颱風北冕，由 8 月 4 日星期一上晝開始刮起，一直到今日清晨五點四十分，終於都掛到 8 號風球。呢兩日，同事們都講緊究竟呢個風打唔打得成.... 打得成多一日假期當然好啦！不過今日同事已經安排左好人多黎面試，而我亦有一大堆 monthly reports 趕住聽日要交，仲唸住今日內可以完成，如今... 唉，唸起都煩....
今朝係屋企望出街，能見度相當之低.... 大約兩點鐘，雨終於都停左，太陽亦出現過一陣，可惜依家個天又出現番一大片烏雲，睇黎 d 雨又黎緊 lu...
一直都聽住電台既颱風消息，天文台話幾小時內或考慮改掛三號風球。颱風就黎離開，取而代之既，會唔會又係連場既狂風暴雨呢？星期五就係奧運會開幕典禮，咁既天氣唔知有冇影響呢？
可能因為今年奧運會由北京主辦，資訊特別多，所以特別留意既關係，無論係人為定天意，今屆奧運好似遇到特別多問題咁既 
今日與友人去左尖沙咀食爐端燒，餐廳都幾偏僻，由於我係第一次黎，都搵左一陣先搵到個門口，位處於天文台圍一幢大廈既地下至三樓，係屬同一個飲食集團，而我今次就係幫襯一樓既秋田鐵板爐端燒。
星期一既晚飯時間，都有八成既滿座率，相信呢間爐端燒既質素應該都唔錯！叫左個套餐，另加一客銀雪魚及雜菌露筍...
第一道：日本磯鮑
火焰龍蝦 + 日本磯鮑
第二道：海虎蝦
第三道：銀雪魚
第四道：生蠔
第五道：日本松板和牛
火焰日本松板和牛
第六道：和牛膏炒飯
第七道：炒雜菜〔套餐〕+ 另叫既雜菌露筍
仲有一個飯後甜品：雪糕〔無乜特別，所以冇影到〕
基本上，一位廚師照顧兩檯客，serve 我地果位廚師係位怕醜仔，睇得出佢好落力同我地 social，不過就好怕醜，唔係太敢同客人有直接既眼神交流，而且個人覺得佢好似背緊稿咁，好多時佢講既野不外乎都係介紹番佢煮既材料，點煮法，點處理，並唔係同客人閒話家常囉，但係都非常有禮貌既....
總括黎講，整餐飯既食物、服務、環境同價錢都 ok，不過以呢四方面黎講，我就會評〝服務〞呢方面係最高分囉！
agnes b. le pain grille 最近係時代廣場開左間輕食店，尋日去 Sogo 既 Sanrio Summer Carnival 時，就當然要慕名〝拜訪〞一下啦....
其實之前已經去過 agnes b. le pain grille 食飯，相對價格而言，食味只係中規中矩，冇乜大驚喜，但係整間餐廳佈置、擺設，甚至連部分食物都以 agnes b. 既 logo 作點綴，所以如果以一名 agnes b. 既 fans 黎講，就一定會加分囉！由於我係唔飲咖啡、亦都唔多喜歡食麵包、蛋糕之類既食物，所以冇唸過去食野，純粹因為睇報紙介紹，呢一間係 agnes b. 全球第一間輕食店，所以就想去〝八一八〞...
去到空手而回又好似唔係幾好咁，所以我就買左一包報紙推介既榛子曲奇，而友人就買左杯牛奶咖啡。友人話咖啡質素唔係太好，與 Starbucks 價錢相若，佢寧靜選擇飲 Starbucks！個心即時沉左一半，心唸唔知 d 曲奇既質素又點呢？一試之後，發覺比想像中好，可能冇乜期待，就零舍有意外驚喜！
曲奇香脆可口，榛子味濃，仲可以啖啖都食到榛子粒，真係唔錯！$45 一包共 16 件，價錢都可以接受，值得一試！
不過友人試過後，卻認為 agnes b. 既曲奇比 Cova 既遜色，但係我就覺得岩岩相反囉....
就憑呢次經驗可以知道，口味呢樣野實在係好主觀同獨特，學蔡瀾話齋，每個人對食既要求都唔同，你覺得好好食，唔代表其他人都有同感！所以以後我唸我都唔會太過依賴食評呢樣野，最多只可以用作參考！
今日去完 Sogo 既 Sanrio Summer Festival 2008，一如我所料，跟過去幾年一樣，都係 Hello Kitty 既天下，Pekkle 既 products 絕無僅有，而且仲要係幾年前既貨，一早都已經買哂啦！今年出既新貨，係一件都見唔到既....
唔知係唔係乘住立法會選舉個勢，今年多左一樣叫〝最受歡迎 Sanrio 卡通人物〞選舉，一望之下見到〝候選人〞1 號就係我既至愛 Ahiru No Pekkle！！我當然即時飛撲過去投票啦！佢寫明一人只限一票，我用左家人既資料，一口氣填左三張選票，如果唔係隔離有 d 工作人員企左係度，我唸我會繼續填落去囉....
希望我地一眾 Pekkle fans 都有投 1 號〝 AP 鴨〞神聖既一票啦，我並唔奢望 Pekkle 既票數會比 Hello Kitty 多，不過積少成多，起碼比 Sanrio 見到 Pekkle 都好受人歡迎，將來有新 products 都會考慮出埋 Pekkle 嘛！
始終都係等唔到週末，尋晚放工去左旺角買 Pekkle 抹手布...
$12 / 三條，真係抵到爛！不過一分錢一分貨，有好多條個 Pekkle 公仔都有少少花左，一係就塊布染左少少其他顏色，所以大家要花 d 心機逐條比對，搵條至靚既先好買呀！不過佢地貨源充足，應該都仲有大把貨任揀既！
同款面巾，$10 / 三條，記得之前我係上水都買過，不過就係 $10 / 四條，依家雖然係貴左少少，不過見到都係忍唔住手再買！
既然先後都出左同款既面巾及抹手布，唔知個製造商幾時先會出埋同款大浴巾呢？熱切期待呀！
