『花盛花開、春節花祭』 - 最後召集

最後一個星期喇，自從一開始時一口氣換咗六隻碗，其中只得一個係 Pekkle 之後，我就冇再繼續換現貨，唸住儲埋啲印花，到最後限期先一次過換，睇下抽中 Pekkle 嘅機會係咪會大啲先...

呢批就係我最後儲到嘅印花，準備聽日拎去 7-11 登記換領...




其中一張印花卡全部都係 Pekkle 印花，因為之前唔捨得用，儲下儲下，原來有成 30 個，全部都唔換又好似浪費咗啲，所以結果我就拎咗其中 22 個去換，其餘嘅就留番嚟儲囉！



希望用一張貼滿 Pekkle 印花嘅印花卡，可以換到最少一個 Pekkle 碗番嚟啦！



要等到 5 月先有得拎，真係等到頸都長埋...