中秋節快樂

一年容易又中秋.... 雖然每年我都唔會有咩特別節目去慶祝中秋節呢個節日，但係以咁多個中國節慶之中，中秋節都算係我最喜歡的節日，點解？因為我饞嘴囉！ 從前既中秋節有好多平時唔會有得食既生果、月餅，林林總總，最岩我呢個為食鬼！ 而且以前年紀尚小，一家大細圍埋一齊食生果、月餅、玩燈籠，氣氛真係好好！但係隨著科技既進步，依家好多時令生果四季都會有得食，雖然係咁，我到依家仍然係好鍾意應下節，每逢中秋都一定會買好多生果番屋企慢慢嘆...

至於中秋節另外一個『主角』，就係月餅！今年屋企除左有傳統既月餅之外，仲試左幾款『新』口味！我之所以用左呢個符號『』，係因為其實呢款月餅一 d 都唔新，只係一路以黎我屋企都冇買過黎試，估唔到今年一口氣就有兩個唔同品牌、但係同口味既月餅食。

迷你奶黃月餅，分別係半島酒店同九龍香格里拉酒店既出品。事先聲明，我本身都算係鍾意食奶黃既人，不過唔知係唔係個人比較老土呢？試完呢 d 城中有名既奶黃月餅之後，始終都係覺得傳統月餅比較岩我口味....

見 City Super 今年首推自家品牌〔其實都係本地餅店既來貨，應該都可以算係 OEM 黎....〕，得到 City Super 呢個品牌既垂青，都想買個黎試下.... 揀左咩味？除左朱古力之外，我最愛既甜品類應該都係呢款 --- 紅豆。

北海道紅豆月.... 都係果句，始終都係傳統月餅比較岩我口味！

至於冰皮月餅，嚴格上都唔可以叫月餅，極其量只可以算係一款甜品。冰皮始終都係覺得大班做得比較出色，可惜今年遲左入貨，周圍搵都無法買到今年新推出既 "特濃朱古力"，結果都係買番 d 以前食過既芝麻、紅豆既口味！

買唔到大班既朱古力冰皮，始終都好似有 d "遺憾" 咁.... 結果退而求其次，買左美心今年新出既 "魔鬼脆脆"，完全係因為佢地標榜由法國 Valrhona 朱古力製造，味道係點？ummm... 朱古力味都幾 ok 既... 但係個冰皮就麻麻地囉，有待改進！

送上遲來的祝福：祝大家中秋節快樂！

Pekkle 縮骨遮

單係 2010 年，Pekkle 就推出左三把縮骨遮，除左較早之前 Daniel & Co. 出品既紫藍色 pattern 外，Ellon 一口氣都係一個月內出左兩把 Pekkle 縮骨遮....

第一把係藍色為主色，長 55cm，標準 size。呢個 pattern 既主題就係 "Postage Pekkle"，Ellon 仲用左呢個 pattern 出左一大一細兩款網袋.... 如果 Pekkle 真係出郵票就好 lu....

呢把遮既 pattern 就係以黑色綴以金色既心心同楷磚為主，長 48cm，雖然細細把，僅僅夠一個人遮，相信大雨 d 都會濕身，但係賣點就係遮身超輕。睇個遮套，又心心、又楷磚，唔知點解會令我聯想起啤牌...

雖然雨季叫做過左，但係呢幾日仲係間唔中會落下雨，有時仲落得幾大添.... 趁住仲有用遮既機會，好想係呢三款縮骨遮之中，揀一款再買多一把黎用！不過一向有『選擇困難症』既我，唸左都差不多有一個月時間，都仲係決定唔到買邊款好，最後唸到既方法就係將呢幾把遮 post 上 blog，等一眾 blog 友幫我揀下，有時間就留個言比 d 意見啦！

Pekkle 2011 年記事簿

上一篇講完月曆，今篇就輪到同月曆同種類既產物....

〔一〕大本裝記事簿，以往應該係未出過同 size 既日記簿！

〔二〕普通裝記事簿

〔三〕Date Book

〔四〕又係因為 Sanrio 50 周年而推出既紀念版記事簿

呢本係港版，較早時間係吹先生度已經見到有日本版，個封面完全係一樣，當然內頁精美好多，同埋每款公仔版面都會有幾頁，所以日本版既記事簿比呢本港版係厚一倍左右，不過日本版實在係貴〔$165〕，所以當時見到都冇買，估唔到岩岩過左去既週末，比我係 Gift Gate 見到有港版，而且價錢仲平好多添，二話不說梗係買左先啦！

估唔到第一頁既人物介紹圖，Pekkle 就已經佔左一席位！

成本 50 周年紀念版既記事簿，Pekkle 主力都係以廚師 look 呢個造型 "出鏡"....

仍然係果句，呢期 Daniel & Co. 既 design 真係有 heart 好多，Pekkle 既造型千變萬化，雖然都係 2011 年既記事 / 日曆簿，不過 Pekkle 就以不同既造型出現係不同既記事簿上面，例如：泰山、水手〔海盜？〕、廚師等等.... 雖然某 d 月份既造型係有 d 重覆，不過都已經比以前進左好大步！

總括一句，今年 Daniel & Co. 推出左咁多款 Pekkle 既月曆、記事簿，對比係以前既出品黎講，個人覺得呢批全部都屬於超水準之作，值得推介！讚！！