Wednesday, November 30, 2011

Pekkle 毛絨清潔手套


呢個毛絨清潔手套,有一大一小既 size,不過細 size 果個 Pekkle 實在太醜樣,而且真係因為太細個,冇乜作為,好唔抵賣,所以最後都係決定只買大 size 呢個!

有冇人真係可忍心拎咁可愛、白雪雪既 Pekkle 去做清潔抺布呢?清潔一次就即刻會將 Pekkle 變成花面貓啦!

前幅






後幅




Monday, November 28, 2011

Uji Pekkle 雪狐絨套裝

半年一度既一田購物優惠日係上個星期四已經開始,繼上一次 Uji 替 Pekkle 推出左一款雪狐絨被之後,唔知係唔係反應比預期好,所以今次佢地再接再厲,推出 Pekkle 雪狐絨套裝,原本宣傳單張標明只有單人款式,但當日發現原來係有齊單人至加大既 size...




因為質地、價錢、存貨〔上次買既兩張 Pekkle 被到依家都仲未開黎用〕既關係,我一路都心大心細唔知買唔買好,好意外地,係我仲未有決定買唔買之前,已經收到朋友送上既禮物,超開心呀!










單人套裝包括被袋一個、枕袋一個及純色床笠一個。全 set 都係雪狐絨既質地,連個床笠都係雪狐絨,以香港既天氣,如果全套一齊用,會唔會熱到生熱痱呢?


 




被袋既正面,至於背面就冇公仔既,只係淨藍色。





zoom 近勁靚仔既 Pekkle 比大家睇清楚...實在係太可愛喇!




枕袋既一面




枕袋既另外一面





被袋及枕袋既 size





 

可能有私心既關係,我覺得連張包裝卡紙都靚過人!




今日〔28/11/2011〕就係一田購物優惠日既最後一日,有興趣既 Pekkle fans 千祈唔好錯過呢個最後既機會喇!

Wednesday, November 23, 2011

Pekkle 拉尺

呢把拉尺都算係我近期最『望穿秋水』既 Pekkle 貨品,等左四個月,終於都等到佢出籠....


問心果句,見到實物之後,都真係有 d 失望嫁!唔係因為佢設計得唔夠靚、唔夠實用,而係個 size 實在比我想像中大左好多,原本唸住係好小巧,可以隨身擕帶嫁嘛!依家真係有 d 失左預算囉!








幸好,呢把拉尺係用軟膠造,所以雖然個體積係大左 d,但都唔算重囉!只要按一按中間既圓形掣,軟尺眨眼間就會收納妥當!抵讚!
 

 

 


Pekkle 眼鏡袋

今年第二次推出既多用途儲物袋 ,話就話係多用途儲物袋,不過長長窄窄既 size,除左擺眼鏡之外,我都唸唔到仲可以用黎擺 d 乜勒?

呢款眼鏡袋既設計概念同上一次出既眼鏡布幾乎一樣,所以只係買左一個,因為要留番 d 『彈藥』買將會推出既兩款眼鏡盒~~


 


 



Monday, November 21, 2011

Manis 2011 年聖誕、新年產品目錄

每年既農曆新年、聖誕,都係傳統『倒水』、『放血』既日子,精品店又點會放過呢個掠水既黃金機會呃... 所以星期六行經 Manis 時,就見到出左最新一期 catalogue,當然要拎番本慢慢睇啦!





今季 Manis 將會推出既貨品,最值得一讚既地方係有好多實用既貨品,唔洗再有『買番屋企,得個擺字』既浪費感覺!

Pekkle 陶瓷有蓋碗連匙更、筷子一套〔睇個 size,似乎都係大個左 d,應該同上年出既碗相若 〕、玻璃有耳杯一款〔連杯底都有印公仔嫁〕、陶瓷有耳杯連杯蓋一款〔仲要係精美鐵罐包裝,好期待睇下個實物,一定好靚〕!






Pekkle 地毯





眼鏡布一款、眼鏡布連眼鏡盒套裝兩款、眼鏡袋一款... 好彩依家 3D 電影既流行,令我呢個視力正常既人,都擁有一副『眼鏡』以備不時之需!





生意始終都係生意,有實用既野,都要出番 D 唔等洗既野先可以賺到最盡嫁嘛!好似以下呢個就係『代表作』.... 手機電話套,真係唔係個個都岩用,相信好多人都係為買而買...
 




仲有好多已經推出市面既產品,包括:

電子鐘及清潔手套





2R 相簿 / 卡片套





拉尺





每年冬季出極都唔厭既暖手包!





經典卡通人物系列,呢頁既產品,應該已經全部上市,有興趣既朋友可以留意下!



 


農曆新年系列,可惜 Manis 今年依然冇預到 Pekkle,唯有寄望 Gift Gate 會出 Pekkle 既賀年精品啦!