台灣三麗鷗肖像大賞

一向都冇乜注意台灣 Sanrio 呢個投票活動，最近得朋友告知，呢個投票活動喺 facebook Pekkle fans page 入面討論得熱哄哄，經過不停催谷之後，Pekkle 嘅排名節節上升，搞到我呢個冇 facebook account 所以投唔到票嘅 Pekkle fans，都忍唔住喺呢個 blog 入面出番一個 post，希望有其他 Pekkle fans『路過此地』時，知道有呢件事發生，大家可以再『給力』、『給力』... ^^

台灣三麗鷗肖像大賞官方網站
http://webapp.sanrio.com.tw/

雖然我冇 facebook account，從來都冇投過票，不過連日嚟我都有上去呢個網站睇下最新嘅排名榜走勢...

2016 年 6 月7 日嘅頭三位

Pekkle 科學瓷餐具 - 大團圓結局

雖然我同 Pekkle 呢套科學瓷餐具好似都冇乜緣份咁，無論散貨場開到去邊，我都總係慢咗一步...  好彩，全靠朋友嘅鼎力支持同埋幫助，終於都可以令到 Pekkle『一家大細』可以團聚喇！^^

首先係大托盤


 
高身水杯連杯蓋

 

巨型大湯碗



比麵碗細，但係比飯碗大少少嘅碗



『全家大細』、齊齊整整，一共十四件，嚟張大合照先~

7-11 x Sanrio characters Joy to the Word 2015 系列 - 後記

一早 mark 定日曆，一心唸住等到 10/6 去拎番之前登記咗嗰五個『扮動物公仔系列』，週末無意中發現 7-11 門口貼咗張『通告』，話公仔已番貨，可以提早去 7-11 拎。星期一番工，第一時間梗係去公司附近嘅 7-11 拎貨啦！

呢張就係貼喺 7-11 門口嘅『通告』...



唔知呢五盒公仔係咩嚟嘅呢？



五份一機會，咁都比我抽中咗一隻 Pekkle 呀！正！

Pekkle 科學瓷餐具 - 上集

相信有玩開面書嘅 Pekkle fans，對呢套餐具一啲都唔陌生，由於我冇面書戶口，每次都係靠朋友通知，所以當我知道時，可能都已經係隔左好幾日之後嘅事喇。所以每當我嘗試跟住面書上面嘅『情報』去搵時，都因為賣呢套餐具嘅舖頭 / 檔口仔，多數都係一啲短期租約，而令我每次都係撲個空，失望而回... :(

刻意去搵搵唔到，反而無心插柳，又比我擁有一套，雖然呢套餐具並唔齊全〔因為根據面書上嘅相片所示，全套餐具應該有十四件，如今我就只有其中九件〕，但係我已經好滿足嫁喇！



平邊圓碟



小方碟



小托盤，面書上嘅照片中，應該仲有另外一款大托盤。



兜形圓碟



水杯。喺面書嘅相片中可以見到仲有一款連蓋嘅水杯。



大碗連蓋，應該啱啱好可以焗到一個即食麵咁上下嘅大細。而喺面書嘅相片中顯示，另外仲有一個好大嘅湯碗。



飯碗。仲有一款大少少嘅碗〔定係細少少呢？因為個圖案係完全一樣，單靠睇相，係分辨唔到邊個係細碗、邊個係大碗〕。



餐匙



呢套餐具，似乎令到面書一眾 Pekkle fans 都瘋狂咗一陣，唔知當中又有幾多位 Pekkle fans 記得好多年前嘅呢一套 Pekkle 餐具呢？呢套係正宗日貨，無論餐具嘅質素同埋印製 Pekkle  嘅精美度，當然係比上面香港嗰套好好多啦，但係價錢就真係天壤之別喇！所以兩套餐具，各有長處，作為 Pekkle fans 嘅我，最開心就梗係兩套都可以集齊啦！^^

http://www.pekkle.hk/2010/12/pekkle-2010.html

Sanrio characters 鐵筆盒

呢個鐵筆盒其實係 2015 年嘅產物，當時都推出咗一系列嘅產品，包括鉛芯筆、note book、擦膠、鐵筆盒等等。而之前喺香港嘅 Gift Gate 只有部份產品出售，有啲產品冇 Pekkle 份冇買，note book 就買咗，而呢個鐵筆盒我之前只係喺 facebook 見有人 post 過，未見過實物，難得最近家人去日本旅行，話無意之中喺一間文具店發現，見只係剩番一個，所以喺唔知我有冇買到嘅情況之下，都買咗番嚟比我先，正！




Pekkle 大特寫 :)

 

雖然都係 "Made in Japan"，不過寫到明係 "For sale in Japan only"，已經值回票價啦！