今年投票嘅背景以紫紅色為主題，每個卡通人物都著上獨一無二嘅新裝，呢個戴左帽嘅紳士 look Pekkle，相信大家都好少見啦！我見到有 Pekkle fans 話呢個 look 好似 MJ 喎，唔知大家又覺得似唔似呢？😝
今年嘅宣傳片，係以 Sanrio Puroland 實地拍攝，比我發現到 Pekkle 都有幾次亮相嘅機會。睇完呢段宣傳片之後，發覺日本 Sanrio 其實對 Pekkle 都不薄，起碼喺樂園入面，都叫做有隻 『行得走得』嘅 Pekkle 出現... 因為見到候選名單當中，有好多個卡通人物就只係得幅 jpg，連『親自現身』拉票嘅機會都冇呀。
Pekkle『鬼鬼祟祟偷蕃薯』咁匿埋咗係個貨架後面呀〔紅圓示〕... 😆
蛋黃哥企正喺中間任由其他卡通人物『魚肉』呀！睇 video 好搞笑，見到 Pekkle 連環拍打蛋黃哥個頭，都唔知係『襲擊』緊蛋黃哥，定係同佢做緊頭部按摩呢？
今年仲有個新玩意，就係可以同你自己喜愛嘅卡通人物『換新 look』。喺網頁入面有以下呢個 icon，當你 click 入去時，就可以幫你喜愛嘅卡通人物『換造型』嫁喇！
示範作... 其實我係零藝術天份，只係識得將 Pekkle 由頭頂嘅帽到腳上嘅鞋，都轉番我最愛嘅藍色系列...😎
上年排 39 號嘅 Pekkle，今年『進步』咗少少，『升』到去 35 號。大家記住要將你神聖嘅一票，全投比 35 號 AhiruNoPekkle 呀！
No comments:
Post a Comment