Pekkle MP3 機 - 第一彈

望穿秋水， Pekkle MP3 機終於都可以係七、一回歸紀念日呢個日子，『回歸』番黎我到喇！ 雖然大部份 blog 友一早都已經將呢部 Pekkle MP3 機 post 左上 blog，不過為左要感謝 "鴨會龍頭" 雪藍為我地一班 Pekkle fans 所作出既 "貢獻"，我都係要寫番篇 blog 黎 "表揚" 下佢！

我至愛既黑色，成部 MP3 機即刻 grand 哂！

咁樣睇，似個相架多過似部 MP3...

前、後都係又 sharp 又醒目既靚爆 Pekkle 圖案！

係呢度，真係要衷心多謝雪藍！！如果唔係佢，我地一班 Pekkle fans 邊有可能擁有咁靚靚既 Pekkle MP3 機呢？當佢發現可以訂製 Pekkle MP3 機時，佢唔單只無私咁同大家分享，仲要完全不問回報咁由聯絡、討價還價、揀圖、收集訂單、訂貨、查版、提貨、驗貨、分發等等，一切一切既繁重又瑣碎既工作都包係佢自己身上！而且我相信雪藍對大部份有訂貨既 Pekkle blog 友，係連樣都未見過、聲都未聽過，甚至乎係男係女、係瘦係肥都唔知既情況底下，就已經分亳不收咁幫我地做左咁多野！都唔知應該點多謝佢好！我可以做既，就係寫呢篇 blog 黎表揚佢，以示我對佢既謝意。

在此，再同雪藍講聲：多謝哂你呀！