![](https://blogger.googleusercontent.com/img/b/R29vZ2xl/AVvXsEi2OzBMbix6eX0qLfbV9AYPJJMPjgeY6l918IbausmPjXDiE24Owlz2suAhUA2Em5969pMAnVnDSJJqOKxV8qXi92w9H5gr_Hm0umRnOC_cvbK6NJRgQpQnkWmFnxMq7hDFHAqHtOhijaX0/s320/20171001_032848.jpg)
其實舊年 Kiosk 推出過一款淺藍色嘅夏季 Pekkle 睡衣,無論係顏色、質地、pattern,我都好鍾意,一共有兩款褲款同埋一款睡裙款,睡裙我唔著,可惜兩款睡衣都係配短褲,唔係我杯茶,所以冇買到。不過因為個顏色、質地、pattern 都太過吸引我,所以我買咗同款嘅 boxer,雖然 boxer 我都一樣係唔會著,但係收藏比較容易,同埋價錢亦比睡衣平。我好希望 Kiosk 有人會睇到我呢篇 blog,可以用番呢款布料,去製作番長袖長褲、又或者係短袖長褲嘅睡衣款啦!如果真係推出,我必定會長、短袖款都起碼各買三套嫁!
http://www.pekkle.hk/2017/06/pekkle-boxer.html
言歸正傳,講番呢款絲質嘅 Pekkle 睡衣先。摸上手有絲質嘅感覺,不過咁嘅價錢,當然唔會係真絲啦,所以著上身都應該會幾侷身。而顏色方面,採取咗帶黑色嘅深藍色;至於個設計,就只有袋口位有個 Pekkle 頭,作為一件公仔布睡衣,未免係太過低調喇。所以,總括嚟講,呢套似係一套男裝睡衣,多過似一套女裝睡衣囉...
![](https://blogger.googleusercontent.com/img/b/R29vZ2xl/AVvXsEjAcQtFzBHq9GV7QDt3u-Py4a_aEYlpvy4oRhQbix0u-wWDfBxglBN2WbuFN5hICH9PVJ5brtA5rPHXOCyiTd0TvEkeD-Ot1PUyvFNVwJV9nPQFR3yGx_gj9PeLh0GhnnfGtX93jT34KJao/s320/20171009_003744.jpg)
![](https://blogger.googleusercontent.com/img/b/R29vZ2xl/AVvXsEio2u_ckOr9nkQynO_Qe7GhPIP57fD5NB75hpu-5q6xricYouRbhIT_EAVam7fjGmuoaKm7q94XssrmuGqu3ni3OrzmPGzsyVTduMmB_gDXKDYA_XUwD6WfeHRY7hQKFoMk5XKD1cgx89rB/s320/20171009_003811.jpg)
No comments:
Post a Comment