〕
〔希望我冇表錯情喇！
〕
又再一次體現得到『眾志城城』既力量、『齊心就事成』既道理，經過一眾 Pekkle blog 友既 eamils 攻勢，雅芳婷終於都『順應民意』，係十三年後既今日再次令 Pekkle 床品復活喇！
幸得消息靈通既 Pekkle blog 友通風報訊，一早已經知道 10 月份雅芳婷就會推出全新 Pekkle 系列床品，可惜由 10 月 1 日開始每日往雅芳婷『尋鴨』都係失望而回，好彩之後又得另外一位 blog 友既通知，知道 Pekkle 床品上架日期係 10 月 30 日，正當疊埋心水等呢一日既來臨，點知已有 blog 友率先係 10 月 28 日買到，知道呢個消息時已經係 10 月 29 日既上晝，之後整天個心都記掛住鴨鴨床品，心不在焉，無心工作... 心中只係唸住想快 d 帶 Pekkle 番屋企...
記得對上一次買 Pekkle 雅芳婷床品已經係 1996 年既事，當時既設計係以啡紅色為主色，算係 Pekkle 產品系列之中比較少用既顏色；今次 2009 年既設計以 Pekkle 『專用色』--- 藍色為主色，雖然顏色上冇乜突破，但鮮明既藍色配襯住魔術師造型既 Pekkle，仍然係非常醒目、可愛！好靚呀！我好鍾意！
1996 年設計
2009 年設計
真係越睇越靚，從前買過一款 Pekkle 既冷氣多用被，所以一路以黎我只會買床笠、枕袋，從冇買過被袋，今次係我首次買既 Pekkle 被袋...
單人床笠既關係，枕袋只有一個，可惜我有兩個枕頭喎，點夠分呢？！希望雅芳婷會考慮推出埋 Pekkle 兩個裝既枕袋啦！
今日下晝知道其中一位 Pekkle blog 友竟然買到同款 4 呎長既 Pekkle 攬枕，實在太可愛喇！不過呢位 blog 友話要早前訂左床品既客人，先可以『有資格』買呢個攬枕.... 知道之後簡直覺得係匪夷所思呀！無理由雅芳婷有錢都唔賺喎，心唸放工去一田既雅芳婷睇下有冇貨先... 點知去到之後，發覺真係冇得賣喎！唔通真係唔會公開發售？即刻個心都沉左落黎... 不過岩岩又收到阿 Vi 既通知有攬枕！！睇黎聽日我又要趁假期出動『四出尋鴨』lu...
因為自己係 J Card 既會員，當然要支持番吉之島啦！所以一早都係唸住無論幾時出，都會留番假期去吉之島先買。不過估唔到鴨鴨係我心目中既地位比自己想像仲要高，當知道床品已經上左架之後，真係等多一日都嫌太耐，結果一放工就立即飛去一田入貨，點都要先買一套以慰『望穿秋水』之苦嘛....就好似驚死今日唔買，聽日就會比人買哂一樣！ 不過吉之島，你放心啦！我唔會離棄你既，一套床單又點會夠我用呃？你等我喇！
Pekkle products 靜左一排冇新貨，連帶我地一眾 Pekkle fans 既 blog 都沉寂左... 
好彩，期待已久既 Pekkle 睡衣終於都面世喇！相信各 Pekkle fans 陸陸續續都會去入貨，唔知大家係唔係去吹水怪度買呢？有冇留意到 Pekkle 又有新貨接受預訂？
登！登！登！登！今次新貨係..... tracksuit！！以我所記得，Pekkle 之前係從未出過呢 d 類型既套裝嫁！好興奮呀！
預計到貨日期：11 月 15 日
尺碼：S 至 XL 碼
質地：剪毛絨布〔即係抓毛囉！〕
顏色：雖然 catalogue 有灰、淺藍、深藍色三款，不過根據吹水怪分店個女 sales 講，間廠只係會出灰同淺藍兩色。〔既然係咁，唔明仲乜份稿會有三種顏色...〕
價錢：$270 一套
吹水怪話限量訂購 250 套喎！大家有興趣既話，好快手去訂貨喇！
係吹水怪間舖度 "偷影" 番黎... 希望大家睇得清楚啦！
同場加映：吹水怪將成幢 Pekkle 睡衣放係門口，高過擺係隔離既 posters，粗略估計都應該有三、四十套，比起佢地信和分店既情況誇張好多，當時我就係度唸，唔知係唔係因為經 "龍頭 Vi" 大力推介吹水怪呢間舖，所以呢 d 貨全部都係我地一班 blog 友訂既呢？
依家我最期待既就係 Pekkle 雅芳婷床上用品，其實一踏入 10 月份，係要番工既日子裡面，我已經日日都去一田雅芳婷個專櫃 "巡舖"，我又唔敢開口問個 sales 幾時先有貨番喎... 經常係佢地個 counter 巡黎巡去，我怕有日比佢地以為我意圖不軌想高賣就弊勒！唉...唔知幾時先會番貨呢？再係咁落去，就算唔比人當賊扮，我唸我都就快變左隻長頸鹿 lu...
睇左阿 Vi 呢篇 blog 都有一段日子，不過一路都冇乜時間回應，而且自己亦都想再 "做番 d 野" 先寫番篇 blog 黎回應下...
記得一年多前膽粗粗寫 email 去雅芳婷叫佢考慮出番 Pekkle 既床品，當時佢地只係答我佢公司冇計劃會再出 Pekkle 床品，不過會 "慎重考慮" ... 我唔知道之後有幾多位 "同道中人" 再 send email 去問過雅芳婷，令到佢地決定係今年 10 月出番 Pekkle 既床上用品，不過我相信全賴有鴨會社團龍頭 Vi 既全力協助，先可以有呢個成績！！
呢封係 2008 年 7 月 2 日雅芳婷比我既回覆，依家睇番，原來我係 2008 年 6 月 30 日 send email 去，7 月 1 日係公眾假期，估唔到佢公司又咁有效率，開工第二日一早就已經覆左我既 email...
而我之前話要 "做番 d 野" 既意思係，我又手痕痕寫左封 email 去另一間床品公司 --- Uji，如果大家有留意既話，都知佢地一路都有出 Sanrio 公仔既珊瑚被，為左可以擁有一張 Pekkle 珊瑚被，我又再一次唔知醜咁 send 左 email 去 Uji 問佢地喇！
佢地既效率可以拍得住雅芳婷，第二個工作天就即刻覆左，可惜都係好似雅芳婷最初既 "行貨" 回覆，可能得我一個人既聲音實在太 "微不足道" 喇！希望各位都想擁有 Pekkle 珊瑚被既 fans，一齊努力 "炸爆" Uji 既 email 啦！
上星期日行街時無意中係間零食店發現呢包 UHA 味覺糖，相信大家對呢個牌子既出品一 d 都唔陌生，不過同 Sanrio crossover，仲要有齊 100 款 Sanrio 公仔造型做包裝既，應該都係第一次，100 款入面好彩都有 Pekkle 份，當然唔會錯過啦！拿拿聲就買左兩包，雖然要係 100 款公仔入面 "命中" 到 Pekkle 都唔係易事，不過咁難得有 Pekkle 份，就點都要買番黎睇下自己同 Pekkle 有冇緣份啦...
要睇下有冇緣份，就梗係要拆開黎睇下先知啦！反正食物都唔可以留得耐，點都要拆開黎先可以 keep 得到...
唔知點解咁奇怪，兩包糖加埋竟然係 43 粒！！一包有 21 粒，另外一包有 22 粒.... 入面有好多公仔重複左，連 Melody 都有兩粒，仲有好多見都未見過既 Sanrio 公仔，不過可惜係 43 粒糖入面，係一粒 Pekkle 都冇既.... 唔通我同 Pekkle 真係冇乜緣份？
心生不忿之下，一定要再買，不過今次唔會再一次過買兩包，要逐包買、逐包 check，咁就唔洗驚買多野啦！皇天不負有心人，第三包... 終於都中左喇！
呢包糖一共有 21 粒，唔通一包 21 粒先岩？上次錯體先會多左一粒？
Pekkle 粒糖紙係粉紫藍色嫁！好靚呀！
Pekkle 糖近鏡〔前面〕
Pekkle 糖近鏡〔後面〕
雖然我自己唔多鍾意食糖，不過食物始終都唔可以留得耐，所以最後都係拆左黎食，開呢個小包開得好辛苦，成日驚會整爛 Pekkle，可惜粗手粗腳既我，結果都係整爛左少少張糖紙，好彩 Pekkle 冇爛到咋...
呢包果汁糖一共有五種味道：青提、紅提、橙、菠蘿同桃味，而每款公仔包裝都會有機會包住唔同味道既果汁糖。而呢粒 Pekkle 糖係菠蘿味，以一個唔多鍾意食果汁硬糖既我黎講，都算 ok 既，果汁味唔會好假、好甜，算係咁啦！
後記：係網上無意中發現呢款果汁糖仲有另外一款日本版賣，不過日本人就幸福好多 lu，因為佢地個 packing 係透明嫁！可以揀到有 Pekkle 果包先買囉！而且隨糖仲會附送 "神秘禮物" 一份，唔知會唔會係 Pekkle 公仔呢？
