7-11 x Sanrio Hello Party 2013 - 最終回

望穿秋水，拖咗個幾月，終於都換埋最後十個公仔喇...

估唔到我機關算盡，結果都係強差人意，最後十個公仔，冇一個係我至愛嘅『天皇 Pekkle』，唔好話 Pekkle，搵個屬於第一階段嘅 12 款公仔都冇呀！十個公仔全部都係第二期嘅款式，真係冇乜心機逐個影.... 就將佢地嚟一次大合照就算數喇！


 
水平線影埋去好似唔多清楚？再『高炒』一張睇清楚 d 啦！



其實自己只係抽到一隻 Pekkle 咋，好彩同朋友交換咗幾個公仔之後，最後都可以儲到四隻 Pekkle，都算叫做有交代啦！

草莓雜誌 - 2014 年 5 月號

最新一期草莓雜誌嘅贈品，又有 Pekkle 份喇...

今次送嘅係黑色原子筆加 note pad.... 一共有五款，其中兩款係雜錦公仔，兩款都有 Pekkle 份嫁！其中一款係筆加埋 note pad 都有 Pekkle 份，而另外一款 Pekkle 就只出現喺 note pad 上...



我當然就係買哂兩款啦，而且每款都買咗兩本，即係今期草莓我係一共買咗四本嫁...

呢款係筆同 note pad 都係有 Pekkle 份嘅！

放大疊 memo pad，印刷精美，仲要係要‎黏貼添嫁，加埋一支黑色原子筆，廿幾蚊兩樣野，實在係超抵呀！

原子筆筆桿三百六十度大特寫...

 ‎

另外一款贈品

‎

黏貼型 memo pad

再嚟原子筆筆桿三百六十度大特寫... 其實我比較鍾意藍色，可惜呢款原子筆冇 Pekkle 份呃...

喺雜誌內嘅『讀者投稿』專欄，意外發現到有香港 fans 投稿，內容就係較早之前喺旺角朗豪坊嘅 Hello Kitty & friends 展覽！

Sanrio characters 日版餐盒袋

依家期望有 Pekkle 自己嘅日系精品，簡直係同發夢冇分別... 所以只好退而求其次，留意一 d 係以 Sanrio characters 掛帥嘅精品，希望 Pekkle 會『榜上有名』啦...

無意之中比我發現到一款 Sanrio characters 嘅餐盒袋，雖然 Pekkle 只係佔小小一角嘅位置，不過以個餐盒袋嘅質素、仲要係日系精品，勉強都可以彌補不足嘅！

上網睇圖時，仲以為係一個標準有手挽嘅長方形咁上下大細嘅飯盒索袋，睇到實物之後，先知原來係比想像之中細個，不過見到 Pekkle，價錢又唔係好貴，好難忍手唔買...

日本貨即係日本貨，連個包裝袋上面張卡紙都印得靚過人~

打開個內籠比大家睇清楚 d 先...

個袋嘅內籠都唔係太細個，體積都算實用，不過如果有埋手挽位，就更加完美喇！

個袋嘅底部...

個袋嘅側面...

放大咗成個袋唯一個個嘅 Pekkle..