Monday, June 30, 2008

買到喇!

經 blog 友雪藍介紹,終於都入左貨喇....


係乜呢 我唸好多 Pekkle blog 友都應該估到喇卦?



仲未估到?比埋張單你地睇.... 實知啦!



仲唔知?開估喇!無錯,就係雪藍之前係佢個 blog 講過既 VCD 喇!一經雪藍介紹,即刻 send email 比那位 Dominic 問詳情,好彩佢既效率都好高,send email 比佢都算好快就覆到。不過因為其中一隻未有貨,結果等左足足六日先可以買到!


冇唸住拆黎睇,純粹收藏...



唔知大家有冇發現,Pekkle 亞拉丁同仙巴既造型係一模一樣嫁!幾搞笑...



係呢度,再一次多謝 blog 友雪藍既幫忙,唔該哂!


Saturday, June 21, 2008

Pekkle Collections - 公司篇〔最終回〕

終於都黎到最終回喇,今次會 post 埋零零碎碎放係 office 既 Pekkle collections,如果唔再入貨既話,所有擺係 office 既 collections 應該都已經〝亮相〞哂....


前文提過,擺係 office 用緊既兩格紙皮櫃桶、木製既紙巾盒同埋 magazine file〔其實一共有四個,右邊仲有兩個 magazine files 嫁,不過費時比 d 雜亂既文件入鏡,所以冇影到!〕仲有一個雀巢奇趣杯既 Pekkle 火車卡公仔....



紙皮櫃桶上面既 Pekkle 公仔,其實底部都印左公仔,不過一模一樣既,費時再影...



兩架櫃桶內既 Pekkle 精品一大堆,有正版野,亦都有老翻,總之就全部都係 Pekkle 啦!就當考下你地眼光認唔認得哂 d 精品,唔再逐一介紹喇!



原來擺係 office 既長間尺都有兩把,上圖既櫃桶精品都曾經出現過,不過呢把就係平時用既,老翻 clear holders 兩本、paper clip 兩個、memo pad 連櫃桶 set 一個、雀巢雪糕 Sanrio 火車連雪糕杯一 set〔仲有條火車軌嫁!不過因為時間倉卒,砌唔切成架火車連路軌...



擺係寫字檯周圍既 Pekkle 精品....



膠公仔大特寫,之前見其他 blog 友 post 出黎既係一 set 十個,唔知點解我呢 set 得八個,唔通比人呃左



咁鍾意 Pekkle,電腦當然唔少得啦!我覺得個 LCD 高度唔夠,求其搵個紙盒架高左個 LCD,我連個紙盒都要用 Pekkle 花紙包得靚靚仔仔〔不過係搵我同事代勞既!〕,咁對住做野都會開心 d 啦!



screensaver 都係 Pekkle....



之前係第二篇 blog 出現過既水松木板,係同事送既.... 仲有都係呢位同事送既 Pekkle 摺紙....



放係 office 用既 spare 縮骨遮,一共有三把,前面兩把係正版,最後果把係老翻!



office 唔少得既 cushion !呢個咪就係好多 Pekkle blog 友之前係一田購物日瘋狂搶購既音樂 cushion 囉,我屋企仲有一個,唔知點解呢個 cushion 套洗極都係有漬,反而係屋企果個就乾淨得多,証明 office 好污糟!



無喇!無喇!終於都 post 哂擺係 office 既 Pekkle products 上 blog 喇!應該都冇野漏既,就算真係漏左,應該都係之前唔同 topic 既 blog 度出現過!終於都收得工!齋一個 topic 都可以寫左三篇 blog,可想而知,要影哂佢地時,係幾咁勞師動眾呢?依家唸番起當時拎哂出黎、再執番入去時既情景都怕怕.... 真係搞一次都已經夠哂皮喇!


Thursday, June 19, 2008

Pekkle Collections - 公司篇〔二〕

上回講左擺係 office 既 A3 箱 Pekkle Collections,今回再續...


記得之前同 blog 友講過,我一共有一個 A3 箱加兩袋 Pekkle collections 放係 office,原來搵下搵下,都唔只呢 d 數.... 不過有 d 就擺得好散,要整理好先可以影相 post 上 blog。所以今次 post 左 d 放係袋入面既 Pekkle 精品先啦...


全新既 Pekkle 兩格紙皮櫃桶,之前都係好多 Pekkle fans 既 blog 入面見過,其實我仲有兩個呢 d 櫃桶,不過已經拆左黎用,一個擺左係 office〔稍後就會出場

〕,一個就擺左係屋企既床頭櫃度.... 大家有冇留意到有個 A4 紙箱呢?入面其實只係放左之前出現過既 Pekkle 細相簿一本,同埋兩個木製 Pekkle 紙巾盒既吉盒,講得吉盒,當然又係開左黎用啦!一樣係一個擺係 office 用,另外一個放左係屋企用,所以呢度純粹係 keep 番個吉盒既姐...



d collections 其實都放得好雜亂,唔打開個袋,根本都唔多知道入面究竟有 d 乜野係度.... 左手邊 Trendyland 出既布掛袋,屋企都有一個,如果今次唔係要 post 上 blog,唔整理過都完全唔記得左 office 都有一個.... 兩個鵝蛋型既老翻 Pekkle 紙巾盒係人地送既,係兩位同事不約而同咁買左番黎送比我.... 睇黎佢地兩位都幾心有靈犀喎....



白色果兩個盒,就係放係最上果幅相入面既白色膠袋內既。我唸大部分 Pekkle fans 都會知係乜,因為依家 Gift Gate 都仲有得賣既,就係立體 Pekkle 公仔形既有耳瓷杯。其餘既物品就係放哂係西田果個大袋入面,包括:暖包、利是封、電話繩、公仔型八達通卡套、鬧鐘、禮物盒同埋卡片包...



仲有,都係放西田個袋入面既 Pekkle 修甲套裝、毛巾連掛架〔藍色〕、毛巾連沐浴布〔黃色〕、Pekkle 公仔型袋仔、鐵筆筒、Memo pad、卡片簿、祝福語水晶石擺設、老翻頸巾、老翻化妝袋、老翻電話座...



仍然係放係西田袋入面既暖水袋 cushion 同埋公仔型筆筒... 乜西田個袋咁似叮噹個神奇八寶袋既?可以放到咁多野....



以上呢 d 就係放哂係袋入面既 Pekkle products,下回既〝公司編最終回〞,我就會 post 埋 d 零零碎碎放係 office 擺或用既 Pekkle 精品比大家睇下嫁喇!


Tuesday, June 17, 2008

Pekkle Collections - 公司篇〔一〕

之前同 blog 友講起,話唔經唔覺係 office 都擺左唔少 Pekkle 野,blog 友叫我話有機會就 post 上黎比大家睇下.... 終於都等到機會影相上 blog 喇!


呢次影 Pekkle 工程之浩大真係唔惹少,因為唔想太揚,要趁 lunch hour 冇人係 office 先可以拎出黎影,單單係將 d collections 執出執入都嘥左唔少時間,又要食 lunch 醫肚,七除八扣之下,真正可以用黎 set 位影相既時間其實得番四、五個字,又要驚其他同事早食完 lunch 番黎要〝走鬼〞喎,所以今次 d 相都影得好求其下,還望大家多多包涵啦!


首先出場既係個 A3 箱...


唔好以為一打開就有迫爆哂既感覺呀,其實入面都唔係好多野嫁咋,只係因為有 D 精品個盒太大,所以先好似好多野咁....



分批影啦!首先係 file 同文件袋類.....



雙面玻璃貼紙加之前影漏左既文件袋一個....



Mouse Pad 兩件 + 縮骨遮 + 單行簿一本.....



門簾 + 電腦套 + 防盜眼 + 禮物紙袋兩包 + 老翻 passport 套一個....



白板掛鈎兩件 + 識出 Pekkle 公仔燈及字燈既電風扇一把 + 筆插一個 + 木製膠紙座一個〔加埋係寫字檯用緊既一個,總數係兩個!〕...



因為我覺得好靚,驚你地頭先睇得唔清楚,所以門簾又再出場.... 同場加影兩把正牌手搖扇 + 兩把老翻手搖扇〔只要你將自己對眼對正 Pekkle 太陽超個位... 聲稱仲會兼備黑超功能添!!.〕 + 老翻 Pekkle 大頭餐墊一件〔記憶所及,應該唔只買左一件,不過唔記得其餘既擺左係邊,初初帶呢塊番 office,都係用黎係 office 墊飯食嫁咋!依家 Pekkle 買少見少,已經唔捨得用 lu....〕



除左果兩個木製膠紙座之外,其餘既小型精品,就係擺係其中一個相架吉盒入面既,包括係 office 用緊既杯墊一盒、磁石數個、細 note book 兩本、鉛芯筆 / 原子筆四枝、賀年掛飾一件、八達通卡套兩個、人名牌一個、細禮物紙盒一包、短間尺一把〔弊!影漏左把長間尺添...〕、膠紙一卷、老翻電話繩兩條〔其中一條仲得識發光添〕、正牌電話繩一條、同埋貼紙一包...



再加埋上次我係〝Pekkle 相架編〞出現過既相架,呢 d 就係擺係我個 A3 紙箱入面既 Pekkle collections,其實拎出黎就話都冇咁易,不過放番入去就大大鑊囉!砌左好耐都砌唔番之前個樣,最初仲連蓋都閂唔番添.... 〝  舞〞左我一大輪,d 同事都開始陸陸續續番到 office,搞到我更加急,大汗疊細汗咁,最後夾硬蓋得番個紙箱蓋就拿拿聲推番入檯底,由得佢 lu....


仲有其他擺係 office 既 collections,下回再續!