Tuesday, June 28, 2011

Pekkle PU Phone pouch

撇開佢既 PU 塑膠質地而言,呢個 "電話套" 其實都算係幾靚嫁!睇起上黎,呢個電話套既構圖好似好花、好亂咁,但係都係以 Pekkle 既藍色為主色,呢方面就最岩我呢個 "愛藍" 既人口味嘞!



我覺得連個包裝袋既後幅都印得好靚,大大個 Pekkle,好 sharp、好得意!



電話套本身既 size 都唔算係好大,如果唔係用 iPhone,係用 d 厚身少少既 smartphone 既話,我唸應該擺唔落!就算以 iPhone 黎講,亦都只係岩岩好放得入,再加上佢既內裡係絲絨布〔連絲絨布都係深藍色嫁,正!〕,係有少少 "啜" 住部電話既感覺,如果遇上有電話響,要拎出黎聽應該都會有少少狼狽囉!


至於生產商提議除左可以擺放手機之外,仲可以擺放相機同 MP3,我覺得都唔係太過實際囉!因為擺放呢兩樣野既話,呢個套未免又大左少少,擺左 DC 或 MP3 入去之後,仲有大把位置多左出黎;而且呢個套本身係冇 "風琴" 位既,所以只要係厚少少既物件,應該都係擺唔到入去... 呢個套似乎都係要放薄身既 smartphone 先得囉!



由於電話套 "外殼" 係以 PU 塑膠物料做成,所以無論係望、定係摸都會有 D "漆皮" 既感覺,我就麻麻地鍾意呢 D 質地,總係覺得會好易爛囉!



不過我又幾鍾意呢 d font type,所以撇開 PU 塑膠質地同個實用性,我都幾鍾意呢個電話套既設計!


Pekkle 公文袋

一連串都係 Gift Gate 出既 products,係時候輪到 Manis 出場...


已經出左幾耐下既公文袋... 慳水慳力,依然係用番今年主力推出既系列 --- 馬戲團造型!雖然我覺得呢個表演緊馬戲既 Pekkle 都幾得意,不過就好似冇乜 heart 咁囉!


前幅



後幅



Monday, June 27, 2011

Pekkle 木間尺及擦膠

都未到暑假,Pekkle 已經開始推出新一輪文具產品,唔通咁快就要為新一年既學期做好準備?對於離開左校園幾廿年既我黎講,無論 Pekkle 推出既貨品係為咩都好啦,依家我買黎都係為左滿足番兒時無購買能力既 "遺憾" 姐...


印象中 Pekkle 未曾推出過木間尺,雖然係短左 d,不過我都覺得好靚、好實用喎!



日本版既 Pekkle 擦膠,好多年前就推出過唔少款式,反而港版就冇乜印象,唔知一眾心水清既 Pekkle fans 記唔記得 Pekkle 有冇出過港版擦膠呢


好可能因為 Pekkle 呢期爆紅,所以連帶 Pekkle 女友 Ruby 都紅埋喎.... 近期 Ruby 已經係第二次係 Pekkle 既產品上出現,兩小口子好 "溫馨" 咁係屋企玩耍...



好 "梳乎" 既 Pekkle,拎住杯凍飲坐係 sofa 睇緊 Pekkle 電視,而 Pichi 魚魚就係後面既魚缸內暢泳,Pichi 係郁得嫁,真係可以 "游來游去" 嫁,幾咁開心!



呢個擦膠做得好精美,搞到我都唔捨得拆黎用添!


Pekkle 卡片套連頸繩

呢個 Pekkle 卡片套連頸繩,都算係近年 "劣等" 之作....  問左好幾位親朋好友,冇一位係話呢個卡片套連頸繩係靚、係買得過既....  


"騎騎呢呢" 既 Pekkle 外型〔已經唔係第一次講,自己最唔鍾意就係變左型既 Pekkle〕,唔知點解當我見到時,又會不作考慮咁買左落黎,買完之後,連我都覺得自己騎呢埋一份....



真係唸極唔明自己點會買呢個卡套,不過番到屋企細心 "思量" 之後,得出一個結論,就係為左呢個 "舉手投降" 既 Pekkle 伸縮扣!



除左因為呢個 Pekkle 造型係我一向 "認識" 既得意 Pekkle 之外,就係呢個可以伸縮既扣,好方便拍卡。所以呢個卡片套連頸繩都唔係一無是處,只要 "拿拿聲" 拆走卡片套果 part,換番另外款式既 Pekkle 卡片套,咁就可以變番一個實用又美觀既 Pekkle 卡片套連頸繩啦!



Wednesday, June 22, 2011

Pekkle 座檯鬧鐘

近呢幾年,係芸芸咁多 Pekkle 新產品之中,我發覺鬧鐘同水樽既 "出鏡率" 都非常之高....   平均每年都會係呢類貨品推出兩至三個款式以上!!我真係好想問下,究竟水樽同鬧鐘個 "消耗量",係唔係咁犀利既呢?照計呢兩樣野都應該好襟用先岩嫁嘛.... 但係唔知點解,偏偏兩間出 Sanrio 精品既 licensee,就係咁鍾意接連咁推出呢兩類產品!d 款多到簡直係追唔切,要選擇性地購買...


又一款新推出既鬧鐘





Tuesday, June 21, 2011

Pekkle 桌上吸塵機

呢個桌上吸塵機個樣就麻麻地喇,不過我就好鍾意個包裝,好經典、好靚,令我唸起以前正宗日貨既設計,單係睇到個盒就已經令我愛不釋手!



唔知大家有冇留意,個盒印住 "Sanrio Original" 同埋 "Sanrio Smiles",仲有埋 "Tokyo, Japan" 既字樣,雖然都係 Made in China,不過就好有日貨 feel 囉!但係日貨又冇乜可能有中文說明嫁喎... 究竟係港貨定係外國貨黎呢?連我都分唔清添... 不過唔理咁多啦,最緊要係靚嘛!



其實一向對變左樣既 Pekkle products 都唔係咁喜歡,再加上試用過,覺得個清潔能力都唔係好掂,所以無論係個外型定係實用度,呢個桌上吸塵機都只係好一般!但係為左個靚靚包裝,我都係唔會放過既!



Pekkle 2011 年布索袋

Pekkle 呢排又係 keep 住出新品,不過最近比較忙,所以買左都唔得閒上 blog


最新款布索袋,有別於以前,通常一出三個 size,今次只係得大、細兩款...


呢個系列一共有六款唔同既 Sanrio 公仔,分別有 Hello Kitty 既 "金魚"、My Melody 既 "錦鯉"、Little Twin Stars 既 "企鵝"、Kuromi 既 "鯰魚"、同埋大口仔既 "海龜";唔關有特別偏愛既原因,純粹平心而論,我都係覺得 Pekkle 呢個 "八爪魚" 加 "太空人" 造型係最靚仔囉!


前幅



後幅