Sunday, July 12, 2009

Pekkle 上鍊公仔

當知道 Pekklebaby 係旺角買到呢隻 Pekkle 上鍊公仔之後,已經四出行勻旺角既精品店,除左信和中心一間索取 "天價" 既精品店之外,其餘既店舖都係得番其他公仔,搵唔到 Pekkle 既蹤影。係打定輸數既情況底下,幸得 blog 友蕃薯鴨提點,終於都買到喇!


老實講,我覺得呢隻 Pekkle 既造型係相當地 "樣衰" ,不過可能係識行識走既 Pekkle 比較少有既關係,又可能係呢期 Pekkle 喪出新 products,係盲目搜購既高漲情緒影響底下,結果都係買左番黎...



既然都去開九龍東,又醒起之前蕃薯鴨係瑞和街買到好平既 Pekkle 紙公文袋,所以就走多轉落到去瑞和街搜尋 Pekkle 紙公文袋,可惜去到文具店時,老闆話已經賣哂,只餘下其他幾款 Sanrio 公仔既紙公文袋,不過一場黎到,無理由空手而回,所以就帶左呢 d 已經一早買過既 Pekkle products 番屋企 lu...


九十年代產物,歷史太悠久,根本都已經唔記得左自己當年係買左幾多錢,所以都唔知今次算係趁低吸納 "溝貨",定係高價購入....



Friday, July 10, 2009

Pekkle 轆轆印筆套

前日係龍頭 Vi 既 blog 睇到 Pekkle 又番左新貨,話就話係 Daniel & Co. 做代理,不過就連佢旗下既 Gift Gate 貨量都唔多,而係搵 Pekkle 既過程中,仲發生左一段小插曲...


事緣行左兩間同打左電話去幾間 Gift Gate 搵貨,都係唔見 Pekkle 蹤影,終於都忍唔住打電話去 Daniel & Co. 問,接電話既人唔知係唔以前做開 "政治部",整個問貨過程都答得小小心心咁,好似好驚訝我點會知佢公司同 Gift Gate 有關係一樣,仲要傾唔夠兩分鐘就 cut 左我線添.....  


其實我打去既原意只係想問知唔知邊間 Gift Gate 仲有存貨,唔洗我逐間試姐!我又唔係商業間諜,都知仲乜咁 "高度戒備" 囉?今時今日,咁既服務態度真係唔要得啦....


言歸正傳,係比人咁樣 "對待" 之後,已經打定輸數會買唔到呢樣 Pekkle products,奈何又心有不甘,就同自己講:比一次機會自己、比一次機會 Pekkle,落旺角行一轉,有就有、冇就算!唔會再做傻婆咁周圍搵... 一切隨緣!


就係咁,今日冒住三十六度以上既高溫,隨時會中暑既危機,仲有比腐蝕性液體毀容之威脅,再加埋犧牲唔食飯、利用左 lunch hour 果一個鐘頭時間既情況底下,極速落左去旺角尋鴨.... 可能連個天都比我呢份誠意打動左,所以... 所以.... 我買到喇!不枉我作出咁大既 "犧牲" 呀!


原來呢個就係原裝盒喇!係 Gift Gate 搵貨時,只見佢地將 d 筆套放哂係一個高身既膠盒入面,都幾難拎....  我就覺得咁樣原裝成盒擺又整齊、又方便拎,仲會吸引顧客既視線添!都唔明佢地點唸...



因為唸住留番 d 機會比其他 Pekkle fans 都可以買到既關係,我好唔情願咁忍手冇掃哂 d 貨,只係買左兩個咋!想買既 Pekkle blog 友,係我都唔肯定間舖仲有冇存貨既情況之下,買唔買到盒入面僅存果兩個 Pekkle 轆轆印筆套,就要睇你地自己既造化啦!



大家睇唔睇到呀?個 label 係寫到明 "Distributed by : Daniel & Co. " 嫁,仲印埋電話號碼添!唔明接電話個姐姐咁驚仲乜囉....



入完貨,立時以九秒九速度 "打道回府",途經新世紀廣場,見到 Transformers 既展品,見仲有少少時間剩,既然都唔夠用黎食餐飯,就貪得意影幫佢地影左幾張相...


之前睇報紙好似話呢個 "柯柏文" 係 1:1 既 size 黎嫁喎!睇實物,有 d 失望囉!並冇想像中攝人既氣勢同震撼感,只係一般而已...



唔見 "Bumblebee",呢兩個完全唔記得叫乜名,在場又冇簡介...



雖然今日犧牲左一個鐘頭既時間、冇食一餐飯,再加上流唔盡咁多既汗水,不過換黎既收穫,我覺得都值得喎!


Wednesday, July 8, 2009

皇天不負有心人

早前鴨會龍頭雪藍通知大家 Pekkle 出左 "混貨三寶",自此各 Pekkle fans 就疲於奔命,四出搜尋呢三寶,so far 都只係見過 Pekklebaby可以搵得齊三寶,係自己同好友通力合作之下,終於係日前都買齊呢次既 "Pekkle 煎釀三寶" lu...


首先到手既係呢粒〝書形擦膠〞,其實最初只係買到一粒,過左幾日之後,再係另外一間精品店買埋店內最後兩粒,結果一共買到三粒,所以先捨得拆開黎睇,好開心呀!



用 Pekkle 短尺比對一下,好等大家有個概念知道呢粒擦膠大概係咩 size...



拆開包裝,我覺得好靚呀!擦膠以藍及白色做主色,真係整到成本書咁既形狀,就算連封套背面既 Pekkle 頭都好 cute...



呢個印仔就係第二樣買到手既三寶,一樣咁靚!



冇乜技巧,所以印出黎既效果係差左少少,不過唔緊要啦!都係志在比大家睇下個印仔印出黎既咩公仔樣既姐....



呢樣就係最後一樣到手既三寶。由雪藍通知計起,已經行左好多地方,都係冇辦法買得到,其實都見到有間精品店有得賣呢款衫仔 memo pad,可惜偏偏就係賣哂 Pekkle 呢款!!係打定輸數既情況底下,全靠我既好同事兼朋友仔,佢知道我四出搵緊呢本 memo pad,所以都有幫我留意,就係咁佢竟然幫我搵得到,仲要係兩本咁多添!收到實物,覺得比起係網誌睇到仲要得意,原本唸住可以一本儲、一本拆開黎睇,結果都因為太 "靚仔" 所以係唔捨得拆...



Saturday, July 4, 2009

Pekkle MP3 機 - 第一彈

望穿秋水, Pekkle MP3 機終於都可以係七、一回歸紀念日呢個日子,『回歸』番黎我到喇! 雖然大部份 blog 友一早都已經將呢部 Pekkle MP3 機 post 左上 blog,不過為左要感謝 "鴨會龍頭" 雪藍為我地一班 Pekkle fans 所作出既 "貢獻",我都係要寫番篇 blog 黎 "表揚" 下佢!


我至愛既黑色,成部 MP3 機即刻 grand 哂!



咁樣睇,似個相架多過似部 MP3...



前、後都係又 sharp 又醒目既靚爆 Pekkle 圖案!



係呢度,真係要衷心多謝雪藍!!如果唔係佢,我地一班 Pekkle fans 邊有可能擁有咁靚靚既 Pekkle MP3 機呢?當佢發現可以訂製 Pekkle MP3 機時,佢唔單只無私咁同大家分享,仲要完全不問回報咁由聯絡、討價還價、揀圖、收集訂單、訂貨、查版、提貨、驗貨、分發等等,一切一切既繁重又瑣碎既工作都包係佢自己身上!而且我相信雪藍對大部份有訂貨既 Pekkle blog 友,係連樣都未見過、聲都未聽過,甚至乎係男係女、係瘦係肥都唔知既情況底下,就已經分亳不收咁幫我地做左咁多野!都唔知應該點多謝佢好!我可以做既,就係寫呢篇 blog 黎表揚佢,以示我對佢既謝意。


在此,再同雪藍講聲:多謝哂你呀!