由於我本身冇 FB 戶口，有時網上有關 Pekkle 嘅最新消息，都要靠朋友轉述先會知，就喺 17/5/2017 嘅早上，朋友通知我，話 7-11 有呢盒小鐵盒 Pekkle 曲奇賣。當日，我同朋友已經四出搜羅，行咗兩個區、共十幾廿十間 7-11，就只可以搵到呢六盒 Pekkle 曲奇，真係好難買呀！明明睇到 7-11『有新嘢』張宣傳海報，寫明新產品嘅推廣日期係 17/5 - 30/5 嫁嘛，有乜理由咁快就掃清... 😣
每盒小鐵盒都分別有一包曲奇餅、一張貼紙同埋一張心情閃卡，好靚嫁.. 不過如果連包曲奇嘅包裝袋，同埋入面嘅曲奇都係 Pekkle 嘅話，咁就更加完美！
根據谷友所講，呢款心情閃卡共有八款，咁辛苦先撲到六盒，但係其中兩盒嘅心情閃卡都係相同，結果只係儲得四款閃卡... 仲爭一半...
一大個紙盒內，就只有兩小盒 Pekkle，唔怪之得咁難買啦！
Sanrio Family 幸運小鐵盒系列共有八款公仔，你話我偏心都好啦，我就係覺得八款公仔之中，最靚就係 Pekkle~
後記：20 - 21/5/2017 呢兩日，不停咁四出尋鴨，收穫如下...
雖然喺各谷友狂呻，話買唔到呢盒鴨之下，我都仍然可以入到貨，可惜都係未儲齊一套八款嘅心情閃卡...😢
再後記〔更新於 2/6/2017〕：
全靠好友嘅幫忙，佢將我重覆咗嘅心情閃卡，好辛苦咁換齊咗一套八款嘅心情閃卡比我喇！無言感激！💋
No comments:
Post a Comment