Wednesday, April 27, 2011

Pekkle A4 Clear Book

我覺得 clear book 係最實用既『精品』... 依家係 office 都用緊幾個舊款既 Pekkle clear book,所以出左新款又點會錯過呢?


都話 Pekkle 呢期有『過度活躍症』啦!今次呢個 clear book 既主題係日本劍道,就連魚仔 Pichi 同鸚鵡阿 Pal 都玩埋一份... 睇佢地好似玩得好開心咁!



zoom 近 d 間劍道館先 ~



呢個 clear book 又係有倒影既設計喇!記憶之中,Pekkle 以前既 products 好少會連倒影都『照顧』到,相信設計呢個 clear book 同之前果個兩層 file,應該係同一位 designer 設計!



Pekkle A4 兩層文件夾

Pekkle 好似冇出過類似既兩層膠 file... 岩哂番工用,正呀!


準備潛水既 Pekkle,個設計好『海洋』,比我一種好舒服、好寧靜既感覺!



印象之中,Pekkle 既 products 好似都未用過呢款 font... 都不失為一個新嘗試,睇落雖然冇咁 cute,比較正經,不過都 ok 呃!番工用既話就岩哂喇,file 既顏色加埋字體,正經之中又帶少少可愛!



file 背面睇黎好似冇乜特別,其實都有 d heart 嫁,只係因為我部相機同攝影技術都比較 low end,所以影唔出個效果咋...



zoom 近 d 再加工一下,睇得出嘛?係一個潛緊水既 Pekkle 同幾條魚魚既倒影黎嫁,連潛水發出既氣泡都有呀!我覺得呢個設計幾特別、好細緻,值得一讚!



Pekkle 夜光貼紙

Pekkle 好似未出過夜光貼紙.... 以前出既應該都係 d 鐳射貼紙同埋螢光貼紙,不過當年大部份都係日貨,所以無論係款式同效果都比較細緻,相比之下,最新推出既 Pekkle 夜光貼紙就顯得份外粗糙 lu...


呢張應該係我印象之中,第一張 Pekkle 既螢光貼紙,係 1992 年既出品,都有 d 夜光既效果嫁!



呢 d 就係 Pekkle 既鐳射貼紙...



呢款係我最鍾意既 Pekkle 鐳射貼紙...



呢款就係最新推出既 Pekkle 夜光貼紙,呢期 Pekkle 都好有『活力』,d 造型都係離不開運動,呢張貼紙仲勁,Pekkle 有如精通十八般武藝咁,又 boxing、又 windsurfing、又 golf、又 soccer、又踩 roller、又 skating、又舉重.... 連空手道都出埋.... 超勁呀!唔通 Pekkle 患上左『過度活躍症』? 不過 Pekkle 有咁多新既造型,我好欣賞喎!點都好過黎黎去去都係舉高對手、仆倒等等既造型嘛!



試過係漆黑既環境測試佢既夜光功能,發覺都係只見到個 outline,其實係睇唔到 Pekkle 個樣嫁...失敗...


Tuesday, April 26, 2011

Pekkle 手搖扇

今年既天氣雖然比較反常,去到四月仲係時凍時熱,氣溫最低可以只得 20 度... 不過呢幾日復活節,天氣明顯係熱左,証明夏天應該都就快黎到... 聽 Gift Gate 既 sales 講,Pekkle 既 products 都排緊隊出籠,相信應該都係針對夏天而設,最先『搶閘』推出既係手搖扇...



綁住頭巾、著住套好似功夫衫既 Pekkle 好得意呀,仲要數哂『1、2』『1、2』既拍子,連魚魚佢地都一齊數喎!唔知佢地係度做緊咩呢?



Pekkle 造型設計得唔錯,不過呢把手搖扇好似唔多實用咁,因為個手柄實在太長,既唔方便擺,更加唔方便用。 個人覺得作為一位產品設計師,其實除左要將個『花款』設計得吸引顧客購買之外,實唔實用都好重要嫁!希望將來 Pekkle 既產品係『實用性』呢方面會有所改進啦!


Monday, April 25, 2011

Pekkle 太空人造型八達通卡套

駕駛緊太空船既 Pekkle,印象中應該係新設計。雖然造型新、手工都算精美,不過冇唸住用,所以都只係買左一個,因為呢個八達通卡套都幾貴下...



睇下連條頸繩都有太空船嫁,設計都算叫做細心啦!



呢個八達通卡套其實都出左一段時間,但係因為想湊夠 $100 賺番個 Gift Gate 印花,所以遲遲都未買... 當『千辛萬苦』咁等到湊夠數時,可惜又剩番最後一個,雖然已經千叮萬囑叫個 sales 唔好剪爛個包裝,不過相信之前曾經剪爛過,所以番到屋企拎出黎影相時,先發現個包裝袋雖然係冇爛,但係入面張包裝卡紙其實已經爛左,激死我呀!



Sunday, April 24, 2011

最後一批 7-11 Sanrio 50th Crystal Charms

最後換購既 7-11 Sanrio 50th Crystal Charms 終於都日前拎左,可惜既係最後呢 5 個吊飾之中,冇一個係 Pekkle...


雖然冇 Pekkle 份,不過係五個之中,只有兩個係重複,好過冇啦!



其實之前都已經有廿零個吊飾係賣左同比左 d 朋友,估唔到都仲剩番咁多,真唔敢想像係果短短三個月,究竟自己『進貢』左幾多比七仔....



Monday, April 11, 2011

Sanrio 50th 週年美版日貨 Mini Tote Bag

以我一向咁孤寒既性格,真係唸極都唔明自己點會無啦啦買左呢個 tote bag...


袋仔細細,大約係 7.5" x 8" x 4" 左右...


前幅



後幅



呢個 Mini Tote Bag 係日本 Sanrio Puroland 既限定貨品,標價為 $1,575 日元,但係香港就賣成... 計落似乎佢地既『食水』都幾深下喎... 不過算啦,加埋機票、旅費、入場卷等等,都應該差不多...



應該係分銷往美國既貨品... 雖然係日本既 design,不過依然係中國製造。



全個袋就只得一個 Pekkle 公仔,梗係要 zoom 近 d 比大家睇清楚啦.... 著左日本傳統民族服飾、而又好似有少少纖左體既 Pekkle,睇落都幾醒目既...