好多年前,Sanrio 日貨都推出過一款粉藍色嘅 Pekkle 三格櫃桶仔,不過好後悔當年只係買咗一個,仲拎咗嚟用添,雖然呢個櫃桶仔仍然『健在』,不過難免都會有啲折舊同埋花咗,可惜已經買唔番,所以雖然呢個置物盒同當年日版個櫃桶仔,無論係造型上,抑或係實用性上都係冇得比,但係都仍然要買番一個嚟儲,以免自己將來又再後悔一次...
![](https://blogger.googleusercontent.com/img/b/R29vZ2xl/AVvXsEgaIDSWPTD6tbyBR9ITGYqqVPzY93FNgLp_57vRoWJQKXXREnnjALepdFAjFGDjf6FBSba-PX-0CslPHDIUH-_gEABCzJ97vfmjDvU9-uHIyRPQqQZaLWdihrvxZBd09pZc-iUukqnyaynO/s320/20180924_004833.jpg)
![](https://blogger.googleusercontent.com/img/b/R29vZ2xl/AVvXsEg5fa90FCXvTGACyC7F9Na1prRvn344KvybBmzLBmrh43OeKNGJmWi3K52FDRog0NHDDC2FVMJWth5RZ93mvuzixSpoiaP8FE-zrhaBRSzuhi1rTe2F1Zg_h3ry0C6OR563LNmaovSInnGl/s320/20180924_004950.jpg)
![](https://blogger.googleusercontent.com/img/b/R29vZ2xl/AVvXsEhbLYt1oVMdusMo6-_pY9E9y2L71_q-lR9bw5keP7mxmetCY6iu0Tozw1OMlt2XIGdJeiLHqXSYNdrogNMkuN3_1yzNojjJ68FJxn3-ETV6kIhhjernvh9JjVDpn50Kvd2MICU6jpd4zSV7/s320/20180924_011501.jpg)
雖然呢個系列叫『八寶鴨迎中秋 2018』,不過,我寫到第七鴨就要停筆喇!因為最後一款價值 $99 嘅化妝袋我並冇買到。除咗考慮個實用性之外,我對呢啲只係得『五官』嘅 Pekkle 造型產品,就好似『負片效果』嘅 Pekkle 造型一樣,冇乜好感。如果呢個化妝袋有其他吸引我嘅地方,我可能都會買埋落嚟,但係化妝袋對於一個唔會化妝嘅我嚟講,真係零吸引力囉,再加上我唔鍾意嘅 Pekkle 造型,所以我最終都冇買到呢款化妝袋...
![](https://blogger.googleusercontent.com/img/b/R29vZ2xl/AVvXsEhe-Au-udd-7Al0_g2QXcT21MoHQNf_LhjQvGrFRmO7t9BkIjFL09IYfbrXxehlwPQ5xDmvnsNjnlKd3j1YubgZzYT0lHDNv5b55jgPYA1gS1NWOiykzT_KmhIRxxdQZC8b5OBH3HWMeQ2n/s320/COSEMTIC+BAG.png)
No comments:
Post a Comment