Stonegrill @ Ocean Terminal

都已經唔記得第一次黎 Stonegrill 食飯係幾時既事.... 只係記得由以前近港威既海港城舊址，幫襯到依家搬左去海運大廈，好似都有成十年八年既事 lu... 不過又唔好誤會我係熟客，只係大約係我第三、四次幫襯時，係〝威迫利誘〞下就幫佢地開左張 Stone Card，而會員每年都會有特別優惠..... 就因為咁，我同 Stonegrill 就無啦啦結下左呢 d 好似〝牛郎織女〞咁既約定喇.....

門面裝修同鋪內空間，明顯係比以前係近港威既舊鋪優勝得多...

摺得咁好樣，唔好以為係餐巾喎.... 其實係比客人用既圍裙，以防客人食石燒時，比 d 油同汁濺到周身都係...

頭盤係沙律...

隨之而黎既係湯，當日〝例湯〞係青豆忌廉湯或呢個雜菜清湯...

主角出場，叫左兩客 Grill ，Custom grill 〔牛肋骨、雞扒同 King Pawn〕同四安士安格斯牛柳拼銀鱈魚... 再另加一個 side dish，就係左上角既 Spicy Chips...

味道其實都算唔差，如果唔係，我都唔會一次又一次咁翻兜幫襯啦！唯一不足之處，就正正係最緊要既野，佢地既通風設備真係好有問題！對於一間以石燒為主既店鋪，最重要當然係通風系統啦！只要你係呢度食完一餐飯，個身〝吸收〞左既油煙味，足可以〝媲美〞食完一餐韓國燒烤！！真係唸極唔明點解 D 油煙味會咁厲害？其實佢依家既環境雖然都唔算好開揚，不過比起佢地以前近港威時既舊址已經叫做好左好多啦！都唔明點解仲會〝搞〞成咁....真係搔哂頭....

窩心禮物

星期五收到一份 internal document，係一位轉左 office 既舊同事發出既，因為當日公事繁忙，所以就將文件帶左番屋企之後先拆，一拆之下發現原來文件袋內，全部都係 Pekkle 最新既貨品！雖然我之前已經買左，不過當收到呢位同事送黎既禮物時，真係覺得好感動！呢位同事同我在同一個 office 一起工作左大概年幾之後，就已經調職左去另外一個 office。唔經唔覺，呢位同事調左走都有五年時間喇！係佢調走左呢幾年內，我地雖然冇乜機會見面，不過就差不多每日都會以 IM 聯絡！今次收到佢呢份咁窩心既禮物，真係既驚且喜！

其實係依家呢份工都做左有七年，係呢段日子，基本上我可以話冇乜大得著，唯一既收穫就係識到一班好同事，雖然大家既背景、嗜好都好唔同，尤其係年齡上，我係圍內既〝老大〞，計落同佢地真係爭左幾個 generation gap 嫁！可幸佢地又冇嫌棄過我，仲乜都預埋我呢個〝老人家〞一份添！真係好多謝佢地呀！

壯烈犧牲....

經過北冕既〝洗禮〞，跟左我都有三年以上既 Pekkle 直遮，終於都要退役喇....

係天文台宣佈北冕將遠離香港，並將於黃昏改掛 3 號風球既時間，困左係屋企成日既我，就整裝待發，準備出街閒逛.... 明明眼見雨勢已經開始減弱，再加上知道就黎改掛 3 號風球，唸住一定唔會大風得去邊嫁喇！點知就係出左大堂，都未出到屋苑門口，已經比 d 強風加暴雨〝攻擊〞得體無完膚.... 成身濕哂，有帶遮等於無帶遮一樣之外，連我既 Pekkle 遮都為左悍衛佢既主人 ----- 我，而〝壯烈犧牲〞左....

係唔係睇得唔夠清楚？圈住左既地方，就係彎左遮骨既地方.....

zoom 近 d 睇，見唔見到條零零舍舍有條骨係向左手邊彎左入去呀〔紅圈位〕？其餘七條骨都係正正常常嫁！

但係問心果句，我其實都想用 2007 年 Pekkle 最新既〝船長 look〞直遮好耐嫁喇！依家就正正比左個最好既理由、最大既藉口我，去換過呢把新遮用啦！

額外假期 -- 是悲是喜？！

颱風北冕，由 8 月 4 日星期一上晝開始刮起，一直到今日清晨五點四十分，終於都掛到 8 號風球。呢兩日，同事們都講緊究竟呢個風打唔打得成.... 打得成多一日假期當然好啦！不過今日同事已經安排左好人多黎面試，而我亦有一大堆 monthly reports 趕住聽日要交，仲唸住今日內可以完成，如今... 唉，唸起都煩....

今朝係屋企望出街，能見度相當之低.... 大約兩點鐘，雨終於都停左，太陽亦出現過一陣，可惜依家個天又出現番一大片烏雲，睇黎 d 雨又黎緊 lu...

一直都聽住電台既颱風消息，天文台話幾小時內或考慮改掛三號風球。颱風就黎離開，取而代之既，會唔會又係連場既狂風暴雨呢？星期五就係奧運會開幕典禮，咁既天氣唔知有冇影響呢？

可能因為今年奧運會由北京主辦，資訊特別多，所以特別留意既關係，無論係人為定天意，今屆奧運好似遇到特別多問題咁既

秋田鐵板爐端燒

今日與友人去左尖沙咀食爐端燒，餐廳都幾偏僻，由於我係第一次黎，都搵左一陣先搵到個門口，位處於天文台圍一幢大廈既地下至三樓，係屬同一個飲食集團，而我今次就係幫襯一樓既秋田鐵板爐端燒。

星期一既晚飯時間，都有八成既滿座率，相信呢間爐端燒既質素應該都唔錯！叫左個套餐，另加一客銀雪魚及雜菌露筍...

第一道：日本磯鮑

火焰龍蝦 + 日本磯鮑

第二道：海虎蝦

第三道：銀雪魚

第四道：生蠔

第五道：日本松板和牛

火焰日本松板和牛

第六道：和牛膏炒飯

第七道：炒雜菜〔套餐〕+ 另叫既雜菌露筍

仲有一個飯後甜品：雪糕〔無乜特別，所以冇影到〕

基本上，一位廚師照顧兩檯客，serve 我地果位廚師係位怕醜仔，睇得出佢好落力同我地 social，不過就好怕醜，唔係太敢同客人有直接既眼神交流，而且個人覺得佢好似背緊稿咁，好多時佢講既野不外乎都係介紹番佢煮既材料，點煮法，點處理，並唔係同客人閒話家常囉，但係都非常有禮貌既....

總括黎講，整餐飯既食物、服務、環境同價錢都 ok，不過以呢四方面黎講，我就會評〝服務〞呢方面係最高分囉！