Pekkle 枕袋

最後一樣喺一田購物優惠日買嘅 Pekkle 貨品，就係雅芳婷嘅單個裝枕袋。雅芳婷最近幾年推出嘅 Pekkle 床品，全部都要一套買，冇推出獨立枕袋。由於我買嘅係單人床單，所以亦只會有一個枕袋，為咗可以有多個枕袋替換，搞到我連續兩次，都要另外多買一套雙人床單，除左有多兩個枕袋之外，仲可以將張雙人床單，搵人再縫製多三個枕袋... 其實都幾費時失事。

估唔到今次一田購物優惠日會有呢款單個裝嘅 Pekkle 枕袋，banner 仲要標明，枕袋原價 $100，現特價 $49。二話不說，即刻買咗兩個先啦！

其中一面

另外一面





購物日完結之後，都有再去其他嘅雅芳婷專櫃睇吓，發現已經再冇呢種單個裝枕袋賣。唔通雅芳婷咁比面一田，專登為佢地嘅購物日做『期間限定』？ 

好彩我當時冇錯過到，少少地都叫做買咗兩個啫...