Saturday, December 31, 2011

Pekkle 陶瓷有耳杯連鐵罐


呢個杯既造型 ok,不過個杯本身既款就唔多 ok... 好彩係襯住個靚靚既鐵罐,即刻值回票價!


 







個杯既 size 同埋拎杯既耳仔位都有 d 奇怪咁...






Pekkle 有耳玻璃水杯



個人覺得,呢個有耳玻璃水杯係近期水準之作!





我覺得連個紙盒都好靚呀!





帶住 bow tie、著住工人褲既 Pekkle 造型,係唔係好可愛呢?





其實最近 Pekkle 都出左好幾款杯,不過大多數係陶瓷杯,所以呢個玻璃水杯當然就可以『突圍而出』,當然本身既設計都確係好靚,抵讚!







 連水杯既底部都印埋 Pekkle 個嘜頭嫁!好特別呀~





不過,唔知大家有冇留意到,呢個超靚既水杯,竟然係有一個不可原諒既『過失』..... 就係印錯左 Pekkle 個全名呀!!>_<

Manis 已經唔係第一間串錯 Pekkle 個名既公司,係 2003 年 Trendyland 都一樣串錯過,仲要推出
一系列錯體既精品,都係用錯既名... 乜 Pekkle 個名真係咁難記咩?~_~

依家鄭重同各大 licensee 講句,Pekkle 既全名係『AHIRU NO PEKKLE』呀!唔該!!

Pekkle 眼鏡盒〔大〕


冇視力問題既我,又唔知仲乜買埋呢個眼鏡盒,唯一用途就係用黎裝 3D 眼鏡囉!





我都係覺得眼鏡位底部既 pattern 比盒面果個仲靚... 唔知點解會放係底部...

盒面




盒底



雖然對我黎講冇實際用途,但係我依家已經等緊佢推出細 size〔左下位置〕 既眼鏡盒,可能係因為我比較喜歡深藍色卦...




Pekkle 鬧鐘


最新款既 Pekkle 鬧鐘





其實鬧鐘既 pattern 同顏色其實都幾好,但係唔知點解個 size 會搞到好 bulky 咁...





睇下鬧鐘既側面就大概知道個鐘有幾『肥大』...




睇埋個背面,可以更加立體咁感受下個鬧鐘有幾『笨重』...





Tuesday, December 13, 2011

Pekkle 2012 年賀年揮春

可能一月尾就係龍年既關係,所以聖誕節都未到,賀年揮春就已經搶先出籠...

今年 Gift Gate 新推出既揮春共有三款

〔一〕通花揮春,最精美亦都係最貴既一款。






〔二〕荾形揮春,肥嘟嘟既 Pekkle 著起唐裝,戴起 bob 帽好有新年氣氛、好得意。





〔三〕直身揮春,第一次現身賀年用品既 Ruby 呀!係唔係代表著 Pekkle 同 Ruby 『好事近』呢?



Gift Gate 將今年既賀年用品夾雜左好多舊年既擺埋一齊,有『漁目混珠』既感覺,大家要小心,唔好買錯左舊貨喇... 不過,其實都有少少『貼士』作為參考,以防大家會買錯野,今年既賀年揮春係有顏色既,而舊年既揮春全部都係熨金既...

Pekkle 抺手布

上年差不多時候推出 Pekkle 第一款既正版抺手布,唔知係唔係佢地知道事隔已經一年,抺手布都應該洗得殘殘舊舊,所以都係時候要換新既款式呢?

今年呢款抺手布既 backdrop 全部係 Pekkle,好靚嫁!不過美中不足既地方就係白色... 實在係好唔襟污糟囉...




同以往一樣,都係一 set 兩條毛巾,方便替換....




今年個抺手巾頭係 Pekkle 自己,而唔係魚仔 Pichi lu... 今次呢款公仔希望唔會好似上年魚仔 Pichi 咁,一放入洗衣機洗,Pichi 既眼耳口鼻統統都被洗衣機『強大』既『攪拌』功能洗甩哂...



 




 

Thursday, December 8, 2011

Sanrio 卡通人物啤牌

無意中係 Gift Gate 見到既產物,應該係正牌日本貨〔雖然都係中國製造〕,Pekkle 既日貨已經買少見少,咁難得有 Pekkle 份,點可以錯過呀?


初初佢就咁擺係貨架上,因為有張 product sticker 遮住左,所以我係完全唔為意有 Pekkle...





行左第二圈睇緊有咩可以買時,終於都發現『匿埋』係角落既 Pekkle... 雖然價錢就貴左少少,不過難得有日版 Pekkle 嘛,所以結果都係買左落黎...






大家見唔見到 Pekkle 呀?『蚊滋』咁細隻既 Pekkle,好彩企左係大家姐 Hello Kitty 隔離,都總算有交代啦!





zoom 近 d 比大家睇清楚...





裝啤牌既鐵盒同啤牌底部都係同一款 pattern... 即係話,每一張牌都會有 Pekkle 份嫁!





其實最初我係比呢張 Kerokerokeroppi 啤牌右上角既『迷你』Pekkle 吸引到,拎上手之後,反轉個盒先睇到原來個鐵盒同埋張啤牌上面都印有 Pekkle!





唔計兩張 joker,啤牌得四款卡通人物做主角,再係每款啤牌上襯多六個其他公仔既『迷你版』...  有幸 Pekkle 都係『迷你版』既其中一員!所以 Pekkle 出現次數都唔少,當堂覺得抵番哂!

  

 




要大家姐 Hello Kitty『讓位』比 Pekkle 坐正就冇乜可能嫁喇,不過,如果可以將 Kerokerokeroppi 同 Pekkle 個位置調轉,咁就更加完美喇!!