Pekkle 雙面玻璃貼

通貨膨脹，仲以為樣樣嘢都會比以前昂貴，估唔到 Pekkle 最近推出嘅雙面玻璃貼，售價竟然比十幾年前相若，印象之中，仲要平咗添...







記得以前嘅雙面玻璃貼都推過兩、三款，連翻版都有出過〔下面張相長方形嗰張〕，當時好似都要賣廿幾蚊一張...


 

 
經過左十年八載後嘅今日，再次推出雙面玻璃貼，售價都冇乜點變過...好抵買喎！ 

今次雙面玻璃貼紙係由 Ellon〔Manis〕推出，所以佢地都沿用番之前其中之一個系列產品嘅設計，一望就已經認得出係 Ellon 嘅產品。
不過今次值得一讚嘅就係佢地終於都察覺到自己串錯咗 Pekkle 個全名，所以雖然今次都係用番之前嗰個系列嘅設計，不過 Pekkle 個名就已經改正咗！其實會唔會係 Ellon 都有派職員喺網絡『監控』住有關佢公司嘅資料，當知道咗我地一班 Pekkle fans 指出佢地嘅錯處之後，就加以改正呢？不過無論原因係乜都好，『知錯能改』都係值得讚賞！！