Ahiru No Pekkle Cafe 非賣品襟章

由 30/11/2018 至 28/2/2019 短短呢三個月嘅期間限定 Pekkle Cafe，我去朝聖嘅次數都唔算得係密，再加上參加 Cafe『特備節目套餐』時又唔會有襟章送，所以我都唔係儲得到好多襟章，full set 就只有兩套...

不過最可惜都係差一個咖啡杯 Pekkle，我就可以儲齊多一套嫁喇，今日又已經係 Cafe 最後一日營業，已經再冇機會儲到喇... 真係有少少遺憾囉...

Ahiru No Pekkle Cafe - 精品篇 - 地氈

呢一樣野，係我今日喺 Pekkle Cafe 唯一一樣買走嘅精品，其實呢張地氈推出時都冇唸住買，因為知道一定唔會用，收藏又麻煩... 但係唔知係咪因為見好多人入嚟掃貨，羊群心理之下，結果我又買埋一份...

Pekkle Cafe... 再見喇~~

雖然我並唔係一位活躍嘅 Pekkle fans，但係鍾意咗 Pekkle 超過 25 年嘅我，其間並冇『見異思遷』，又或者好『博愛』咁同時間鍾意其他唔同嘅卡通人物，所以我仍然係會認為自己係一位 Pekkle 鐵粉。既然係鐵粉，全球首間 Pekkle Cafe，我又點會唔去朝聖呢？

正如我之前所講，我並唔係一位活躍嘅 Pekkle fans，所以我根本都唔知 1/12/2018 會有個開幕『特備』節目，當我知道嘅時候，已經係太遲喇！兩場見面簽名會一早已經爆滿，我唯有趁 Pekkle Cafe 30/11/2018 試業嗰日，就請假去先睹為快啦！眨下眼，呢間限定 Pekkle Cafe 終於都嚟到最後一日... 試業當日請假去，所以好頭好尾，到最後一日，我都一樣請假去 Cafe...

原本唸住今日係閒日，應該都唔洗訂檯，好彩朋友有先見之明，佢都係覺得訂咗檯會穩陣啲，其實今日午市並唔係好多客人，但係餐廳竟然係唔接受 walk-in 客，唔知係咪因為要準備之後兩場 farewell party，為免阻礙佢地嘅預備工作，所以我見到就算餐廳仲有起碼一半檯，仍然阻止 walk-in 客入座... 心唸好彩朋友一早訂咗檯，否則我就唔可以好『完美』咁，頭、尾兩日都支持到 Pekkle Cafe 喇！

當日有好多精品開始做傾銷，所以就算入唔到餐廳食飯嘅顧客，都會買啲精品離開，絕對唔會空手而回... 不過大部份精品，其實我之前已經買哂，所以今日主力反而係食，因為我想儘最後嘅努力，儲番多一套非賣品嘅襟章嚟留念...

山下菓子 x Roll'eat - Snack 'n' Go Eco Wrap 環保食物袋

山下菓子又出新產品喇，今期係呢個 eco wrap 環保食物袋。質地好靚嫁，滑『口都』『口都』，摸上手有冰涼嘅感覺...

Ahiru No Pekkle Cafe - 閒日篇 2

我覺得閒日，尤其係午飯時間，嚟 Pekkle Cafe 係最舒服嘅，人客都冇咁多，今日仲可以比我影到呢啲相，真係好似包咗場一樣呀！由 11月30 日試業開始，大大話話都嚟過七、八次，首次可以影到冇人嘅 Pekkle Cafe 全景，真係大滿足！就算係專登請假過嚟，都覺得好值得呀！

Ahiru No Pekkle Cafe - 閒日篇 1

農曆新年之後，第一次到 Pekkle Cafe，原本唸住放農曆年假時去，但係原來佢地做飲食業嘅，都一樣係休紅日，所以結果拖到依家先嚟...

兩個人去午飯，只係叫咗一份咖喱飯，因為今日主要係想試佢地嘅甜品.. 

Ahiru No Pekkle Cafe - 精品篇 - Mini Pekkle Cafe

朋友喺 fb 發現，凡惠顧『Duck 意浪漫限定 2 人套餐』嘅顧客，都可以優先購買一套 Mini Pekkle Cafe，由於我係屬於第一批嘅顧客，當日仲未推出呢套 Mini Pekkle Cafe，所以當我知道之後，即刻打電話去 Pekkle Cafe 問可唔可補購，店員話曾惠顧呢款套餐嘅客人，只要出示番訂餐紀錄，係可以補購。為免被其他 fans 掃光，我都唔等到星期六放假，尋晚一放工就急不及待走出去 Pekkle Cafe，帶一套 Mini Cafe 番屋企啦！

Ahiru No Pekkle Cafe - 精品篇 - 門簾

打從 Cafe 2018 年 11 月 30 日試業當日，我踏入去呢間 Cafe 第一眼望到嘅，就係喺廚房門口嘅呢塊門簾，相信係經過一班熱情嘅鐵粉再三向 Cafe 反映，Cafe 終於都『順應民意』，推出咗呢款門簾喇！

有少少後悔當日只係買咗一張...

Ahiru No Pekkle Cafe - 精品篇 - 膠枱墊

每次去 Pekkle Cafe，都要拎走佢地張紙枱墊番去儲，為咗方便儲存，又要拎去文具店過膠，以防整皺。既然依家 Cafe 推出正式嘅膠枱墊，更易收藏，無理由唔買姐？


 

Ahiru No Pekkle Cafe - 精品篇 - 矽膠杯墊

都係喺同一個場合，即係『Duck 意浪漫限定 2 人套餐』時，見到嘅新產品，係矽膠杯墊，好靚呀，點忍得住手唔買呀？

Ahiru No Pekkle Cafe - Duck 意浪漫限定二人套餐

為咗份『Duck 意浪漫限定二人套餐』所送嘅透明膠首飾盒，梗係要去食啦！

草莓雜誌 - 2019 年 2 月號〔第 612 期〕

2019 年 1月10日出版嘅草莓雜誌，今期嘅贈品係圓形細鏡一塊，雖然只有一款雜錦款先有 Pekkle，但係今期有一篇『專訪』內容好『勁』嫁，作為 Pekkle fans，尤其係香港區嘅 fans，就更加必定要買嚟儲嘅一期！

Ahiru No Pekkle Cafe

自從 11月30 日喺 T.O.P. 開咗呢間 Pekkle Cafe 之後，間唔中都會令我有想去幫襯嘅衝動... 亦都係因為 Pekkle Cafe，我出旺角嘅次數，喺呢一、兩個月真係激增咗好多呀！今日，又忍唔住去咗幫襯喇！

可能已經開始運作咗一個多月，所有嘢都開始暢順，不過營業時間就有唔同...

11月30日嘅營業時間：















 

Ahiru No Pekkle Cafe - 聖誕期間限定套餐

純粹係為咗對 Pekkle 聖誕襪，令我無辦法唔訂呢份『聖誕大餐』~~

其實個期間限定餐牌內容冇乜特別野，同平時嘅主餐牌一樣，所以如果唔係因為隻萌爆嘅粉藍色 Pekkle 聖誕襪，我應該都唔會幫襯呢個『聖誕大餐』。

食呢個餐嘅最大目的就係為咗隨餐附送嘅限定非賣品，所以梗係要介紹咗啲精品先啦！首先嚟個『大合照』！

山下菓子『伴您食得環保』系列 - Pekkle 鐵罐連草莓乳酪脆脆朱古力

個鐵罐做得好靚呀！取貨時細心檢查，並冇發覺印歪、刮花嘅情況，不過個罐比我想像中細咗少少，如果可以再大個啲，咁就更加理想喇！

山下菓子『伴您食得環保』系列 - Pekkle 環保飲管連玻璃樽

終於都等到番貨喇！一收到電話通知，就急不及待放工即刻衝去拎！

買玻璃樽係連買日本蘋果汁，其實我反而唔想要，因為唔想佢整污糟我個 Pekkle 樽，不過都未及阻止，店員已經第一時間斟咗啲蘋果汁入去個 Pekkle 樽入面。

Pekkle Cafe x APF 愛培自閉症基金慈善義賣

愛培自閉症基金 APF 個 Pekkle 慈善聖誕花圈其實係好靚，不過可能因為係慈善關係，售價 $495 實在太貴喇，再加上最近真係買 Pekkle 新產品都買到窮，所以我冇買到個聖誕花圈。不過咁，Pekkle 咁叻仔做到 APF 嘅『慈善大使』，點都要去捧下場嘅，所以當 APF 第一日喺 Pekkle Cafe 擺義賣 counter 就已經去支持下...

Ahiru No Pekkle Cafe - 精品篇 - 毛毯

由於我買唔到簽名會 + 抱抱會入場卷，所以當日入唔到場、買唔到呢張毛毯，但係喺店外望入去時，我仲以為係毛巾，仲唸住一定要再去掃多幾條，後來先知原來係毛毯，購買意欲即刻大減，不過大減還大減，都係要買嘅，差在係只買一條作收藏之用，抑或去排多幾日隊、買多幾條嘅分別姐...

山下菓子『伴您食得環保』系列

除咗鮮果卷連印花木板、竹蓋陶瓷保鮮盒之外，仲有 Pekkle 環保飲管連玻璃奶樽，同埋 Pekkle 罐裝蝴蝶酥，不過呢兩樣都係冇現貨，依家接受預訂，貨到再通知。

山下菓子『伴您食得環保』系列 - Pekkle 竹木蓋陶瓷保鮮盒連蝴蝶酥

我買嘅時候，連蝴蝶酥都賣哂，所以只係可以拎個吉盒，包蝴蝶酥就要等番貨。