Saturday, June 26, 2010

Sanrio 50 週年精品

冇 Sanrio 呢個 "阿媽",又點會有 Sanrio Puroland 呢個 "仔" 呢?所以講完日本 Sanrio Puroland 20 週年紀念品,就梗係輪到 Sanrio 50 週年紀念品啦!


又係果句,係好耐之前睇完龍頭 Vi 既 blog 之後,都知為左慶祝 50 週年紀念,Sanrio 又會出一系列精品,分別在於呢批貨係 "美版" 而唔係 "日版" 囉!早兩個星期,佢地已經 "靜悄悄" 咁番左貨喇!我呢個 "後知後覺" 既人,又執輸左! 盡左個幾星期既努力,都只係買到以下既精品....


由左至右:Pekkle 頭型銀包、襟章、Pekkle 頭型 memo pad



背面



唔好誤會,呢個 Sanrio 50 週年既袋冇得買,係日本 Gift Gate 買野時既購物袋,又有 Pekkle 份,當然唔會放過啦!



zoom 近 d....



其實都仲有好幾樣 products 嫁,不過真係盡左力都搵唔到....


特別鳴謝:以下相片轉載自龍頭 Vi 既 blog,多謝!


貼紙



不倒翁原子印



鎖匙套



手掌般大細既公仔〔呢樣係唯一一樣比較易買到既精品,好多精品店依家仲有貨,以我估計,可能呢樣產品係可以分開公仔黎訂貨,所以 Pekkle 既貨源就比較充足卦?〕



如果大家心水清既話,睇到上面既 catalogue,都應該知道佢地今次個 packing 好奇怪,唔同既 characters 會 group 埋係同一個 carton box,結果每款公仔都只有三至四件。而當精品店每訂一盒時,就要有埋其他 characters 係入面,始終有 d 公仔係比較滯銷,所以精品店為左減低成本,好多都只係訂兩、三盒,而又由於 Pekkle 非常暢銷〔因為我見好多精品店連 "大家姐" Hello Kitty 既貨都未賣哂,反而 Pekkle 既都已經賣哂!!〕,所以今次呢批精品都應該非常難買得齊,祝各位 Pekkle fans 好運,可以買得齊啦,我自已都會繼續努力嫁!!


Sanrio Puroland 20 週年精品

好耐之前睇龍頭 Vi 既 blog ,都知日本 Sanrio Puroland 為慶祝開幕 20 週年出左 d 精品,當時錯過左個機會,去到旺角時都已經賣哂,到佢第二輪番貨時,又只係剩番部分貨品買唔齊... 好彩上個星期家姐去日本玩,托佢買左 d 20 週年精品番黎,總算買到大部份精品番黎啦!


三款 folders 加 memo pad....


一向都傾向唔儲公仔既我,終於都買左佢番黎喇!因為實在太平喇,係香港要賣成 $300 一隻,係 Sanrio Puroland 只係要 2,100 日元咋! 你睇 Pekkle 佢幾 "梳乎",繞哂腳咁坐係 sofa 度 "嘆世界!



佢地終於都可以 "三代同堂" 喇!中間 "P" 仔係 2005年出既第一代,右手邊既 "A" 仔係 2008 年出既第二代,而左手邊就係今年出既第三代喇!全部都係 Sanrio Puroland 既出品,正式由日本 "移民" 黎香港嫁!



呢 d 就係今次係日本 Sanrio Puroland 買番黎既....



估唔到呢條幾年前既 Pekkle 電話繩都仲有得賣,仲要係 Sanrio Puroland 入面買到!我家姐唔知我已經有,所以都照買左番黎比我,細細件唔阻地方,真係 "多多益菩" 囉!



呢 d 就係之前係旺角買既 20 週年精品.... 價錢比日本買既.... 真係可以差成倍咁滯...



如果之前有係旺角買呢批 Sanrio Puroland 20 週年精品既 fans,都應該知道佢地既購物袋換左 pattern,初時旺角只係比左個細袋我,見 Pekkle 冇份時都相當失望,不過原來大 size 既購物袋係有 Pekkle 嫁!即刻開心哂!


右手邊個細袋係旺角買野時送既,左手邊大果個就係日本買野時比既!其實係一樣 pattern,不過就係因為細袋個 size 細左,所以岩岩就係 cut 走左係左上角既 Pekkle....




zoom 近比大家睇清楚 d...


雖然都係買唔齊所有 Pekkle 有份既 20 週年精品,不過慳番咁多,都已經好開心、好滿足嫁喇!


Thursday, June 24, 2010

Pekkle 2010 雨具

Pekkle 雨具趕得切係雨季來臨之前面世,真係時間較得岩岩好!因為有 "手腳不協調症" 既我,最近又唔小心整爛左已經絕左版既 2007 年 Pekkle 直遮喇!


同一個 pattern 出齊直遮同縮骨遮,冇乜誠意咁喎....



雖然話就話冇乜誠意,不過個 pattern 都 ok 嫁!Pekkle 好似同緊佢 d best friend 魚仔係度玩緊 bubbles 咁,幾 cute....



直遮遮柄... 個名前面都有 bubbles 嫁....



縮骨遮遮柄,老馮都係得 Pekkle 既大頭樣....



除左個遮柄之外,兩把遮既分別仲有大細之分,直遮長 60 cm,而縮骨遮長 55cm,所以直遮係比較大把.... 而顏色方面,其實都有少少唔同,可能我部相機質素比較差,影唔出個分別,所以冇 post 到出黎,肉眼所見,直遮係帶紫既藍色,而縮骨遮就係天藍色既。


買左番黎結果都係唔捨得用,呢幾日落雨都係用番 d 舊遮,睇黎都係要等遲 d 我買多套用黎儲之後,先捨得開新遮用 lu...


Pekkle 2010 年新品

其實呢 d Pekkle 精品都出左一段時間嫁喇.... 不過買左之後又唔得閒影相,到得閒影左相時,又唔得閒 load 上 blog,load 左上 blog 之後又冇乜心機寫 blog.... 待一切妥當之後,都已經相隔左一段日子,所以都 out out 地,不過鍾意 Pekkle 既人,應該都覺得冇所謂既!


紙扇,之前 Pekkle 出過電風扇、膠扇,呢 d 紙既摺扇好似都係第一次,雖然冇乜用〔因為試過係冷氣地方撥就 ok,係室外地方撥極都唔多夠涼快,同 "太陽能電筒" 既功能相若... 〕,不過勝在又平又靚,純粹當係 Pekkle 藏品之一都值得啦...



水手 look Pekkle,掂....



買既時候太匆忙,加上封哂口 check 唔到既關係,番到黎打開先見到條邊位係印到甩甩地色,真係蝕!



眼鏡布,印象之中,亦都係第一次出!呢個質地唔錯,所以就算未用過唔知抺得乾唔乾淨,都令到我呢個視力正常、根本唔洗戴眼鏡既人,忍唔住買左三塊....



其實都唔係一定要用黎抺眼鏡既,抺其他野都得既,不過 Pekkle 咁靚仔,又點捨得拎黎抺野,整污糟佢呀?