Pekkle 夜光貼紙

Pekkle 好似未出過夜光貼紙.... 以前出既應該都係 d 鐳射貼紙同埋螢光貼紙，不過當年大部份都係日貨，所以無論係款式同效果都比較細緻，相比之下，最新推出既 Pekkle 夜光貼紙就顯得份外粗糙 lu...

呢張應該係我印象之中，第一張 Pekkle 既螢光貼紙，係 1992 年既出品，都有 d 夜光既效果嫁！

呢 d 就係 Pekkle 既鐳射貼紙...

呢款係我最鍾意既 Pekkle 鐳射貼紙...

呢款就係最新推出既 Pekkle 夜光貼紙，呢期 Pekkle 都好有『活力』，d 造型都係離不開運動，呢張貼紙仲勁，Pekkle 有如精通十八般武藝咁，又 boxing、又 windsurfing、又 golf、又 soccer、又踩 roller、又 skating、又舉重.... 連空手道都出埋.... 超勁呀！唔通 Pekkle 患上左『過度活躍症』？ 不過 Pekkle 有咁多新既造型，我好欣賞喎！點都好過黎黎去去都係舉高對手、仆倒等等既造型嘛！

試過係漆黑既環境測試佢既夜光功能，發覺都係只見到個 outline，其實係睇唔到 Pekkle 個樣嫁...失敗...