 2013 - 第四週戰績 (25/12/2013 - 31/12/2013)

第四週戰績,可能因為已經有兩隻『天皇 Pekkle』喺手,所以連儲印花都變得懶懶閒,今個星期只係儲到 30 個印花咋!

而隨著第一階段嘅『華麗慶典系列』接近尾聲,加上已經換咗好幾個公仔,所以依家換到嘅公仔款式都開始重覆 lu~

Monday, January 6, 2014

No. 8 天皇 Pekkle

今次真係好好彩,"Hello Party" 換購活動只係開始咗兩個幾三個星期,就已經比我換到兩個『天皇 Pekkle』公仔喇!

兩個 Pekkle 排排坐,好似孖公仔...




zoom 近 d 比大家睇清楚『天皇 Pekkle』!

正面


背面,睇下 Pekkle 件衫,印滿咗代表 Pekkle 嘅 "P" 字嫁!


再 zoom 近 d,就可以睇下 Pekkle 嘅『後尾枕』,係清楚咁印有 "Hello Kitty 40th Anniversary - Ahiru No Pekkle" 嘅字樣嫁!



7-11 x Sanrio Hello Party 2013 - 第三週戰績 (18/12/2013 - 24/12/2013)

第三個星期換嘅四個公仔之中,估唔到又有一個係『天皇 Pekkle』喎!既然已經有兩個『天皇 Pekkle』在手,更加安樂哂喇,可以唔洗驚換唔到 lu~

所以,今個星期儲印花嘅數目,隨著換到兩個 Pekkle 公仔嘅情況之後,即時驟降!今個星期儲得 48 個印花咋... hahaha

7-11 x Sanrio Hello Party 2013 - 第二週戰績 (11/12/2013 - 17/12/2013)

第一週嘅 92 個印花,我一共換咗 5 盒公仔,估唔到第一輪就可以抽得中『天皇 Pekkle』喇!可以放下心頭大石,唔洗再瘋狂咁亂買嘢去儲印花喇!正!

第一輪抽到嘅五款公仔為:Pekkle、Tuxedosam、Kerokerokeroppi、XO 同埋 Little Twin Stars... 而第二個星期就一共儲到 69 個印花。



7-11 x Sanrio Hello Party 2013 - 第一週戰績 (4/12/2013 - 10/12/2013)

由於 Pekkle 只會出現喺第一階段嘅『華麗慶典』系列,所以要努力儲印花,儘快喺第二期開始之前就可以抽到『天皇 Pekkle』啦!

4/12/2013 - 10/12/2013,一共儲到 92 個印花,唔知可唔可抽到『天皇 Pekkle』呢?


7-11 x Sanrio Hello Party 2013

4/12/2013 開始,七、十一便利店又同 Sanrio 合作,推出 "Hello Party" Sanrio 公仔系列,相信一班 Sanrio characters fans 又要幫七、十一便利店打工喇!


Hello Party 系列一共有三十款公仔,撇開『聖誕節』、『新年』及『情人節』共六款『節日特別版』公仔之外,餘下二十四款公仔分兩期推出,每期十二款;包括由 4/12/2013 開始換購嘅『華麗慶典系列』及由 15/1/2014 開始換購嘅『快樂童話系列』。

第一期 - 華麗慶典系列,至愛嘅 Pekkle 只會出現喺呢個系列!


第二期 - 快樂童話系列。


今次仲有 facebook 貼紙可以 download,可惜我冇 facebook account 喇!所以雖然見到戴哂黑超嘅 Pekkle 又 cool 又搞笑,都係得個『恨』字!