Friday, August 26, 2011

Pekkle 帆布袋系列

Pekkle 最新既帆布系列,一共有兩款側孭袋、銀包同碎銀包,雖然設計好精美,不過由於知道自己唔會用,所以只係揀左其中兩款用黎收藏!


大款側孭袋,catalogue 就話係手挽袋,但係條肩帶都夠長,其實可以側孭上膊都冇問題!



個袋都幾大,有埋 "風琴位",可惜係袋口只有一粒磁石既設計,冇拉鍊,而袋內都只係有一格小袋仔,並冇任何其他間格,唔係好實用。



呢 d 類似 "fake print" 既設計,都相當 trendy,所以就算印左公仔係上面,大人拎黎用感覺上都唔會太過 "幼稚" 同 "扮細路" 既。



無論係邊個 size 既袋,袋內既產品標籤,都有印左 Pekkle 既 "嘜頭"。



另一款買左既就係碎銀包,見到佢令我唸起之前朋友親自縫製既 Pekkle 口金包包,所以忍唔住買左。



如果呢個包包可以再大個 d,而又唔用米白色、用番 d 襟新少少既顏色既話,我唸我會買多幾個黎用囉!



Wednesday, August 24, 2011

Pekkle 首飾盒連頭型鏡

Grandsmarts〔即係 Trendyland〕都已經好耐冇出過 Pekkle 既產品,對上一次應該係屋型盒高身陶瓷有耳水杯,雖然當時個盒印住係 2009 年既貨,不過都係等到 2010 年先推出,今次呢個首飾盒連鏡都係有呢個情況,盒上印住係 2010 年既產品,不過都係今年先係市面買到,唔知點解咁得意既呢?



紅色既盒,勁 sharp!只有頭部既 Pekkle 造型,其實都可以好得意,先決條件就係唔好將佢變型咪得囉!好似呢款得個頭既 Pekkle 咪幾得!










Pekkle 頭型既鏡,好靚仔呀!至於個櫃桶,其實都冇乜作為,因為都幾細格,不過勝在全個都係木造,開櫃桶既 "把手" 又係 Pekkle 個頭,感覺都好 "實淨",整體上都算唔錯!











鏡既背面都印在 Pekkle 既全名,感覺上唔會咁 "寡"....正!








好鍾意呢款 font,望到呢種 font,好自然就會聯想到『肥嘟嘟、笨笨拙』Pekkle 既可愛樣!








後記:得 blog 友 "幽靈鬼鬼" 嘅提點,發覺 Grandsmart 又將 Pekkle 個全名串錯咗,仍然係衰咗係 "Ahiru" 呢個字上面, Grandsmart 已經唔係第一次衰喺串錯名....

Monday, August 22, 2011

Pekkle 計數機

呢個 Pekkle 計數機比我想像中 "靚仔",而且以公仔款既計數機黎講,功能上都算係相當唔錯,好實用!不過價錢都幾貴,所以正考慮緊買唔買多一部。


計數機以淺藍加淺黃色作主色,連個包裝盒都係淺藍色,好 soft、感覺好舒服!



size 比我想像中大,d 字體同顏色雖然係比較卡通,不過千祈唔好睇少佢喎,以公仔系列既計數機黎講,呢部算係多功能。



計數機背面都印有 Pekkle 全名!



雖然只係用太陽能操作,不過連四捨五入、roundup、整數、小數後留幾個數位等等既功能都有,真係唔可以睇少佢呀!



Pekkle 布筆袋

最初睇 Gift Gate 既 catalogue 時,已經睇中左呢款布筆袋,所以一見到小草上左 blog 話買左,就已經忍唔住去買,只係因為最近比較忙,唯有拖到依家先寫 blog 啦!


類似帆布既質地加上深藍色既主色,感覺好襟用。呢個 size,就算唔係用黎做筆袋,都可以考慮做化妝袋,個人覺得比起之前 Manis 出既化妝袋,更加實用喎!



根據小草所講,彩色繽紛既 Pekkle 原來係 "玩" 緊塗鴉,雖然 Pekkle 個造型同平時就冇分別,不過個塗鴉呢個 "構思" 都幾新鮮喎!抵讚!



連個拉鍊扣都有個 "P" 字,幾細緻喎!



Pekkle 0.5mm 鉛芯筆筆芯

以我記憶所及,Pekkle 應該係第一次出 0.5mm 既鉛芯筆筆芯,雖然個造型係我最唔鍾意既 "變型 Pekkle",不過筆芯既實用、價錢又平、又係 Pekkle 首次出既產品,再加上早前新出既 Pekkle 鉛芯筆係要用 0.5mm 既筆芯... 係咁多 "原因" 之下,又點可以唔買呀?



Pekkle 証件套連掛頸繩

呢款掛頸証件套同之前既 Name Tag 係同一系列既,Pekkle 個頭一樣係可以三百六十度旋轉,分別在於多左個可以伸縮既扣連頸繩。



Pekkle PVC 証件套

唔知點解,Manis 今年出左好多 "變型 Pekkle" 既產品,我個人黎講就唔多受落,所以有幾樣野都冇買到...  而呢款 PVC 証件套既 Pekkle 就更加係不合比例地變哂型,當初睇 catalogue 時,其實都冇唸過會買,不過當見到現貨時,見佢價錢好平,而個顏色又幾靚,結果都係買左...


前幅 -- Pekkle 變哂型,慘不忍睹...



背面既構圖、顏色唔錯,我反而鍾意背面多過正面...



係同一個系列入面,有另一款公仔証件套比 Pekkle 更加吸引我,令我忍唔住都買埋呢款証件套。


其實 Pekkle 同 Tuxedo Sam 都有好多相類似既地方,除左用色之外,肥嘟嘟既身型都好相似,但呢款 Tuxedo Sam 証件套既造型就比 Pekkle 果款好好多,可能係因為用左全身,比例方面會較容易掌握得到,希望佢地會留意多 d 呢方面既問題啦!




 


Pekkle 八達通卡套

第一眼睇到呢款八達通卡套時,已經覺得有種好舒服既感覺,顏色柔和、構圖寫意,所以就算冇用,都買左兩個。