星期五收到一份 internal document，係一位轉左 office 既舊同事發出既，因為當日公事繁忙，所以就將文件帶左番屋企之後先拆，一拆之下發現原來文件袋內，全部都係 Pekkle 最新既貨品！雖然我之前已經買左，不過當收到呢位同事送黎既禮物時，真係覺得好感動！呢位同事同我在同一個 office 一起工作左大概年幾之後，就已經調職左去另外一個 office。唔經唔覺，呢位同事調左走都有五年時間喇！係佢調走左呢幾年內，我地雖然冇乜機會見面，不過就差不多每日都會以 IM 聯絡！今次收到佢呢份咁窩心既禮物，真係既驚且喜！
其實係依家呢份工都做左有七年，係呢段日子，基本上我可以話冇乜大得著，唯一既收穫就係識到一班好同事，雖然大家既背景、嗜好都好唔同，尤其係年齡上，我係圍內既〝老大〞，計落同佢地真係爭左幾個 generation gap 嫁！可幸佢地又冇嫌棄過我，仲乜都預埋我呢個〝老人家〞一份添！真係好多謝佢地呀！
No comments:
Post a Comment