Thursday, May 23, 2013

日本 Sanrio 2013 年最受歡迎卡通人物選舉


一年一度嘅日本 Sanrio 最受歡迎卡通人物選舉又嚟喇!

自從上次追住個排位走勢,眼見 Pekkle 明明由最高嘅第十三位,跌到最終結果嘅第二十六位之後,我就講咗唔會再參與呢個咁『黑箱作業』嘅投票,但係... 見到 Pekkle 個樣,始終都係忍唔住每日都會上
官方網站投 Pekkle 神聖嘅一票!

雖然細隻咗少少,不過坐係中間架車、中間位置,可以講話係成張 poster 嘅中心人物,無理由咁都睇佢唔到卦?




入到網站,各卡通人物以兩個分類排位,其中一項係以上年嘅排名位置順序排列,所以 Pekkle 嘅候選編號係 26...




而另外一個就係以名字排序..... Pekkle 係 A 字頭,當然係排第一位喇!





揀咗 Pekkle 之後,就會入咗呢個畫面,都有 Pekkle 嘅簡介嫁...

 



投票方法同上年一樣,要提供電郵地址、年齡、性別同埋地區...





如果按下 "Profile" 嘅 button,就會去番日本 Sanrio 官方網嘅人物介紹篇...





開始投票日為 5 月 10 日,截止時間為 7 月 7 日晚上 11:59。而今年只會有一次中期報告係 6 月 7 日,希望今次唔會再好似上年咁『黑箱作業』啦!。





Pekkle fans 記住每日都要去投 Pekkle 神聖嘅一票喇!

一田購物優惠日〔23/5/2013 - 27/5/2013〕



一年兩次嘅一田購物優惠日,聽日就會舉行,由於早前睇咗宣傳單張,唔見今次購物優惠日有
Pekkle 新貨推出,再加上最近事忙,所以一路都冇唸過要寫 blog 記低呢個一年兩次嘅『盛事』但當我今日食 lunch 時行經一田,無意之中又比我發現,原來 Pekkle 都有一件新貨做促銷喎





其實對上一次一田購物優惠日,Pekkle 都有同類嘅貨品促銷,不過今次就加咗一款新設計,而宣傳單張右上角嘅小圖都印有呢款新設計,只因為幅圖實在印得太細、太矇,所以當時並冇為意係 Pekkle,直至今日見到售貨員 set 貨架為聽日嘅購物日作最後準備時,先『發現』到呢款新貨。




今次呢款 boxer 用嘅係粉藍色,取代咗上次選用嘅深藍色,而設計亦由上次『西裝骨骨』嘅 Pekkle 個人造型,換上咗最近『好紅』嘅 Pekkle Ruby 呢對小情人嘅款式,而促銷價就同上次一樣,即係 $119 $109 一條〕,喜歡 Pekkle & Ruby 雙雙對對造型嘅 fans,千祈唔好錯過喇!

Saturday, May 11, 2013

草莓雜誌 - 2013 年 6 月號



最新一期嘅草莓雜誌主題都係推廣 2013 年 Sanrio 最愛歡迎卡通人物選舉,雖然今期贈品冇 Pekkle 份,不過封面同大間大頁都有 Pekkle 份,仲要係幾 sharp 下添,所以都係忍唔住要帶本雜誌番屋企!

封面




zoom 近 d 先~





中間大頁





再 zoom 近中間位置嘅 Pekkle





內文仲有所有候選人嘅拉票宣言

上年排第 26 位嘅 Pekkle,佢嘅競選宣言竟然係『如果我今年入選頭二十位內,我就會用我嘅鴨咀錫你一啖』... 咁多人投 Pekkle 一票,咁佢咪要錫好多人... 做乜咁濫嫁...





因應呢次選舉,Sanrio 推出咗一系列紀念產品,包括...

手提包、三卷裝膠紙、印章





迷你口金包包吊飾、便條紙、貼紙






毛公仔〔有 Pekkle 份嫁!〕、膠布、迷你擦膠粒、日式瓷杯。


Sunday, May 5, 2013

全城 "趕" 鴨潮 - 黃色巨鴨 Rubber Duck

呢期有邊個香港人未聽過呢隻黃色巨鴨 Rubber Duck?我都係香港人,當然都抗拒唔到呢隻可愛黃鴨鴨嘅吸引力啦~



zoom 近少少,喺 IFC、中銀大廈、同埋渡海小輪襯托之下,呢隻鴨鴨係唔係好有 "香港特色" 呢?

原本唸住去地面同 d 小鴨鴨影相,可惜當時嘅遊人實在太多,舉步維艱,連想行落一級樓梯都行唔到呀!

喺樓梯頂影落去,人潮密密麻麻咁,感覺上比睇聖誕燈飾嘅人潮仲要多...  眼利嘅人,大概都可以係人潮之中,睇到點點黃色,嗰度就係小鴨鴨嘅位置,可惜只係望得到、去唔到...



雖然唔可以近距離咁同小鴨鴨影相係有 D 可惜,不過可以清楚咁影到黃巨鴨,都已經好滿足嫁喇~~