Saturday, January 30, 2016

2016 年 Pekkle 賀年精品 -- 立體裝飾

今年 Sanrio Gift Gate 推出好多什錦公仔嘅賀年精品,就好似上次已經介紹咗嘅掛畫,今次就有立體擺設。一共有兩款設計,『和氣生財』同埋『皆大歡喜』,咁難得兩款都有 Pekkle,我又點會放過呢?




 首先係『和氣生財』...







另外一款,就係『皆大歡喜』....







呢兩款精品嘅價錢雖然係比較貴,但正所謂『一分錢、一分貨』,以我所知,喺咁多年嘅 Pekkle 賀年精品之中,呢款精品都可算係最精緻,將中國傳統嘅剪紙技術發揮得好好,雖然都明知冇可能係用人手剪,但係呢款精品嘅誠意、創意都令我好欣賞!



Wednesday, January 27, 2016

7-11 x Sanrio characters Joy to the Word 2015 系列 - 第八週戰績 (20/1/2016 - 26/1/2016)

換購『扮動物毛公仔』系列踏入第二週,今個星期我一樣係換咗六個,今次係一次過喺同一間 7-11 分店換...

好緊張呀,唔知會唔會抽得到 Pekkle 呢?




終於都抽中咗 Pekkle 喇,仲要係一次過抽中兩個添,好開心呀~



第一次親手『觸摸』到 "Pekkle 扮小綿羊" 實物公仔,如果撇開我對 Pekkle 嘅情意結唔計,我真心覺得呢一期嘅 Pekkle 係過去 7-11 咁多次儲印花換公仔,而又有 Pekkle 份最『肉酸』嘅一次... @@




『Pekkle 扮小綿羊』三百六十度全面睇...

首先,對角係左、右角高低不平



側身嘅 Pekkle 已經係成隻公仔最靚嘅地方...





一隻沒有尾巴嘅小綿羊...







兩個星期一共換咗十二個公仔,嚟張大合照先...


扣除兩星期一共換咗十二個公仔所須嘅 216 個印花之後,目前剩番嘅印花數目係 137 個... 所餘印花數量雖然唔算多,不過已經有兩個 Pekkle 喺手,個心都定哂,可以慢慢換,唔洗再咁緊張喇...

Monday, January 25, 2016

Pekkle 冬季睡衣

呢套睡衣係舊年推出,一直都冇時間去征服世界買,啱啱喺一田見到,仲要有八折,有一田卡仲另加九五折,折實二百五十蚊有找,咁抵,仲洗唸?




呢套睡衣嘅 pattern 好靚,啲質地都唔錯,當然如果布料改用 T 恤嘅棉質就更加完美。

以下就係睡衣上不同嘅 pekkle 造型。





 







Wednesday, January 20, 2016

7-11 x Sanrio characters Joy to the Word 2015 系列 - 第七週戰績 (13/1/2016 - 19/1/2016)

今個星期開始有得換 Pekkle 公仔,要出動喇!雖然之前都儲咗有二百幾個印花,不過我唔捨得一次過換哂,所以今個星期都只係換咗 6 個....

個公仔盒,我覺得唔係太靚囉,尤其係 Pekkle,用番店舖 banner 上面嘅『變樣』 Pekkle 造型...






6 個公仔,分咗三間 7-11 換,竟然冇一個係 Pekkle,仲要重複咗一個海怪添... 超失望...


今個星期所儲嘅印花數目,因為又再一次得到親友相助,所以又回升咗少少,一共儲到 46 個,扣除咗換 6 個公仔嘅 108 個之後,依家剩番嘅印花數目係 174 個...

7-11 x Sanrio characters Joy to the Word 2015 - 扮動物毛公仔系列

望穿秋水,終於都等到第二期嘅『扮動物毛公仔』系列推出喇!有睇開我 blog 嘅都知,每次推廣有 Pekkle 出現,我都會去灣仔間『主題 7-11』分店影下相,點知今年再去灣仔嗰間 7-11 唸住影相留念時,先發現以往間灣仔分店,已經一劏開成三間細舖,而 7-11 只佔其中一間細舖位,舖面面積細咗咁多,當然就冇哂好似以前鋪天蓋地嘅佈置啦!
 
既然係咁,唯有退而求其次,喺尖沙咀一間稍為有少少佈置嘅 7-11 影相囉...
 

 
 

Pekkle 扮小綿羊嘅實物,Pekkle 個樣... 其實都真係幾懵下...@@
 
 
其實將 Pekkle 做成立體公仔,難度係好高,從過往製成品觀察所得, Pekkle 個樣往往都會『出事』,總係會有『走樣』嘅情況,所以喺平面上嘅 Pekkle,應該係最靚、最傳神、最可愛先啱... 奈何印喺七仔 banner 上面嘅 Pekkle,真係可以用『核突』去形容,呢個 Pekkle 應該都係我見過最醜樣、最唔得意嘅平面 Pekkle,簡直有『老翻』嘅感覺... @@
 

 
除咗店舖嘅布置裝飾,仲有地下鐵路嘅宣傳廣告板同埋 7-11 官方網站入面嘅人物介紹...
 
 



新春加推 --- Pekkle 揮春
 
 

Wednesday, January 13, 2016

7-11 x Sanrio characters Joy to the Word 2015 系列 - 第六週戰績 (6/1/2016 - 12/1/2016)

今個星期所儲嘅印花數目又一再下調... @@

 

目前累計印花數目係 236 個,比上星期只係多咗 34 個。今日就係開始換 Pekkle 公仔嘅日子喇,希望我可以『一擊即中』,咁就唔可以洗再幫 7-11 "打工" 啦?!

Haagen-Dazs Dark Chocolate and Almonds ice-cream

有睇開我 blog 嘅人,應該都知我係一個超級鍾意食黑朱古力同埋雪糕嘅人,而且以我自己嘅口味去揀,唯一可以加喺朱古力或者雪糕入面嘅材料,就只有果仁。所以我無論係食黑朱古力,抑或係食雪糕,一係就淨食,一係就只可以加果仁,其他食材免問... 而今次 Haagen-Dazs 呢款新口味,正正集合哂我至愛嘅食材於一身,咁又點可以唔試呀?: )

其實較早之前,已經喺 Haagen-Dazs 嘅專門店嚐過,當時覺得『驚為天人』,所以當我之後喺超市見到,就即刻急不及待入貨...





相比之下,專門店嘅雪糕質素較為出色,除咗朱古力味較為濃香之外,入面嘅杏仁碎嘅分別就最大。專門店所售賣嘅黑朱古力杏仁雪糕內嘅杏仁片,片片都係好脆、好香口,食完係有好香嘅杏仁味,而家庭裝明顯就係『技遜一籌』囉...
 
 
濃香嘅黑朱古力雪糕之中,除咗加入杏仁片之外,仲有朱古力碎,雙重朱古力口感,對於我呢個黑朱古力癡嚟講,無異就係加多一重吸引力,以六、七十蚊嘅價錢就可以食到呢個質素嘅雪糕,都算係物超所值... ^^

2016 年 Pekkle 賀年精品 -- 揮春貼紙

原本睇 Manis 本聖誕 / 新年產品目錄,見到呢張賀年貼紙時都幾有期待,因為一心以為係可重複再貼嘅玻璃貼紙,原來只不過係一張普通嘅貼紙,仲要每張貼紙都係細得可憐.... 不過都係嗰句啦『總好過乜都冇』...

整張貼紙大概係 B4 size 左右,一共有超過四十個貼紙,咁我唸大家都略略估計得到每個貼紙會有幾大個啦?



呢個只係貼紙既 "heading",本身並唔係一張可以撕出嚟嘅貼紙...   Pekkle 幾時同 XO friend 咗嘅呢?今年 Manis 嘅賀年產品,Pekkle 同 XO 經常都係『拍住上』,鴨仔同企鵝,幾時變得咁 friend?



第一款貼紙 -- 『蚊形』Pekkle 大頭圓形貼紙


 
第二款貼紙 -- 『迷你揮春形』年年有餘橫長方形貼紙


 
第三款貼紙 -- 『迷你揮春形』準時收工直長方形貼紙,呢個相信係所有打工仔夢寐以求嘅心願~

2016 年 Pekkle 賀年精品 -- 揮春

今年 Pekkle 只係推出咗兩款揮春,仲要係同之前款利是封係同一個系列,即係什錦公仔款,不過總好過乜都冇啦!

我嘅至愛 -- 身體健康 ^^



另外一款 -- 一團和氣



雖然兩款揮春嘅 pattern 係一樣,仲要係什錦公仔,不過 Pekkle 處於左上角位置,都算係佔盡地利,夠哂搶眼呃..  : )