Wednesday, December 30, 2015

7-11 x Sanrio characters Joy to the Word 2015 系列 - 第四週戰績 (23/12/2015 - 29/12/2015)

今個星期儲印花嘅數目同上兩、三個星期相若,只係得 41 個,依家一共儲到 160 個,要再努力啲先得,如果唔係 13/01/2016 開始有 Pekkle 公仔換時,就會唔夠『貨』去換 Pekkle 嫁喇...
 
 

Wednesday, December 23, 2015

7-11 x Sanrio characters Joy to the Word 2015 系列 - 第三週戰績 (16/12/2015 - 22/12/2015)

今個星期,進賬一樣唔係多... @@

由上星期嘅 84 個,到今個星期總數 119,只係加多咗 35 個印花咋...

要繼續努力先得!!


Thursday, December 17, 2015

Manis Winter Catalog 2015 (Vol. 23)

每年聖誕、新年,Manis 同 Gift Gate 都總係會同步出版產品目錄,今年都唔例外。

Manis 唔同 Gift Gate,冇將賀年產品印係附頁,係同主要產品目錄一齊印,一本共 22 頁嘅產品目錄,只有其中兩頁係賀年產品,好似冇 Gift Gate 本 catalogue 咁琳瑯滿目喎...

同樣地,主要精品目錄一樣係冇 Pekkle 份...





賀年產品就係得呢兩頁





原本以為連賀年產品都冇 Pekkle 份,好彩我仲未『老眼昏花』得哂,係云云嘅賀年產品之中,比我見到 Pekkle 個頭呀!

迷你揮春貼紙,真係夠哂迷你,要用放大鏡先睇得到...





zoom 近 d 比大家睇,就會睇到 Pekkle 個頭嫁喇!







雖然 Pekkle 細到要用顯微鏡先睇得到,不過我都會照買,因為已經連續兩年冇推出 Pekkle 賀年產品,唔買對唔住自己、對唔住 Pekkle 呀!

Manis 呢本又係冇 Pekkle 利是封喎,但係我喺征服世界嘅 facebook 又睇到疑似 Pekkle 嘅利是封,絕對唔似係舊貨,但係 Gift Gate 同埋 Manis 又冇介紹喎... 咁究竟係邊間公司推出嘅 Pekkle 利是封呢?唔通係 Trendyland?

Sanrio Gift Gate 2015 Winter & 2016 Lunar New Year catalogue 聖誕及新春產品目錄

最新一期 Gift Gate 聖誕及新春產品目錄又出版咗喇,一本共二十頁嘅產品目錄,再一次,Pekkle 係一款精品都冇份,超級失望呀!





好彩,當我打開附頁嘅 2016 年賀年產品目錄時,天可憐見,終於都見到 Pekkle 嘅蹤影喇!





3D 座枱擺設,唔知實物係咩形狀嘅呢?雖然係大堆頭雜錦公仔,但係實在等 Pekkle 等到頸都長埋,所以如無意外,都應該會買哂兩款...





第一款 3D 座枱擺設 --- 『和氣生財』





第二款 3D 座枱擺設 --- 『皆大歡喜』





新年年畫,雖然都係有兩個款式,不過 Pekkle 只佔其中一款,不過點都好過冇囉...





之前屋企都未試過貼年畫、擺設等等嘅賀歲產品,因為 Pekkle,今年可以搞搞新意思...





利是封唔見有 Pekkle 喎,唔通今年又係冇出 Pekkle 利是封?

Wednesday, December 16, 2015

7-11 x Sanrio characters Joy to the Word 2015 系列 - 第二週戰績 (9/12/2015 - 15/12/2015)

雖然已經日日都去 7-11『巡舖』,但係依然冇乜嘢好買,所以印花數目冇乜大進賬,好失望...

今個星期只係儲到 36 個印花,加埋第一個星期儲落嘅 48 個印花,目前印花總數只係得 84 個...



Wednesday, December 9, 2015

7-11 x Sanrio characters Joy to the Word 2015 系列 - 第一週戰績 (2/12/2015 - 8/12/2015)

唔知係因為冇乜嘢好買,定係因為 Pekkle 出現喺第二期換購活動,所以都唔係太積極,第一個星期只係儲得 48 個印花咋...

唔知點解今次張印花卡可以一次過貼 36 個印花,係為咗環保,定係其他原因呢?因為聽聞今次所有特別版都要用 36 個印花先可以免費換到一隻....冇嘢呀?36 個印花換一個公仔?我寧願『豪』廿蚊比七仔,加錢換一隻冇咁嬲啦!希望呢個傳聞唔係真嫁喇!





12 款印花齊哂,唔知係好彩定唔好彩,印花冇 Pekkle 份喎...





希望下個星期嘅『戰績』會好 d 啦!

Wednesday, December 2, 2015

7-11 x Sanrio Characters - Joy to the Word 2015 系列

7-11 又要我地一班 Sanrio characters fans 幫佢打工喇.... 全新一系列嘅換購又於今日正式開始喇!




今次所有 Sanrio characters 以 Tsum Tsum 咁嘅造型登場,我個人覺得就怪怪地囉...








一如以往,呢次換購活動都係分開兩個階段進行,第一個階段係換購顏色筆,好彩第一階段冇 Pekkle 份,可以儲下彈藥先。第二個階段換購嘅係『動物公仔』,唔知即係乜嚟?不過咩都好啦,有 Pekkle 份,仲可以走得甩咩?唔靚都起碼要換到一個,咁先對得住 Pekkle 啦!





第二個階段嘅『動物公仔』,一共有十二款。





天字九號 - Ahiru No Pekkle

老實講,呢個 Pekkle 個樣都相當醜下,唔知佢扮緊乜,個咀就似隻雞,個頭對角又似隻羊.... 唔知係乜... @@





第二階段嘅『動物公仔』將於 13/01/2016 開始換購,一眾 Pekkle fans,又係時候幫七仔打工喇!

Monday, November 23, 2015

一田購物優惠日 2015 (26/11/2015 - 30/11/2015)

一年兩次嘅一田購物優惠日今個星期四又開始喇!


 
睇哂整份宣傳單張,Pekkle 就只有一款新貨,睇嚟到時都要落場睇吓,執唔執到其他 Pekkle 平嘢先~

原本呢套家居服都唔錯嘅,除咗 Pekkle 之外,仲有齊 Pekkle 嘅女友同朋友,可惜,我個人真係唔太喜歡著過頭笠嘅睡衣,如果呢個 pattern 係開胸款式就好喇,一定會買,依家就會睇咗實物先再決定買唔買囉...


Saturday, November 14, 2015

Sanrio Characters - 日版 A4 單行簿

最近日本又出咗一系列 Sanrio characters 嘅文具,有鉛芯筆、擦膠、筆袋同埋 A4 單行簿,pattern 都係一樣嘅,不過由於係雜錦公仔嘅關係,梗係『親疏有別』嘅,所以 Pekkle 只可以喺筆袋同埋 A4 單行簿中『亮相』。

筆袋要成百幾蚊,只係得一個 Pekkle 喺個筆袋嘅背面,好似唔係好值咁,依家仲考慮緊買唔買好...

而呢本 A4 單行簿咁平,再加上封面封底都有 Pekkle,梗係唔洗唸,即買啦!

封面



封底



zoom 近 d 封面嘅 Pekkle



close up 封底嘅 Pekkle



真正 Made in Japan,$22,抵買喇!



可惜內頁普通咗 d 囉,只係得單行線,完全冇印任何公仔,如果唔係就更加 perfect,貴 d 都買得過!

Thursday, September 24, 2015

全新 2016 年 Pekkle 月曆產品

又係推出 2016 年年曆、月曆、記事簿嘅時候喇,好彩 Pekkle 來年將維持有座檯月曆、迷你掛曆同埋 Date book。Pekkle 嘅產品明顯已經買少見少,出年仲可以維持到有三款年曆產品,都算叫有交代啦!

座檯月曆

封面



封底



一月份 - Pekkle 學人溜冰,結果跌到死死下... ^^



二月份 - 走唔甩,梗係農曆新年啦!Pekkle 個口仲乜有一撻紅色?唔通係食緊 Pekkle 自己揸喺手入面嘅『冰糖葫蘆』?



三月份 - 唔知仲乜,Pekkle 無啦啦變咗 bb,仲要係咬住奶咀嘅 Pekkle 喎!Pekkle 明明都已經廿幾歲啦,大個仔喇嘛,仲要咬奶咀?@@

 

四月份 - 郊遊樂,仲要帶埋隻樹熊去野餐添喎,雖然 Pekkle 係嚟自澳洲,但係 Pekkle 身邊好似從來都冇樹熊出現嫁喎....

 

五月份 - 咁忙碌煮飯嘅?唔通係準備緊母親節餐飯?

 

六月份 - 下雨天?依家天氣反常,六月嘅香港都唔見得好多雨水...

 

七月份 - 同 Ruby 撐檯腳、食西瓜、飲凍飲,好開心咁喎...

 

八月份 - 大熱天時,梗係碧波暢泳啦!



九月份 - 一年容易又中秋...

 

十月份 - 梗係萬聖節啦!

 

十一月份 - 秋天,黃葉落~

 

十二月份 - 普天同慶聖誕節!

 

告示牌 - 放假中

 

告示牌 - 忙碌中

 

當然唔少得嘅梗係一整頁嘅貼紙啦!我真係有用嫁,唔好嘥嘛... ^^

 

2016 年 Date book,水手造型,呢種藍色同呢款字體幾靚,我就好鍾意喇!而 Date book 內頁每個月嘅主題係同座檯月曆一樣,所以唔再影喇!

Date book 封面



Date book 封底



迷你掛曆,同以前一樣,呢款掛曆,既可以座檯,亦都附有磁石,可以『貼』喺鐵櫃、雪櫃門上。三種用法,悉隨尊便。



迷你掛曆每個月嘅主題同座檯月曆又係一樣嫁,所以唔多作介紹喇!



細心睇下迷你掛曆個封面,Pekkle 似唔似喺度 selfie 梗呢?



2016 年嘅月曆產品設計上,整體都幾滿意,只係以下呢幅 Pekkle 嘅造型好似怪怪咁囉,望埋去好有『老翻』feel 呀... @@



仲有呢個 Pekkle『晴天公仔』個樣好詭異呀... 人地嘅『晴天公仔』係好可愛嫁嘛,呢個有少少恐怖囉...



下一輪就係熱切期待 2016 年農曆新年會有 Pekkle 新嘅賀年產品推出!