2018 年 Sanrio characters 日本版盒裝貼紙

以往日本都曾經推出過多次 Sanrio characters 雜錦貼紙，不過多數都係膠套包裝，今次推出嘅係膠盒裝，雖然個盒好細個，似乎都冇乜其他用途，但係膠盒面印有不同 Sanrio characters，真心覺得靚囉，仲要唔係貴喎，日版貼紙都只係 $35 一盒！









貼紙大致可分為兩款，一款係長方形，另外一款就係以人物造型去剪裁，每款各有十個唔同嘅 Sanrio characters，每位 characters 共有兩張貼紙仔，一共 40 張貼紙... 喺誠意同心機方面，又要比多幾分啦~



藍白直間做底色嘅 Pekkle 造型好復古呀！我都幾肯定好多年之前，係曾經推出過類似造型嘅文具系列囉。



睇下裝貼紙嘅小膠盒，盒面印滿二十位 characters，雖然盒仔細細，價錢又平，但係個印刷、造型一啲都唔馬虎嫁！日本人喺設計、包裝方面，真係值得讚賞，縱使只係小小嘅一件精品，都一樣會製作認真！