Monday, April 24, 2017

Uji Pekkle 板仔造型 918 針絲般綿床品系列

Uji 最新推出嘅 Pekkle 床品系列,一見到 Pekkle 嘅板仔造型,就覺得 Pekkle 真係『型、英、帥、靚、正』!😆

雖然我之前已經買咗好多 Pekkle 床品,但係今次 Pekkle 呢個造型非常之創新、獨特,忍唔住手唔買囉!不過我發覺喺唔同地方買嘅價錢都可以相差好遠下,所以有心想買嘅朋友,不妨細心格下價先好買喇!

床品都算係屬於耐用品,之前買落嘅款式都仲未用得哂,所以呢套床品都係唸住買嚟儲,唔打算用。亦都因為咁,都費時拆開嚟影,費時影完之後摺唔番咁好樣,就好難收藏...

單人冷氣被

Sunday, March 12, 2017

草莓雜誌 - 2017 年 4 月號

咁啱家人由日本番港,將最新推出嘅草莓雜誌四月號親手由日本帶回港,睇怕今次我應該快過征服世界番貨喇卦?哈哈~~



Friday, March 3, 2017

Pekkle 短襪

第一次見到呢對最新推出嘅短襪時,係喺征服世界嘅 facebook,但係又唔想專程出去,所以遲遲都未買。好彩後來比我發現到,原來 Sanrio Gift Gate 都有得買,又可以用會員折扣價去買,計落仲平過喺征服世界買添...

唔單只對襪嘅價錢平咗、慳番車錢同埋時間,仲可以儲埋 Sanrio Gift Gate 會員嘅購物積分添,一舉三得,正呀!


Saturday, February 25, 2017

草莓雜誌 - 2017 年 3 月號

今期草莓雜誌嘅贈品,又有 Pekkle 份喇... 當然,都仲係雜錦公仔款,Pekkle 應該都冇乜機會可以獨挑大樑坐正嫁喇,所以,有雜錦款嘅贈品,都總好過乜都冇啦!


Thursday, February 16, 2017

草莓雜誌卡通人物紙啤牌

呢樣都算係呢次征服世界之行最意外嘅收穫...

如果我冇理解錯,呢張『大卡紙』已經係 1996 年草莓雜誌嘅出品,唔知道點解會到今時今日先喺征服世界發現?仲要好抵買添喎...

張『大卡紙』嘅正面。 一共有 54 格唔同造型嘅卡通人物,沿住虛線位逐格剪下,就湊成一副 52 張紙啤牌,再加多兩隻『小丑 Joker』牌。