Pekkle 孖裝飯碗套裝

前幾日收到 Pekkle blog 友可愛小 win win 既消息，知道 Pekkle 出左另外一套孖裝飯碗，即刻周圍去搵啦，今日終於都比我搵到喇！原來呢套孖裝飯碗係 Gift Gate 既產品，唔怪之得前幾日係 Manis 搵極都搵唔到啦！


終於都推出『以人為本』既碗筷喇！今次呢套碗似番一個普通 size 既飯碗，只係略略闊口左 d，不過因為個碗唔算深，足以彌補到個碗口略闊既問題，可以接受啦！呢 d 先叫實用嫁嘛！

呢套碗既 pattern 我好鍾意，又有飛機、又有降落傘，全個以粉藍色為主色，比一種好舒服既感覺，正！

雖然 Manis 嗰對筷子都係以粉藍色為主，不過都只係得 Pekkle 個名，並冇 Pekkle 個『嘜頭』；相比之下，呢對筷子就靚得多，起碼都有一個 Pekkle 頭嘛！唔知用左呢套餐具食飯時，會唔會寧舍食得多左呢？