山下菓子『伴您食得環保』系列 - Pekkle 鐵罐連草莓乳酪脆脆朱古力

個鐵罐做得好靚呀！取貨時細心檢查，並冇發覺印歪、刮花嘅情況，不過個罐比我想像中細咗少少，如果可以再大個啲，咁就更加理想喇！













預訂時無論係張產品介紹單張，抑或係訂貨單，都係寫明『鐵罐連蝴蝶酥』，唔知點解到取貨時店員堅持產品目錄上係寫『鐵罐連草莓乳酪脆脆朱古力』... 我有相為証喎，唔通都有錯？其實無論個鐵罐係跟蝴蝶酥又好、草莓乳酪脆脆朱古力又好，對我嚟講係冇分別，因為我都係唔食嘅，而我估計草莓乳酪脆脆朱古力嘅成本，應該係貴過蝴蝶酥。不過，顧客對貨品係存有『合理期望』，唔係貴就一定係好嘅，而最大嘅問題係，山下菓子部份店員嗰種愛理不理、理所當然嘅服務態度〔包括埋 Pekkle Cafe〕，真係有待改善囉！