Wednesday, December 31, 2014

Manis 2014 聖誕及 2015 新年 catalogue

兩大公司,每次都總係會鬥個『你死我活』,Gift Gate 出咗 catalogue,又點會少得 Manis 呃?

Manis 嘅 catalogue 都印製得好有心機,不過最重要嘅梗係有 Pekkle 份啦!




雖然只係什錦公仔,但係都好過冇啦,不過呢張地毯嘅呎吋怪怪地咁,又長又窄,唔知點擺先啱呢?



除咗地毯,仲有賀年產品喎,產品雖然唔多,而且多數仲要係什錦公仔款,但都算係好難得喇!



catalogue 嘅款式其實都唔齊,仲有另外嘅款式,其實我都已經入咗貨,下篇再作詳細介紹啦!= )

Gift Gate 2014 聖誕及 2015 新年 catalogue

今次本 catalogue 印刷得好精美,可惜由頭搵到底,再由底睇番上前,都係冇一樣 Pekkle 嘅新產品呀!




Kitty fans 見到呢份 catalogue 一定好開心啦!因為隨 catalogue 附上賀年產品推介,靚到可以當揮春貼...


可惜嘅係,連賀年產品都一樣係冇 Pekkle 份... =-=


Pekkle 睡衣

實在係太耐冇寫 blog 喇,雖然依家既工作量確係比以前多咗好多,再加上 Pekkle 都已經冇乜新貨推出,冇乜嘢可以 update,不過呢 d 都只係藉口,其實最主要都係因為懶囉... =P

所以我之前已經同自己講咗,喺 2014 年完結之前,我一定要 update 下呢個 Pekkle blog,先對得住 Pekkle 嫁嘛...

買咗都有一段時間既 Pekkle 睡衣,可能有好多 Pekkle fans 都已經見過,甚至已經著緊添,不過唔緊要啦,有心唔怕遲呃嘛....




個 pattern 好靚呀!仲要係開胸唔係過頭笠,一見到都已經忍唔住手要買!





我買嘅時候已經做緊八折,但係早幾日我再去 Aeon 時,發覺個價錢已經再調低到七折... 我都仲未開就已經貶值咗 10%....

Sunday, October 19, 2014

草莓雜誌 - 2014 年 11 月號

因為買咗上期草莓雜誌嘅關係,所以一早都已經知道今期會送 D 咩嘢贈品,雖然贈品幅圖好細張,但係只要有 Pekkle 嘅影蹤,我又點會錯過?所以今個月好早就已經打咗電話去征服訂書,不過唔知咩原因,今期草莓雜誌比平時遲咗番,所以我都要等到今日先拎到本雜誌...

咁難得有 Pekkle 份,所以一次過就訂咗兩本!






今期贈品係透明拉鍊袋...





個袋仔其實唔係好大個,唔知裝到 D 乜,而且膠製品擺得耐好易會氧化而裂開、易爛,不過有 Pekkle 份喎,又點可以唔捧場呀?

意外收鑊 --- 以為只係得個贈品有 Pekkle 啦,原來中間大頁都有 Pekkle 份喎,心水清嘅 Pekkle fans,唔知你地搵唔搵到 Pekkle 出嚟呢?



肥鴨 pat pat 咁易認,唔會認唔出卦?^_^


Tuesday, October 7, 2014

Pekkle 2015 年年曆產品

眨下眼咁快又一年喇.... 2015 年 Pekkle 嘅座檯月曆、掛曆同埋 date book 都已經推出哂喇。呢 d 有時間性嘅產品,我依然係只會每款買一件,因為每年嘅年尾到第二年年頭嘅時間,呢 d 賣唔出嘅年曆、月曆,就會割價傾銷,如果有須要作收藏之用嘅話,留待到時先再買都未遲... ^_^

〔一〕座檯月曆






〔二〕小掛曆,一如以往,呢個小掛曆係有三種『功能』,既可以掛牆,亦都可以座檯,更附有磁石,可供貼喺雪櫃、鐵櫃嘅之用。





〔三〕Date book





好可惜今年 Pekkle 冇再出大嘅掛曆,睇嚟喺寫字樓同埋屋企預留嚟掛 Pekkle 大月曆嘅鈎,都係時候拆番落嚟喇!: (

Pekkle 最新秋冬家居服系列

呢篇純粹係報料,因為呢套家居服我自己都未買,如無意外,亦都唔打算買... 可能要等到換季清貨大減價時,先會考慮下入唔入貨囉!=D

長袖睡裙款式:直身及膝長裙,條睡裙可以係話藍色嘅,直至去到大腿裙擺位置就係鮮紅色嘅。


長袖衫、長衭睡衣款式:上身係全藍色 t-shirt 款,下身襯鮮紅色淨色長衭。


暫時 Aeon 都做緊推廣,照價有九折優惠,不過唔知做到幾時,有興趣嘅就快手入貨喇~

Sanrio characters 日版便條貼

Sanrio 人強馬壯,所以便條貼嘅款式一共有三款,先可以『容納』得哂唔同嘅卡通人物... 由於卡通人物眾多,所以每位卡通人物嘅便條貼都細得可憐,基本上只可用作收藏,唔係太實用囉... =P

便條貼雖然有三個款式,不過我當然就只係會買有 Pekkle 嗰款啦!^_^



其實呢款便條貼都幾精美嫁,色彩繽紛,便條貼係呈半透明嘅塑膠質地,應該都幾耐用嘅,可惜除咗個別卡通人物係比較大張之外,大部份嘅便條貼實在係太細張喇,起唔到便條貼作為 『標示』嘅作用囉,而且咁細張,我相信都好易會甩...






Sanrio characters 日版貼紙

貼紙一共有三個款式,其中只有兩款係有 Pekkle 份,同之前介紹過嘅 plastic folder & memo pad 係一個系列嘅產物,所以設計款式都係大同小異嘅。

兩款貼紙都係每包一式兩份,一個價錢有兩張貼紙,抵呀~












就連貼紙都係 Made in Japan 嫁!正~







Sanrio characters 日版 A5 memo pad

呢款約為 A5 size 嘅 memo pad,同之前介紹過嘅 plastic folder 係同一個系列,不過呢款 memo pad 就只有兩個款式,當中亦只有一款係有 Pekkle 份...



memo pad 嘅正面,同之前介紹紅色透明 plastic folder 係同一款設計。



memo pad 嘅背面,呢個設計就同上一篇介紹嗰個白色 plastic folder 個構圖係一樣嘅。二合為一,唔怪之得 folder 有三款,memo pad 又只有兩款啦!



zoom 近 d Pekkle 比大家睇清楚~



memo pad 內頁一共有四款設計...

設計〔一〕,全頁...



設計〔一〕,Pekkle 大特寫...



設計〔二〕,全頁...



設計〔三〕,全頁...



設計〔三〕,Pekkle 大特寫...



設計〔四〕,全頁...



設計〔四〕,Pekkle 大特寫...



好難得又係一樣真正 Made in Japan 嘅精品~