Sanrio 30 位卡通人物精品系列 -- 信封信紙 box set

呢套信封信紙 box set，又平又靚，好難得見到日貨嘅價錢會定得咁低，真係好抵買呀！

信紙共有 4 款設計，每款 4 張，共 16 張；信封一樣有 4 款設計，每款有 2 個，共 8 個；另外仲有一張有 8 位卡通人物嘅小貼紙，當然唔少得就係裝住所有嘢嘅膠盒啦！全部都印哂 Saniro 公仔嫁，好靚呀！

大哂冷~~

再將每款信封、信紙 close up 多一次比大家睇清楚...

最後唔少得嘅梗係張小貼紙喇！30 位卡通人物之中，只有 8 位可以做到呢張貼紙嘅主角，Pekkle 都有份喎！

Sanrio 30 位卡通人物精品系列 -- 螺線型筆記簿

呢本螺線型筆記簿 size 只有約 9cm x 12.5cm，算係 pocket size。

連內頁嘅紙都係以粉紅色為主色。

全本筆記簿共 50 頁，係正牌日本貨嚟嫁！

Sanrio 30 位卡通人物精品系列 -- 貼紙

Sanrio 30 位卡通人物精品系列嘅貼紙，有齊哂 30 位卡通人物，唔洗爭。張貼紙大概係 A4 size 咁上下大細喇！

Sanrio 30 位卡通人物精品系列 -- Tote bag

前幾日行 Gift Gate 時，無意中發現 "Sanrio 30 位卡通人物" 系列嘅新產品~

首先介紹嘅係 Tote bag

呢個系列嘅主色係粉紅色，無論係對 Pekkle，定係對我個人嚟講，其實就唔多適合，不過見呢個系列嚟自日本〔雖然都係中國製〕，咁難得日本貨都有 Pekkle 份，佢仲要係企第一位喎，點都要買嚟支持下嘅~

呢個 Tote bag 唔算大，勉強都可以當喺『購物袋』咁用嘅... 不過如果個袋有番 d 闊度、換埋個主色，再加埋好似 Pekkle 個環保袋咁摺得埋，變成個細袋仔嘅話，就更加完美喇...

Pekkle 雙面玻璃貼

通貨膨脹，仲以為樣樣嘢都會比以前昂貴，估唔到 Pekkle 最近推出嘅雙面玻璃貼，售價竟然比十幾年前相若，印象之中，仲要平咗添...







記得以前嘅雙面玻璃貼都推過兩、三款，連翻版都有出過〔下面張相長方形嗰張〕，當時好似都要賣廿幾蚊一張...


 

 
經過左十年八載後嘅今日，再次推出雙面玻璃貼，售價都冇乜點變過...好抵買喎！ 

今次雙面玻璃貼紙係由 Ellon〔Manis〕推出，所以佢地都沿用番之前其中之一個系列產品嘅設計，一望就已經認得出係 Ellon 嘅產品。
不過今次值得一讚嘅就係佢地終於都察覺到自己串錯咗 Pekkle 個全名，所以雖然今次都係用番之前嗰個系列嘅設計，不過 Pekkle 個名就已經改正咗！其實會唔會係 Ellon 都有派職員喺網絡『監控』住有關佢公司嘅資料，當知道咗我地一班 Pekkle fans 指出佢地嘅錯處之後，就加以改正呢？不過無論原因係乜都好，『知錯能改』都係值得讚賞！！